Gruha Jyoti: ಕರ್ನಾಟಕದಲ್ಲಿ 7.48 ಮಿಲಿಯನ್ ಗ್ರಾಹಕರಿಗೆ ಗೃಹ ಜ್ಯೋತಿಯಡಿ ಜಿರೋ ಬಿಲ್‌

ಆಗಸ್ಟ್ 1 ರಿಂದ, ಐದು ವಿದ್ಯುತ್ ಸರಬರಾಜು ಕಂಪನಿಗಳು (ಎಸ್ಕಾಂಗಳು) ಕರ್ನಾಟಕದ ಮಹತ್ವಾಕಾಂಕ್ಷೆಯ ಗೃಹ ಜ್ಯೋತಿ ಯೋಜನೆಯ ಭಾಗವಾಗಿ ಗೃಹ ಗ್ರಾಹಕರಿಗೆ ಶೂನ್ಯ ಬಿಲ್‌ಗಳನ್ನು ನೀಡುತ್ತಿವೆ. ಇದುವರೆಗೆ ರಾಜ್ಯಾದ್ಯಂತ ಫಲಾನುಭವಿಗಳಿಗೆ ಒಟ್ಟು 119 ಮಿಲಿಯನ್ (11,938,402) ಬಿಲ್‌ಗಳನ್ನು ನೀಡಲಾಗಿದೆ ಎಂದು ವರದಿಯಾಗಿದೆ.

ಗಮನಾರ್ಹವಾಗಿ 7.48 ಮಿಲಿಯನ್ (7,408,769) ಗ್ರಾಹಕರು ಶೂನ್ಯ ಬಿಲ್‌ಗಳನ್ನು ಪಡೆದಿದ್ದರೆ, 4.52 ಮಿಲಿಯನ್ (4,529,663) ಗ್ರಾಹಕರು ಸಬ್ಸಿಡಿ ಬಿಲ್ ಪಡೆದಿದ್ದಾರೆ ಎಂದು ಕರ್ನಾಟಕ ಸರ್ಕಾರ ಬಿಡುಗಡೆ ಮಾಡಿದ ಅಂಕಿಅಂಶ ತಿಳಿಸಿದೆ.

"ಸರಿಸುಮಾರು ಶೇಕಡ 62.06ರಷ್ಟು ಈ ಬಿಲ್‌ಗಳು ಜಿರೋ ಬಿಲ್ಲಿಂಗ್ ರ್ಗದ ಅಡಿಯಲ್ಲಿ ಬರುತ್ತವೆ. ಜಿರೋ ಅಲ್ಲದ ಬಿಲ್‌ಗಳನ್ನು ಪಡೆಯುವವರು ಸಹ ಯೋಜನೆಯ ಫಲಾನುಭವಿಗಳಾಗಿ ಉಳಿಯುತ್ತಾರೆ. ಅರ್ಹ ಯುನಿಟ್‌ಗಳನ್ನು ಮೀರಿದ ಬಳಕೆಗೆ ಮಾತ್ರ ಪಾವತಿಸುವ ಅವಶ್ಯಕತೆಯಿದೆ," ಎಂದು ಇಂಧನ ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಸರ್ಕಾರದ ಮಾರ್ಗಸೂಚಿಗಳ ಪ್ರಕಾರ, ಹಿಂದಿನ ವರ್ಷದ ಸರಾಸರಿ ವಿದ್ಯುತ್ ಬಳಕೆಯೊಂದಿಗೆ, ಸರ್ಕಾರವು ಗ್ರಾಹಕರಿಗೆ ಶೇಕಡ 10 ರಷ್ಟು ಹೆಚ್ಚುವರಿ ಯುನಿಟ್‌ಗಳನ್ನು ನೀಡುತ್ತದೆ. ಸರಾಸರಿಗಿಂತ ಹೆಚ್ಚು ವಿದ್ಯುತ್ ಬಳಕೆ ಮಾಡುವವರು ನಿವ್ವಳ ಬಿಲ್ ಅನ್ನು ಇರುವ ವ್ಯತ್ಯಾಸವನ್ನು ನಿರ್ವಹಣೆ ಮಾಡಲು ಪಡೆಯುತ್ತಾರೆ. 200 ಯೂನಿಟ್ ಮಿತಿಯನ್ನು ಮೀರಿದವರು ಸಂಪೂರ್ಣ ವಿದ್ಯುತ್ ಬಿಲ್ ಪಾವತಿಸಬೇಕಾಗುತ್ತದೆ.

ಅಂದರೆ ಹಿಂದಿನ ವರ್ಷದಲ್ಲಿ ಸರಾಸರಿ ಮಾಸಿಕ 100 ಯೂನಿಟ್‌ಗಳನ್ನು ಹೊಂದಿರುವ ಗ್ರಾಹಕರು, ಒಂದು ತಿಂಗಳಲ್ಲಿ ಸುಮಾರು 150 ಯೂನಿಟ್‌ಗಳ ವಿದ್ಯುತ್ ಅನ್ನು ಬಳಸಿದರೆ, ನಂತರ ಅವನು/ಅವಳು ಹೆಚ್ಚುವರಿ 50 ಯೂನಿಟ್‌ಗಳಿಗೆ ಬಿಲ್ ಪಾವತಿಸಬೇಕಾಗುತ್ತದೆ.

ಗೃಹ ಜ್ಯೋತಿ ಯೋಜನೆ ಪ್ರಾರಂಭವಾದಾಗಿನಿಂದ, ಬೆಸ್ಕಾಂ (ಬೆಂಗಳೂರು ವಿದ್ಯುತ್ ಸರಬರಾಜು ಕಂಪನಿ ಲಿಮಿಟೆಡ್) ನ 3.30 ಮಿಲಿಯನ್ ಗ್ರಾಹಕರು ಜಿರೋ ಬಿಲ್‌ಗಳಿಂದ ಪ್ರಯೋಜನ ಪಡೆದಿದ್ದಾರೆ ಎಂದು ಡೇಟಾ ತೋರಿಸುತ್ತದೆ. ಮೊದಲ ಬಿಲ್‌ಗಳನ್ನು ಜುಲೈನಲ್ಲಿ ನೀಡಲಾಗಿದೆ.

ಬೆಂಗಳೂರು ಸೇರಿದಂತೆ ಎಂಟು ಜಿಲ್ಲೆಗಳನ್ನು ಒಳಗೊಂಡಿರುವ ಬೆಸ್ಕಾಂ ಈ ಯೋಜನೆಯಡಿ ಅರ್ಹ ಫಲಾನುಭವಿಗಳಿಗೆ ಜಿರೋ ಬಿಲ್‌ಗಳನ್ನು ವಿತರಿಸಿದೆ. ಇಲ್ಲಿಯವರೆಗೆ, ಈ ಯೋಜನೆಯಡಿಯಲ್ಲಿ ಒಟ್ಟು 5.12 ಮಿಲಿಯನ್ ಗ್ರಾಹಕರಿಗೆ ಬಿಲ್ ನೀಡಲಾಗಿದೆ. ಅದರಲ್ಲಿ 3.30 ಮಿಲಿಯನ್ ಸಬ್ಸಿಡಿಗಳನ್ನು ನೀಡಲಾಗಿದೆ ಮತ್ತು 1.81 ಮಿಲಿಯನ್ ಗ್ರಾಹಕರಿಗೆ ಜಿರೋ ಬಿಲ್ ನೀಡಲಾಗಿದೆ ಎಂದು ಡೇಟಾ ತಿಳಿಸಿದೆ.

ಅನೇಕ ಗ್ರಾಹಕರು ಈಗಾಗಲೇ ಈ ಯೋಜನೆಯ ಪ್ರಯೋಜನ ಪಡೆಯುತ್ತಿದ್ದಾರೆ. ಆಗಸ್ಟ್‌ನಲ್ಲಿ ಯೋಜನೆಯ ನೋಂದಣಿಗಳು ಹೆಚ್ಚಿವೆ. ಜುಲೈ 28 ಮತ್ತು ಆಗಸ್ಟ್ 15 ರ ನಡುವೆ, 1.08 ಮಿಲಿಯನ್‌ಗಿಂತಲೂ ಹೆಚ್ಚು ಗ್ರಾಹಕರು ಈ ಯೋಜನೆಗೆ ನೋಂದಾಯಿಸಿಕೊಂಡಿದ್ದಾರೆ. ಇದರಿಂದಾಗಿ ಒಟ್ಟು ನೋಂದಣಿಗಳ ಸಂಖ್ಯೆ 14 ಮಿಲಿಯನ್‌ನಿಂದ 15.1 ಮಿಲಿಯನ್‌ಗೆ ಏರಿಕೆಯಾಗಿದೆ. ರಾಜ್ಯದಲ್ಲಿ ಒಟ್ಟು 21.4 ಮಿಲಿಯನ್ ಗ್ರಾಹಕರು ಈ ಯೋಜನೆಗೆ ಅರ್ಹರಾಗಿರುತ್ತಾರೆ ಎಂದು ಇಂಧನ ಇಲಾಖೆ ಈ ಹಿಂದೆ ಅಂದಾಜಿಸಿತ್ತು.

ಕರ್ನಾಟಕದಲ್ಲಿ ವಿದ್ಯುತ್ ಬೇಡಿಕೆ ಏರಿಕೆ

ಕರ್ನಾಟಕದಲ್ಲಿ ವಿದ್ಯುತ್ ಬೇಡಿಕೆಯು ಗರಿಷ್ಠ ಮಟ್ಟವನ್ನು ತಲುಪಿದೆ. ಆಗಸ್ಟ್ ಸಾಮಾನ್ಯವಾಗಿ ಮಳೆಯ ತಿಂಗಳಾದರೂ ಮಾರ್ಚ್ ಮತ್ತು ಏಪ್ರಿಲ್‌ನಲ್ಲಿ ಬೇಸಿಗೆ ಇರುವ ತಿಂಗಳಿನಲ್ಲಿ ಬಳಕೆ ಮಾಡಲಾಗುವಷ್ಟು ವಿದ್ಯುತ್‌ಗೂ ಅಧಿಕ ಬೇಡಿಕೆ ಉಂಟಾಗಿದೆ. ಮಾರ್ಚ್‌ನಲ್ಲಿ 16,110 ಮೆಗಾವ್ಯಾಟ್‌ ವಿದ್ಯುತ್ ಬೇಡಿಕೆಯಿತ್ತು, ಇದಕ್ಕೆ ಹೋಲಿಸಿದರೆ, ಆಗಸ್ಟ್ 25ರವರೆಗಿನ ಒಂದು ತಿಂಗಳ ಅವಧಿಯಲ್ಲಿ ವಿದ್ಯುತ್ ಬೇಡಿಕೆ 16,950 ಮೆಗಾವ್ಯಾಟ್‌ಗೆ ಏರಿಕೆಯಾಗಿದೆ.

ಇನ್ನೊಂದೆಡೆ ಪ್ರಸ್ತುತ ತಾಪಮಾಣ ಏರಿಕೆಯಾಗುತ್ತಿದೆ. ಮಳೆಗಾಲದಲ್ಲಿಯೂ ಮಳೆ ಇಲ್ಲದೆ ತಾಪಮಾನ ಅಧಿಕವಾಗಿದೆ. ಇದರಿಂದಾಗಿಯೇ ಆಗಸ್ಟ್‌ನಲ್ಲಿ ವಿದ್ಯುತ್ ಬಳಕೆ ಹೆಚ್ಚಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಬೆಂಗಳೂರಿನಲ್ಲಿ ಗರಿಷ್ಠ ವಿದ್ಯುತ್ ಬೇಡಿಕೆಯು ಆಗಸ್ಟ್ 25 ರಂದಾಗಿದೆ. ಏಪ್ರಿಲ್ 20 ರಂದು ಒಂದು ದಿನದಲ್ಲಿ 7,800 ಮೆಗಾವ್ಯಾಟ್‌ ವಿದ್ಯುತ್ ಬಳಕೆಯಾಗಿದ್ದು, ಆಗಸ್ಟ್ 25 ರಂದು ಒಂದು ದಿನದಲ್ಲಿ 7,981 ಮೆಗಾವ್ಯಾಟ್‌ ಬಳಕೆಯಾಗಿದೆ.