ಕೊರೊನಾ ಲಾಕ್‌ಡೌನ್ ಹೊರತಾಗಿಯು ಭಾರತದ ಔಪಚಾರಿಕ ಉದ್ಯೋಗಗಳು ಹೆಚ್ಚಾಗಿವೆ!

ಕೊರೊನಾವೈರಸ್ ಎರಡನೇ ತರಂಗದ ಅಲೆ ಪ್ರೇರಿತ ಲಾಕ್‌ಡೌನ್‌ ಹೊರತಾಗಿಯು, ಔಪಚಾರಿಕ ಉದ್ಯೋಗವು ವೇಗವನ್ನು ಪಡೆದಿದೆ ಎಂದು ಅಂಕಿ-ಅಂಶಗಳಿಂದ ತಿಳಿದುಬಂದಿದೆ.

ಅಂಕಿಅಂಶ ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯದ ವೇತನದಾರರ ದತ್ತಾಂಶದ ಪ್ರಕಾರ, ಮಾರ್ಚ್‌ನಲ್ಲಿ ಸುಮಾರು 12.24 ಲಕ್ಷ ಹೊಸ ಸದಸ್ಯರು ವಿವಿಧ ಸಾಮಾಜಿಕ ಭದ್ರತಾ ಯೋಜನೆಗಳಿಗೆ ಸೇರ್ಪಡೆಯಾಗಿದ್ದು, ಹಿಂದಿನ ತಿಂಗಳಲ್ಲಿ 11.77 ಲಕ್ಷ ರೂ. ಹೋಲಿಸಿದರೆ ಉದ್ಯೋಗ ಪ್ರಮಾಣ ಹೆಚ್ಚಾಗಿದೆ.

ನೌಕರರ ಭವಿಷ್ಯ ನಿಧಿ (ಇಪಿಎಫ್) ಯೋಜನೆಯ ಅಡಿಯಲ್ಲಿ ಮೂರು ಪ್ರಮುಖ ಯೋಜನೆಗಳಿಗೆ ಚಂದಾದಾರರಾಗಿರುವ ನೌಕರರ ಸಂಖ್ಯೆಯ ಮಾಹಿತಿಯನ್ನು ಬಳಸಿಕೊಂಡು
ಎನ್‌ಪಿಎಸ್ ಅಡಿಯಲ್ಲಿ ಹೆಚ್ಚಿನ ಉದ್ಯೋಗಗಳನ್ನು ಸೃಷ್ಟಿಸಿದೆ.

ಮಾರ್ಚ್‌ನಲ್ಲಿ ಇಪಿಎಫ್‌ಒ ಜೊತೆಗಿನ ಹೊಸ ದಾಖಲಾತಿಗಳು 11.21 ಲಕ್ಷಗಳಷ್ಟಿದ್ದು, ಫೆಬ್ರವರಿ 2021 ರಲ್ಲಿ ಅದು 11.28 ಲಕ್ಷವಾಗಿತ್ತು. ಆದರೆ ಅದಕ್ಕೂ ಮೊದಲು ಇಪಿಎಫ್‌ಒ ಜನವರಿಯಲ್ಲಿ 13.36 ಲಕ್ಷ ನಿವ್ವಳ ಚಂದಾದಾರರನ್ನು ಸೇರಿಸಿದೆ. ಎನ್‌ಪಿಎಸ್‌ನೊಂದಿಗೆ ಹೊಸ ದಾಖಲಾತಿಗಳು ಮಾರ್ಚ್‌ನಲ್ಲಿ 25.45 ಲಕ್ಷ ಆಗಿತ್ತು.

ಲೌಕ್‌ಡೌನ್‌ ನಡುವೆ ವಿವಿಧ ಉದ್ಯೋಗ ಯೋಜನೆಗಳಿಗಾಗಿ ಕೇಂದ್ರ ಸರ್ಕಾರವು ಕೈಗೊಂಡ ಇ-ಉಪಕ್ರಮಗಳು ಚಂದಾದಾರರ ಸೇರ್ಪಡೆಯ ಬೆಳವಣಿಗೆಗೆ ಭಾಗಶಃ ಕಾರಣ ಎಂದು ತಜ್ಞರು ಹೇಳಿದ್ದಾರೆ.