ಭಾರತದ ಷೇರುಪೇಟೆ ಗೂಳಿ ಓಟ; ಸೆನ್ಸೆಕ್ಸ್, ನಿಫ್ಟಿ ಹೊಸ ಸಾರ್ವಕಾಲಿಕ ದಾಖಲೆ
ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್, ನಿಫ್ಟಿ ಸೋಮವಾರ (ಫೆಬ್ರವರಿ 8, 2021) ಹೊಸದಾಗಿ ಸಾರ್ವಕಾಲಿಕ ದಾಖಲೆ ಬರೆದಿದೆ. ಬೆಳಗ್ಗೆ 10 ಗಂಟೆ ಹೊತ್ತಿಗೆ ಬಿಎಸ್ ಇ ಸೆನ್ಸೆಕ್ಸ್ 617.53 ಪಾಯಿಂಟ್ ಮೇಲೇರಿ 51,349.16 ಪಾಯಿಂಟ್ ನಲ್ಲಿ, ನಿಫ್ಟಿ 50 ಸೂಚ್ಯಂಕವು 177.20 ಪಾಯಿಂಟ್ ಗಳಿಕೆ ಕಂಡು, 15,101.50 ಪಾಯಿಂಟ್ ನಲ್ಲಿ ವಹಿವಾಟು ನಡೆಸಿದೆ.
700 ಕೋಟಿ ರುಪಾಯಿ ಮೌಲ್ಯದ ಬೋನಸ್ ಘೋಷಿಸಿದ HCL ಟೆಕ್
ವಾಹನ ಹಾಗೂ ಹಣಕಾಸು ವಲಯದ ಸೂಚ್ಯಂಕಗಳ ಮುಂಚೂಣಿಯಲ್ಲಿ ಈ ಹೊಸ ದಾಖಲೆ ಬರೆದಿದೆ. ಎಲ್ಲ ವಲಯದ ಸೂಚ್ಯಂಕಗಳು ಸಹ ಗಳಿಕೆಯನ್ನು ಕಂಡಿವೆ. ನಿಫ್ಟಿ ಬ್ಯಾಂಕ್ ಸೂಚ್ಯಂಕ 2% ಮೇಲೇರಿದರೆ, ವಾಹನ ಮತ್ತು ಪಿಎಸ್ ಯು ಬ್ಯಾಂಕ್ ಸೂಚ್ಯಂಕಗಳು ತಲಾ 1 ಪರ್ಸೆಂಟ್ ಹೆಚ್ಚಳ ಕಂಡಿವೆ.
ನಿಫ್ಟಿಯಲ್ಲಿ ಏರಿಕೆ ಕಂಡ ಟಾಪ್ 5 ಷೇರುಗಳು ಮತ್ತು ಪರ್ಸೆಂಟ್
ಮಹೀಂದ್ರಾ ಅಂಡ್ ಮಹೀಂದ್ರಾ 7.36%
ಗೇಲ್ 3.78%
ಅದಾನಿ ಪೋರ್ಟ್ಸ್ 3.25%
ಹಿಂಡಾಲ್ಕೋ 3.03%
ಟಾಟಾ ಮೋಟಾರ್ಸ್ 2.90%
ನಿಫ್ಟಿಯಲ್ಲಿ ಇಳಿಕೆ ಕಂಡ ಟಾಪ್ 5 ಪ್ರಮುಖ ಷೇರುಗಳು ಹಾಗೂ ಪರ್ಸೆಂಟ್
ಯುಪಿಎಲ್ -0.93%
ಬ್ರಿಟಾನಿಯಾ -0.84%
ಬಜಾಜ್ ಆಟೋ -0.27%
ಡಿವೀಸ್ ಲ್ಯಾಬ್ಸ್ -0.38%
ಕೋಲ್ ಇಂಡಿಯಾ -0.25%