ಭಾರತದ ಟಾಪ್ 10 ಕಂಪೆನಿಗಳ ಪೈಕಿ 8ರ ಮಾರುಕಟ್ಟೆ ಮೌಲ್ಯ 1.53 ಲಕ್ಷ ಕೋಟಿ ಏರಿಕೆ
ಭಾರತದ ಅತ್ಯಂತ ಮೌಲ್ಯಯುತ ಟಾಪ್ 10 ಕಂಪೆನಿಗಳ ಪೈಕಿ 8ರ ಮಾರುಕಟ್ಟೆ ಮೌಲ್ಯವು ಕಳೆದ ವಾರ 1,53,041.36 ಕೋಟಿ ರುಪಾಯಿ ಹೆಚ್ಚಳವಾಗಿದೆ. ಇದರಲ್ಲಿ ದೊಡ್ಡ ಮಟ್ಟದ ಗಳಿಕೆ ದಾಖಲಿಸಿರುವ ಕಂಪೆನಿಗಳೆಂದರೆ ಹಿಂದೂಸ್ತಾನ್ ಯುನಿಲಿವರ್ ಹಾಗೂ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್. ಮೂವತ್ತು ಷೇರುಗಳ ಗುಚ್ಛ ಹೊಂದಿರುವ ಬಿಎಸ್ ಇ ಸೆನ್ಸೆಕ್ಸ್ ಕಳೆದ ವಾರ 1019.46 ಪಾಯಿಂಟ್ ಅಥವಾ 2.26 ಪರ್ಸೆಂಟ್ ಏರಿಕೆ ಕಂಡಿದೆ.
ರಿಲಯನ್ಸ್ ಇಂಡಸ್ಟ್ರೀಸ್, ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್, ಹಿಂದೂಸ್ತಾನ್ ಯುನಿಲಿವರ್, ಇನ್ಫೋಸಿಸ್, ಎಚ್ ಡಿಎಫ್ ಸಿ, ಕೊಟಕ್ ಮಹೀಂದ್ರಾ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್ ಹಾಗೂ ಭಾರ್ತಿ ಏರ್ ಟೆಲ್ ಕಂಪೆನಿಯ ಮಾರುಕಟ್ಟೆ ಮೌಲ್ಯ ಹೆಚ್ಚಾಗಿದೆ. ಇನ್ನು ಎಚ್ ಡಿಎಫ್ ಸಿ ಬ್ಯಾಂಕ್ ಮತ್ತು ಬಜಾಜ್ ಫೈನಾನ್ಸ್ ಕಂಪೆನಿಗಳ ಮೌಲ್ಯ ಇಳಿಕೆಯಾಗಿದೆ.
100 ರುಪಾಯಿಯಿಂದ ಹೂಡಿಕೆ ಆರಂಭಿಸಬಹುದಾದ ಎಸ್ ಐಪಿ ಅನುಕೂಲಗಳೇನು?
ಯಾವ ಕಂಪೆನಿಯ ಮಾರುಕಟ್ಟೆ ಮೌಲ್ಯ ಎಷ್ಟು ಹೆಚ್ಚಾಗಿದೆ ಎಂಬ ವಿವರ ಹೀಗಿದೆ:
* ಹಿಂದುಸ್ತಾನ್ ಯುನಿಲಿವರ್ 43,596.02 ಕೋಟಿ
* ರಿಲಯನ್ಸ್ 37,434.4 ಕೋಟಿ
* ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ 21,557.45 ಕೋಟಿ
* ಕೊಟಕ್ ಮಹೀಂದ್ರಾ ಬ್ಯಾಂಕ್ 14,789.9 ಕೋಟಿ
* ಇನ್ಫೋಸಿಸ್ 12,096.98 ಕೋಟಿ
* ಐಸಿಐಸಿಐ ಬ್ಯಾಂಕ್ 9031.76 ಕೋಟಿ
* ಎಚ್ ಡಿಎಫ್ ಸಿ 8988.46 ಕೋಟಿ
* ಭಾರ್ತಿ ಏರ್ ಟೆಲ್ 5,537.39 ಕೋಟಿ
ಆದರೆ, ಬಜಾಜ್ ಫೈನಾನ್ಸ್ ಕಂಪೆನಿ ಮಾರ್ಕೆಟ್ ಮೌಲ್ಯ 1919.24 ಕೋಟಿ ರು. ಹಾಗೂ ಎಚ್ ಡಿಎಫ್ ಸಿ ಬ್ಯಾಂಕ್ ಮೌಲ್ಯ 1624.45 ಕೋಟಿ ರುಪಾಯಿಯಷ್ಟು ಇಳಿಕೆ ಆಗಿದೆ.