ಜಿಎಸ್‌ಟಿಯಿಂದ ಜನರ ಉಳಿತಾಯ ಹೆಚ್ಚಿದೆ: ನಿರ್ಮಲಾ ಸೀತಾರಾಮನ್

ಲೋಕಸಭೆಯಲ್ಲಿ ಎರಡನೇ ಬಾರಿಗೆ ಬಜೆಟ್‌ ಮಂಡಿಸುತ್ತಿರುವ ಸಚಿವೆ ನಿರ್ಮಲಾ ಸೀತಾರಾಮನ್‌ ಜಿಎಸ್‌ಟಿಯಿಂದ ಜನರ ಉಳಿತಾಯ ಹೆಚ್ಚಿದೆ ಎಂದು ಹೇಳಿದ್ದಾರೆ.

ಕೇಂದ್ರ ಮಾಜಿ ಹಣಕಾಸು ಸಚಿವ, ದಿ. ಅರುಣ್‌ ಜೇಟ್ಲಿಗೆ ನಮನದ ಬಳಿಕ ಜಿಎಸ್‌ಟಿ ವಿಚಾರ ಪ್ರಸ್ತಾಪಿಸಿದ ನಿರ್ಮಲಾ ಸೀತಾರಾಮನ್ ಇಂದಿನ ದಿನದಲ್ಲಿ ನಾವು 16 ಲಕ್ಷ ಹೊಸ ತೆರಿಗೆ ಪಾವತಿದಾರರನ್ನು ಪಡೆದಿದ್ದೇವೆ. ಜಿಎಸ್‌ಟಿ ರಾಷ್ಟ್ರಾದ್ಯಂತ ಜಾರಿಯಾಗಿದ್ದು, ಸಾಮಾನ್ಯ ಜನರ ಜೀವನದಲ್ಲಿ ಉಳಿತಾಯಕ್ಕೆ ಹಾದಿ ಮಾಡಿಕೊಟ್ಟಿದೆ ಎಂದು ಹೇಳಿದರು.

ಜಿಎಸ್‌ಟಿಯಿಂದ ಭಾರತ ಏಕತೆಯನ್ನು ಸಾಧಿಸುತ್ತಿದೆ. 40 ಕೋಟಿ ಜನರು ಈ ಬಾರಿ ಜಿಎಸ್‌ಟಿ ಪಾವತಿ ಮಾಡಿದ್ದಾರೆ. ಅಲ್ಲದೆ ಇದೇ ವೇಳೆ 27 ಕೋಟಿ ಜನರು ಬಡತನ ರೇಖೆಯಿಂದ ಹೊರಬಂದಿದ್ದಾರೆ ಎಂದು ಹೇಳಿದ್ದಾರೆ. ಈ ಬಾರಿಯ ಬಜೆಟ್ ಜನ ಸಾಮಾನ್ಯರ ಬಜೆಟ್ ಆಗಿರುತ್ತದೆ. 3 ಪ್ರಮುಖ ವಿಚಾರಗಳು ಈ ಬಜೆಟ್‌ ಹೊಂದಿದೆ ಎಂದಿದ್ದಾರೆ.