ಹೀರೋ ಡೆಸ್ಟಿನಿ 125 ಪ್ಲಾಟಿನಂ ಬಿಡುಗಡೆ: ಬೆಲೆ ಎಷ್ಟು?

ದೇಶದ ಅತಿದೊಡ್ಡ ಬೈಕು ಹಾಗೂ ಸ್ಕೂಟರ್ ತಯಾರಕ ಸಂಸ್ಥೆ ಹೀರೋ ಮೊಟೊಕಾರ್ಪ್ ಜನಪ್ರಿಯ ಬೈಕ್ ಮತ್ತು ಸ್ಕೂಟರ್‌ಗಳನ್ನು ಬಿಡುಗಡೆ ಮಾಡುತ್ತಲೇ ಬಂದಿದೆ. ಇದೀಗ ತನ್ನ ಜನಪ್ರಿಯ ಸ್ಕೂಟರ್‌ನ ಹೊಸ ಆವೃತ್ತಿಯನ್ನು ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ.

ಹೀರೋ ಮೊಟೊಕಾರ್ಪ್ ತನ್ನ ಸ್ಕೂಟರ್ ಹೀರೋ ಡೆಸ್ಟಿನಿ 125 ರ 'ಪ್ಲ್ಯಾಟಿನಮ್' ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಹೀರೋ ಡೆಸ್ಟಿನಿ 125 ಪ್ಲಾಟಿನಂ ಅನ್ನು 72,050 ರೂ.ಗಳ ಎಕ್ಸ್ ಶೋ ರೂಂಗೆ(ದೆಹಲಿ) ಬಿಡುಗಡೆ ಮಾಡಿದೆ. ಈ ಹೊಸ ಸ್ಕೂಟರ್ ಹೊಸ ವಿನ್ಯಾಸ ಮತ್ತು ಥೀಮ್ ಅಂಶಗಳೊಂದಿಗೆ ಪ್ಲಾಟಿನಂ ಆವೃತ್ತಿಯನ್ನು ಪರಿಚಯಿಸಿದೆ.

ಹೀರೋನ ಪೋರ್ಟ್ಫೋಲಿಯೊದಲ್ಲಿನ 125 ಸಿಸಿ ವಿಭಾಗದಲ್ಲಿ ಈಗಾಗಲೇ ಮೆಸ್ಟ್ರೋ 125 ಮತ್ತು ಪ್ಲೆಷರ್ ಪ್ಲಸ್ ನಂತಹ ಸ್ಕೂಟರ್‌ಗಳಿವೆ. ಈಗ ಕಂಪನಿಯು ಹೊಸ ಡೆಸ್ಟಿನಿ 125 ರ ಪ್ಲಾಟಿನಂ ಆವೃತ್ತಿಯನ್ನು ಬಿಡುಗಡೆ ಮಾಡುವ ಮೂಲಕ ತನ್ನ ಸ್ಕೂಟರ್ ವಿಭಾಗವನ್ನು ಮತ್ತಷ್ಟು ವಿಸ್ತರಿಸಿದೆ.

ಸಿಗ್ನೇಚರ್ ಎಲ್ಇಡಿ ಗೈಡ್ ಲ್ಯಾಂಪ್, ಪ್ರೀಮಿಯಂ ಬ್ಯಾಡ್ಜಿಂಗ್, ಹೊಸ ಕಪ್ಪು ಮತ್ತು ಕ್ರೋಮ್ ಥೀಮ್ ಹೊಂದಿರುವ ಶೀಟ್ ಮೆಟಲ್ ಬಾಡಿ ಸೇರಿದಂತೆ ಕಂಪನಿಯು ಈ ಸ್ಕೂಟರ್‌ಗೆ ಕೆಲವು ಹೊಸ ವೈಶಿಷ್ಟ್ಯಗಳನ್ನು ನೀಡಿದೆ,. ಇದರ ಸಹಾಯದಿಂದ ಹೊಸ ಹೀರೋ ಡೆಸ್ಟಿನಿ 125 ಪ್ಲಾಟಿನಂ ಗ್ರಾಹಕರನ್ನು ಆಕರ್ಷಿಸುತ್ತದೆ.