ಭರ್ಜರಿ ವಹಿವಾಟು ನಡೆಸುತ್ತಿದೆ ಭಾರತದ ಷೇರುಪೇಟೆ: ಸೆನ್ಸೆಕ್ಸ್, ನಿಫ್ಟಿ ಹೊಸ ದಾಖಲೆ
ಭಾರತದ ಷೇರುಪೇಟೆ ಮಿಶ್ರ ಜಾಗತಿಕ ಸೂಚನೆಗಳ ನಡುವೆಯು ಸತತ ಸಕಾರಾತ್ಮಕ ವಹಿವಾಟು ನಡೆಸುತ್ತಿದ್ದು, ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ ಮತ್ತು ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ ಹೊಸ ದಾಖಲೆ ಮಟ್ಟವನ್ನ ತಲುಪಿದೆ.
ಬೆಳಿಗ್ಗೆ 10ಕ್ಕೆ ಬಿಎಸ್ಇ ಸೂಚ್ಯಂಕ ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ 298.62 ಪಾಯಿಂಟ್ಸ್ ಅಥವಾ ಶೇಕಡಾ 0.50ರಷ್ಟು ಏರಿಕೆಗೊಂಡು 60582.93 ಪಾಯಿಂಟ್ಸ್ ತಲುಪಿದೆ. ಎನ್ಎಸ್ಇ ಸೂಚ್ಯಂಕ ನಿಫ್ಟಿ 115.3 ಪಾಯಿಂಟ್ಸ್ ಅಥವಾ ಶೇಕಡಾ 0.64ರಷ್ಟು ಏರಿಕೆಗೊಂಡು 18107.25 ಪಾಯಿಂಟ್ಸ್ ಮುಟ್ಟಿದೆ.
ದಿನದ ವಹಿವಾಟು ಆರಂಭದಲ್ಲಿ 1480 ಷೇರುಗಳು ಏರಿಕೆಗೊಂಡರೆ, 407 ಷೇರುಗಳು ಕುಸಿದವು ಮತ್ತು 74 ಷೇರುಗಳ ಮೌಲ್ಯದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.
ಏರಿಕೆಗೊಂಡ ಪ್ರಮುಖ ಷೇರುಗಳು:
ಟಾಟಾ ಮೋಟಾರ್ಸ್ ನ ಷೇರು ರೂ. 462.90 ಕ್ಕೆ ಪ್ರಾರಂಭವಾಯಿತು, 42 ರೂ. ಹೆಚ್ಚಾಗಿದೆ. ಮಹೀಂದ್ರಾ & ಮಹೀಂದ್ರಾ ಷೇರು 908.65 ರೂ. ಆರಂಭವಾಗಿದ್ದು, ರೂ. 19 ಹೆಚ್ಚಾಗಿದೆ. ಏಷಿಯನ್ ಪೇಂಟ್ಸ್ನ ಷೇರುಗಳು ರೂ. 28 ರಷ್ಟು ಏರಿಕೆಯಾಗಿ 3,351.30 ರೂ.ನಲ್ಲಿ ಆರಂಭವಾಯಿತು. ಅದಾನಿ ಪೋರ್ಟ್ಸ್ ಷೇರು 741.70 ರೂ.ನಲ್ಲಿ ಆರಂಭವಾಗಿದ್ದು, ಸುಮಾರು 5 ರೂ. ಹೆಚ್ಚಾಗಿದೆ. ಟೆಕ್ ಮಹೀಂದ್ರಾ ಷೇರುಗಳು ರೂ .1386.65 ಕ್ಕೆ ಪ್ರಾರಂಭವಾದವು, ರೂ 12 ಹೆಚ್ಚಾಗಿದೆ.
ಟಾಟಾ ಮೋಟಾರ್ಸ್ ಷೇರು ಶೇಕಡಾ 15ರಷ್ಟು ಏರಿಕೆ
ಟಾಟಾ ಮೋಟಾರ್ಸ್ ಕಂಪನಿಯಲ್ಲಿ ಖಾಸಗಿ ಇಕ್ವಿಟಿ ಸಂಸ್ಥೆ ಟಿಪಿಜಿ ಗ್ರೂಪ್ ತನ್ನ ಸಂಪೂರ್ಣ ಸಂಪೂರ್ಣ ಸ್ವಾಮ್ಯದ ಎಲೆಕ್ಟ್ರಿಕ್ ವಾಹನ ಅಂಗಸಂಸ್ಥೆಯಲ್ಲಿ 7,500 ಕೋಟಿ ರೂಪಾಯಿ ಹೂಡಿಕೆ ಮಾಡಲಿದೆ ಎಂದು ಅಕ್ಟೋಬರ್ 12 ರಂದು ಘೋಷಿಸಿದೆ. ಪರಿಣಾಮ ಟಾಟಾ ಮೋಟಾರ್ಸ್ ಷೇರುಗಳು ಇಂದು ಶೇಕಡಾ 15ರಷ್ಟು ಏರಿಕೆಯಾಗಿದ್ದು ಹೂಡಿಕೆದಾರರ ಸಂಪತ್ತು ಭಾರೀ ಏರಿಕೆಗೊಂಡಿದೆ.
ಬೆಳಿಗ್ಗೆ 10.30ಕ್ಕೆ ಎನ್ಎಸ್ಇನಲ್ಲಿ ಟಾಟಾ ಮೋಟಾರ್ಸ್ ಷೇರು ಶೇಕಡಾ 16.04ರಷ್ಟು ಅಥವಾ 67.40 ರೂಪಾಯಿ ಏರಿಕೆಗೊಂಡು 488.30 ರೂಪಾಯಿಗೆ ತಲುಪಿದೆ.
ಇಳಿಕೆಗೊಂಡ ಪ್ರಮುಖ ಷೇರುಗಳು:
ಒಎನ್ಜಿಸಿಯ ಷೇರುಗಳು 161.20 ರೂ. ಪ್ರಾರಂಭವಾಗಿದ್ದು, ಸುಮಾರು 2 ರೂಪಾಯಿಗಳಷ್ಟು ಕಡಿಮೆಯಾಗಿದೆ. ಐಷರ್ ಮೋಟಾರ್ಸ್ ನ ಷೇರುಗಳು ರೂ. 2,890.00 ಕ್ಕೆ ಪ್ರಾರಂಭವಾದವು, ಸುಮಾರು 20 ರೂಪಾಯಿಗಳಷ್ಟು ಕಡಿಮೆಯಾಗಿದೆ. ಟಾಟಾ ಸ್ಟೀಲ್ ನ ಷೇರುಗಳು ರೂ. 1,320.85 ರಲ್ಲಿ ಆರಂಭವಾಗಿದ್ದು, ಸುಮಾರು ರೂ. 8 ರಷ್ಟು ಇಳಿಕೆಯಾಗಿದೆ. ಹಿಂಡಾಲ್ಕೊ ಷೇರುಗಳು ರೂ. 496.30 ಕ್ಕೆ ಪ್ರಾರಂಭವಾಗಿದ್ದು, HUL ನ ಷೇರು ರೂ. 2,668.15 ರಲ್ಲಿ ಪ್ರಾರಂಭವಾಗಿದ್ದು, ಇದು ಸುಮಾರು 8 ರೂಪಾಯಿಗಳಷ್ಟು ಕಡಿಮೆಯಾಗಿದೆ.
ಷೇರಿನಲ್ಲಿ ಹೂಡಿಕೆ ಮಾಡುವುದು ಹೇಗೆ?
ಒಂದು ವೇಳೆ ಷೇರು ಮಾರುಕಟ್ಟೆಯಲ್ಲಿ ನೀವು ಹೂಡಿಕೆ ಮಾಡುವ ಬಯಕೆ ಇದ್ದರೆ, ಮೊದಲು ಸ್ಟಾಕ್ ಬ್ರೋಕರ್ನೊಂದಿಗೆ ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಬೇಕು. ಷೇರುಗಳನ್ನು ನೇರವಾಗಿ ಷೇರು ವಿನಿಮಯ ಕೇಂದ್ರದಿಂದ ಖರೀದಿಸಲು ಸಾಧ್ಯವಿಲ್ಲ. ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಲು ಪ್ಯಾನ್, ಆಧಾರ್ ಮತ್ತು ಬ್ಯಾಂಕ್ ಖಾತೆ ಅಗತ್ಯವಿದೆ. ನೀವು ಈ ದಾಖಲೆಗಳನ್ನು ಹೊಂದಿದ್ದರೆ, ನೀವು ಸುಲಭವಾಗಿ ಬ್ರೋಕರ್ನೊಂದಿಗೆ ಖಾತೆಯನ್ನು ತೆರೆಯಬಹುದು ಮತ್ತು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಪ್ರಾರಂಭಿಸಬಹುದು.
ಡಾಲರ್ ಎದುರು ರೂಪಾಯಿ
ವಿದೇಶಿ ವಿನಿಮಯ ಮಾರುಕಟ್ಟೆಯಲ್ಲಿ ಡಾಲರ್ ಎದುರು ರೂಪಾಯಿ ಇಂದು ಬಲವಾಗಿ ತೆರೆಯಿತು. ಇಂದು ಡಾಲರ್ ಎದುರು ರೂಪಾಯಿ 20 ಪೈಸೆ ಬಲದೊಂದಿಗೆ 75.31 ರೂ. ತಲುಪಿದೆ. ಅದೇ ಸಮಯದಲ್ಲಿ, ಮಂಗಳವಾರ, ಡಾಲರ್ ಎದುರು ರೂಪಾಯಿ 16 ಪೈಸೆ ದೌರ್ಬಲ್ಯದೊಂದಿಗೆ 75.51 ರೂ. ತಲುಪಿದೆ. ಡಾಲರ್ಗಳ ವಹಿವಾಟನ್ನು ಬಹಳ ಬುದ್ಧಿವಂತಿಕೆಯಿಂದ ಮಾಡಬೇಕಾಗಿದೆ, ಇಲ್ಲದಿದ್ದರೆ ಹೂಡಿಕೆಯು ತೊಂದರೆಗೊಳಗಾಗಬಹುದು.