ಸಾಮಾನ್ಯ ಭವಿಷ್ಯ ನಿಧಿ ಮೇಲಿನ ಬಡ್ಡಿದರ ಪ್ರಕಟಿಸಿದ ಸರ್ಕಾರ

ನವದೆಹಲಿ, ಜನವರಿ 28: ಜನವರಿ-ಮಾರ್ಚ್ ತ್ರೈಮಾಸಿಕಕ್ಕೆ ಸಾಮಾನ್ಯ ಭವಿಷ್ಯ ನಿಧಿ(General Provident Fund) ಮೇಲಿನ ಬಡ್ಡಿದರವನ್ನು ಕೇಂದ್ರ ಹಣಕಾಸು ಸಚಿವಾಲಯದ ಆರ್ಥಿಕ ವ್ಯವಹಾರಗಳ ಬಜೆಟ್ ವಿಭಾಗವು ಪ್ರಕಟಿಸಿದೆ. 20 ರ ಜನವರಿ 2020 ರಿಂದ ಮಾರ್ಚ್ ವರೆಗೆ ಜಿಪಿಎಫ್ ಮೇಲಿನ ಬಡ್ಡಿ ಶೇಕಡಾ 7.9 ರಷ್ಟಿದೆ.

ಒಂದು ವರ್ಷ ಉದ್ಯೋಗ ಪೂರ್ಣಗೊಳಿಸುವ ತಾತ್ಕಾಲಿಕ ಉದ್ಯೋಗಿಗಳು, ಎಲ್ಲಾ ಖಾಯಂ ಸರ್ಕಾರಿ ನೌಕರರು ಸಾಮಾನ್ಯ ಭವಿಷ್ಯ ನಿಧಿ ನಿಯಮ 1960 ರ ವ್ಯಾಪ್ತಿಗೆ ಒಳಪಡಲಿದ್ದಾರೆ ಎಂದು ಸಿಬ್ಬಂದಿ, ಸಾರ್ವಜನಿಕ ಕುಂದುಕೊರತೆ ಮತ್ತು ಪಿಂಚಣಿ ಸಚಿವಾಲಯ ಹೇಳಿದೆ.

ಅಂಚೆ ಕಚೇರಿ ಸಣ್ಣ ಉಳಿತಾಯ ಯೋಜನೆ, ಸಾರ್ವಜನಿಕ ಭವಿಷ್ಯ ನಿಧಿ(ಪಿಪಿಎಫ್), ರಾಷ್ಟ್ರೀಯ ಉಳಿತಾಯ ಪತ್ರ(ಎನ್ ಎಸ್ ಸಿ) ತ್ರೈಮಾಸಿಕ ಬಡ್ಡಿದರಗಳನ್ನು ಸರ್ಕಾರ ಘೋಷಣೆ ಮಾಡಿತ್ತು. ಆದರೆ, ಬಡ್ಡಿದರದಲ್ಲಿ ಯಾವುದೇ ವ್ಯತ್ಯಾಸ ಕಂಡು ಬಂದಿರಲಿಲ್ಲ. ಬಡ್ಡಿದರವನ್ನು ಶೇಕಡಾ 7.9 ಕ್ಕೆ ಉಳಿಸಲಾಗಿದೆ. ಕೇಂದ್ರ ಸರ್ಕಾರ ಸಣ್ಣ ಉಳಿತಾಯ ಯೋಜನೆಗಳಿಗೆ ನೀಡುವ ಬಡ್ಡಿದರವನ್ನು ಮೂರು ತಿಂಗಳಿಗೊಮ್ಮೆ ಪರಿಷ್ಕರಿಸುತ್ತದೆ.

ಸದ್ಯ ಜನವರಿ 2020ರಿಂದ ಮಾರ್ಚ್ ತನಕ ಜಿಪಿಎಫ್ ಬಡ್ಡಿದರ 7.9% ಇದ್ದು, ಜನವರಿ 01ರಿಂದಲೇ ಪೂರ್ವನ್ವಯವಾಗಲಿದೆ. ಯಾವೆಲ್ಲ ಭವಿಷ್ಯ ನಿಧಿ ಯೋಜನೆಗೆ ಇದು ಅನ್ವಯ ಇಲ್ಲಿದೆ ಪಟ್ಟಿ:
1. ಸಾಮಾನ್ಯ ಭವಿಷ್ಯ ನಿಧಿ(ಕೇಂದ್ರ ಸೇವೆ)
2. The Contributory Provident Fund
3. ಅಖಿಲ ಭಾರತ ಸೇವಾ ಭವಿಷ್ಯ ನಿಧಿ
4. ರಾಜ್ಯ ರೈಲ್ವೆ ಭವಿಷ್ಯ ನಿಧಿ
5. ಸಾಮಾನ್ಯ ಭವಿಷ್ಯ ನಿಧಿ(ರಕ್ಷಣಾ ಸೇವೆ)
6. The Indian Ordnance Department Provident Fund.
7. The Indian Ordnance Factories Workmen's Provident Fund.
8. ಭಾರತೀಯ ನೌಕಾಪಡೆ ಡಾಕ್ ಯಾರ್ಡ್ ಸಿಬ್ಬಂದಿ ಭವಿಷ್ಯ ನಿಧಿ.
9. ರಕ್ಷಣಾ ಸೇವಾ ಅಧಿಕಾರಿಗಳ ಭವಿಷ್ಯ ನಿಧಿ.
10. ಸಶಸ್ತ್ರ ಬಲ ಸಿಬ್ಬಂದಿ ಭವಿಷ್ಯ ನಿಧಿ.