ನೊಕಿಯಾ 215, 225 ಎರಡು 4G ಫೀಚರ್ ಫೋನ್ ಘೋಷಣೆ
ನೊಕಿಯಾ 215 4G ಹಾಗೂ ನೊಕಿಯಾ 225 4G ಎರಡು ಹೊಸ ಫೀಚರ್ ಫೋನ್ ಗಳನ್ನು ಎಚ್ ಎಂಡಿ ಗ್ಲೋಬಲ್ ಭಾರತದಲ್ಲಿ ಘೋಷಣೆ ಮಾಡಿದೆ. ಈ ಎರಡು ಫೋನ್ ಪೈಕಿ ನೊಕಿಯಾ 215 ಬೆಲೆಯು 2949 ರುಪಾಯಿ ಇರಲಿದೆ. ಅಕ್ಟೋಬರ್ 23ನೇ ತಾರೀಕಿನಿಂದ ಆನ್ ಲೈನ್ ಮೂಲಕ ಮಾರಾಟ ಆರಂಭಿಸಲಾಗುತ್ತದೆ.
ಇನ್ನು ನವೆಂಬರ್ 6ನೇ ತಾರೀಕಿನಿಂದ ಎಲ್ಲ ಮಳಿಗೆಗಳಲ್ಲೂ ಖರೀದಿಗೆ ದೊರೆಯಲಿದೆ. ನೊಕಿಯಾ 225 ಫೋನ್ 3499 ರುಪಾಯಿಗೆ ದೊರೆಯಲಿದೆ. ಅದು ಕೂಡ ಅಕ್ಟೋಬರ್ 23ನೇ ತಾರೀಕಿನಿಂದ ಆನ್ ಲೈನ್ ನಲ್ಲಿ ಹಾಗೂ ನವೆಂಬರ್ 6ನೇ ತಾರೀಕಿನಿಂದ ಎಲ್ಲ ಮಳಿಗೆಗಳಲ್ಲೂ ಖರೀದಿಗೆ ದೊರೆಯಲಿದೆ.
ಮೊಟೊರೊಲಾದಿಂದ 10 ಸಾವಿರದೊಳಗಿನ ಮೊಟೊ E7 ಪ್ಲಸ್ ಫೋನ್ ಬಿಡುಗಡೆ
ನೊಕಿಯಾ 215 ಫೋನ್ ಹಸಿರು ಮತ್ತು ಕಪ್ಪು ಹಾಗೂ ನೊಕಿಯಾ 225 ಫೋನ್ ನೀಲಿ, ಮೆಟಾಲಿಕ್ ಸ್ಯಾಂಡ್ ಮತ್ತು ಕಪ್ಪು ಬಣ್ಣದಲ್ಲಿ ದೊರೆಯಲಿದೆ. ಈ ಫೀಚರ್ ಫೋನ್ ಗಳಲ್ಲಿ VoLTE ಗುಣಮಟ್ಟದ ಕರೆ, ವೆಬ್ ಬ್ರೌಸಿಂಗ್, ಮಲ್ಟಿಪ್ಲೇಯರ್ ಗೇಮಿಂಗ್ ಮತ್ತು ಸೋಷಿಯಲ್ ಮೀಡಿಯಾ ಇರುತ್ತದೆ. ಈ ಫೋನ್ ಗಳು ವೈಯರ್ ಲೆಸ್ ಎಫ್ ಎಂ ರೇಡಿಯೋವನ್ನು ಸಹ ಒದಗಿಸುತ್ತವೆ.
225 ಮಾಡೆಲ್ ನಲ್ಲಿ 1150 mAh ಬ್ಯಾಟರಿ ಇರಲಿದ್ದು, ನೊಕಿಯಾ 215 ಫೋನ್ ನಲ್ಲಿ ಇರುವಂಥ ಫೀಚರ್ ಗಳೇ ಇರಲಿವೆ.