ನಿರುದ್ಯೋಗ ಪ್ರಮಾಣ ಇಳಿಕೆ: ಜನವರಿಯಲ್ಲಿ 1.27 ಕೋಟಿ ಉದ್ಯೋಗ ಸೃಷ್ಟಿ

ಕೊರೊನಾ ಲಾಕ್‌ಡೌನ್‌ ಪರಿಣಾಮ ತೀವ್ರ ಏರಿಕೆ ಕಂಡಿದ್ದ ಭಾರತದ ನಿರುದ್ಯೋಗ ಪ್ರಮಾಣವು ಇಳಿಕೆಯತ್ತ ಸಾಗಿದ್ದು, 2021ರ ಜನವರಿಯಲ್ಲಿ ಮೊದಲ ಬಾರಿಗೆ ಸಕಾರಾತ್ಮಕವಾಗಿದೆ. ಒಂದೇ ತಿಂಗಳಿನಲ್ಲಿ 1.20 ಕೋಟಿ ಮಂದಿ ಉದ್ಯೋಗಕ್ಕೆ ಸೇರ್ಪಡೆಯಾಗಿದ್ದಾರೆ.

ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಎಕಾನಮಿ (ಸಿಎಮ್‌ಐಇ) ಅಂಕಿ ಅಂಶಗಳ ಪ್ರಕಾರ, ನಿರುದ್ಯೋಗ ದರವು 2020 ರ ಡಿಸೆಂಬರ್‌ನಲ್ಲಿ ಶೇ 9.1 ರಿಂದ 2021 ರ ಜನವರಿಯಲ್ಲಿ ಶೇ 6.5 ಕ್ಕೆ ಇಳಿದಿದ್ದರೆ, ಉದ್ಯೋಗ ದರವು ಶೇಕಡಾ 36.9 ಕ್ಕೆ ಹೋಲಿಸಿದರೆ 37.9 ಕ್ಕೆ ಏರಿದೆ.

2020 ರ ಡಿಸೆಂಬರ್‌ನಲ್ಲಿ 388.8 ಮಿಲಿಯನ್‌ಗೆ ಹೋಲಿಸಿದರೆ ಜನವರಿಯಲ್ಲಿ ಸುಮಾರು 12 ಮಿಲಿಯನ್ ಹೆಚ್ಚುವರಿ ಜನರು ಉದ್ಯೋಗದಲ್ಲಿದ್ದರು, ಇದು 2020 ರ ಮಾರ್ಚ್‌ನಲ್ಲಿ ಲಾಕ್‌ಡೌನ್ ಪ್ರಾರಂಭವಾದ ನಂತರದ ಗರಿಷ್ಠ ಪ್ರಮಾಣವಾಗಿದೆ. ಜನವರಿಯಲ್ಲಿ ಉದ್ಯೋಗದ ಪ್ರಮಾಣದ ಹೆಚ್ಚಳವು ಕಳೆದ ಮೂರು ತಿಂಗಳುಗಳಲ್ಲಿನ ನಷ್ಟವನ್ನು ಸರಿದೂಗಿಸಿತು.

ಅಂದರೆ ಈ ವರದಿಯ ಪ್ರಕಾರ ಲಾಕ್‌ಡೌನ್‌ ನಂತರ ಕಳೆದ ಡಿಸೆಂಬರ್‌ ತನಕ ಸುಮಾರು 90 ಲಕ್ಷ ಉದ್ಯೋಗ ನಷ್ಟವಾಗಿದ್ದು, ಜನವರಿಯಲ್ಲಿ 1.27 ಕೋಟಿ ಉದ್ಯೋಗ ಸೃಷ್ಟಿಯಾಗುವುದರೊಂದಿಗೆ ನಷ್ಟ ಪರಿಹಾರವಾದಂತಾಗಿದೆ.

"ಕಳೆದ 2020ರ ಡಿಸೆಂಬರ್‌ನಲ್ಲಿದ್ದ ಶೇ.9.1ರ ಅಪಾಯಕಾರಿ ಮಟ್ಟದ ನಿರುದ್ಯೋಗ ಪ್ರಮಾಣವು 2021ರ ಜನವರಿಯಲ್ಲಿ ಶೇ.6.5ಕ್ಕೆ ಇಳಿದಿರುವುದು ಗಮನಾರ್ಹ. ಡಿಸೆಂಬರ್‌ನಲ್ಲಿ 38.8 ಕೋಟಿ ಮಂದಿ ಉದ್ಯೋಗಿಗಳಿದ್ದರೆ, ಜನವರಿಯಲ್ಲಿ ಈ ಸಂಖ್ಯೆ 40.07 ಕೋಟಿಗೆ ಏರಿಕೆಯಾಗಿದೆ,'' ಎಂದು ಸಿಎಂಐಇಯ ವ್ಯವಸ್ಥಾಪಕ ನಿರ್ದೇಶಕ ಮಹೇಶ್‌ ವ್ಯಾಸ್‌ ತಿಳಿಸಿದ್ದಾರೆ.

ಜನವರಿಯಲ್ಲಿ ಉದ್ಯೋಗದ ಹೆಚ್ಚಳವು ನಿರುದ್ಯೋಗಿಗಳ ಸಂಖ್ಯೆಯನ್ನು 27.9 ದಶಲಕ್ಷಕ್ಕೆ ಇಳಿಸಿದೆ ಎಂದು CMIE ದತ್ತಾಂಶವು ತೋರಿಸಿದೆ.