7,500 ರು.ನಂತೆ ಆರು ತಿಂಗಳು ಸರ್ಕಾರ ಹಣ ನೀಡಲಿ: ರಾಹುಲ್ ಗಾಂಧಿ

ಸರ್ಕಾರವು ಒಂದು ವೇಳೆ ಆರ್ಥಿಕತೆಗೆ ಹಣ ಪೂರೈಸದಿದ್ದರೆ ಬಡವರು ನಾಶವಾಗುತ್ತಾರೆ, ಮಧ್ಯಮ ವರ್ಗದವರು ಹೊಸ ಬಡವರಾಗುತ್ತಾರೆ ಮತ್ತು ಬಂಡವಾಳಶಾಹಿಗಳು ದೇಶವನ್ನು ಸ್ವಂತ ಮಾಡಿಕೊಳ್ಳುತ್ತಾರೆ ಎಂದು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರು ಅಭಿಪ್ರಾಯ ಪಟ್ಟಿದ್ದಾರೆ.

ಖಾಸಗಿ ಕಂಪೆನಿಗಳಲ್ಲಿ ಉದ್ಯೋಗ ಕಳೆದುಕೊಂಡವರ ಬಗ್ಗೆ ವರದಿಗಳನ್ನು ಪ್ರಸ್ತಾವ ಮಾಡಿರುವ ಅವರು, ತಕ್ಷಣವೇ ಪ್ರತಿ ಬಡ ಕುಟುಂಬಕ್ಕೆ 10 ಸಾವಿರ ನೀಡಬೇಕು ಹಾಗೂ ಮುಂದಿನ ಆರು ತಿಂಗಳ ಕಾಲ ತಿಂಗಳಿಗೆ 7,500 ರುಪಾಯಿಯಂತೆ ನೀಡಬೇಕು. ಆ ಮೂಲಕ ಕೊರೊನಾ ಲಾಕ್ ಡೌನ್ ಪರಿಣಾಮದಿಂದ ಹೊರಬರಲು ನೆರವಾಗಬೇಕು ಎಂದಿದ್ದಾರೆ.

ಸಣ್ಣ ಮತ್ತು ಮಧ್ಯಮ ಕೈಗಾರಿಕೆ ಸಂಸ್ಥೆಗಳಿಗೆ ಆರ್ಥಿಕ ಉತ್ತೇಜನ ನೀಡಬೇಕು. ಒಂದು ವೇಳೆ ಭಾರತ ಸರ್ಕಾರ ಈಗ ಆರ್ಥಿಕತೆಗೆ ನಗದು ಪೂರೈಸದಿದ್ದರೆ ಬಡವರು ನಾಶವಾಗುತ್ತಾರೆ. ಮಧ್ಯಮ ವರ್ಗದವರು ಹೊಸ ಬಡವರಾಗುತ್ತಾರೆ. ಬಂಡವಾಳಶಾಹಿಗಳು ಇಡೀ ದೇಶವನ್ನು ಸ್ವಂತ ಮಾಡಿಕೊಳ್ಳುತ್ತಾರೆ ಎಂದು ಟ್ವಿಟ್ಟರ್ ನಲ್ಲಿ ಹೇಳಿದ್ದಾರೆ.