ಸೆನ್ಸೆಕ್ಸ್ 216 ಪಾಯಿಂಟ್ಸ್ ಕುಸಿತ: ನಿಫ್ಟಿ 52 ಪಾಯಿಂಟ್ಸ್ ಇಳಿಕೆ

ಭಾರತೀಯ ಷೇರುಪೇಟೆ ಶುಕ್ರವಾರ ಜಾಗತಿಕ ನಕಾರಾತ್ಮಕ ಸೂಚನೆಗಳ ಹಿನ್ನೆಲೆ ಸಮತಟ್ಟಾದ ಆರಂಭ ಪಡೆದಿದೆ. ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ 216ಪಾಯಿಂಟ್ಸ್‌ ಕುಸಿತಗೊಂಡಿದ್ದು, ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ 54 ಪಾಯಿಂಟ್ಸ್ ಕುಸಿದಿದೆ.

ಬೆಳಿಗ್ಗೆ 9.30ರ ಸುಮಾರಿಗೆ ಬಿಎಸ್‌ಇ ಸೂಚ್ಯಂಕ ಸೆನ್ಸೆಕ್ಸ್ ಶೇಕಡಾ 0.39ರಷ್ಟು ಅಥವಾ 216 ಪಾಯಿಂಟ್ಸ್ ಕುಸಿತಗೊಂಡಿದ್ದು 55732.91 ಪಾಯಿಂಟ್ಸ್ ತಲುಪಿದೆ. ಎನ್‌ಎಸ್‌ಇ ಸೂಚ್ಯಂಕ ನಿಫ್ಟಿ ಶೇಕಡಾ 0.33ರಷ್ಟು ಅಥವಾ 54.6 ಪಾಯಿಂಟ್ಸ್ ಇಳಿಕೆಗೊಂಡು 16582.30 ಪಾಯಿಂಟ್ಸ್ ತಲುಪಿದೆ.

ದಿನದ ವಹಿವಾಟು ಆರಂಭದಲ್ಲಿ 1042 ಷೇರುಗಳು ಏರಿಕೆಗೊಂಡರೆ, 526 ಷೇರುಗಳು ಕುಸಿದವು ಮತ್ತು 73 ಷೇರುಗಳ ಮೌಲ್ಯದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.

ಏರಿಕೆಗೊಂಡ ಷೇರುಗಳು:

ಬ್ರಿಟಾನಿಯಾ ಷೇರು 20 ರೂಪಾಯಿಗಳಷ್ಟು ಏರಿಕೆಯಾಗಿ 3,950.55 ರೂ. ತಲುಪಿದೆ. ಬಜಾಜ್ ಫಿನ್‌ಸರ್ವ್‌ನ ಷೇರುಗಳು 90 ರೂಪಾಯಿ ಹೆಚ್ಚಾಗಿ 16,049.20 ಕ್ಕೆ ಪ್ರಾರಂಭವಾದವು. ಬಿಪಿಸಿಎಲ್‌ನ ಷೇರುಗಳು ಸುಮಾರು 3 ರೂಪಾಯಿ ಗಳಿಕೆಯೊಂದಿಗೆ 469.50 ರೂಪಾಯಿ ಮುಟ್ಟಿದೆ. ಕೋಲ್ ಇಂಡಿಯಾದ ಷೇರು ಸುಮಾರು 1 ರೂಪಾಯಿ ಇಳಿಕೆಯಾಗಿ 137.75 ಕ್ಕೆ ಆರಂಭವಾಯಿತು. ಬಜಾಜ್ ಫಿನ್‌ಸರ್ವ್‌ನ ಷೇರುಗಳು ಸುಮಾರು 22 ರೂ. ಹೆಚ್ಚಾಗಿ 6,954.30 ಕ್ಕೆ ಪ್ರಾರಂಭವಾಗಿದೆ.

ಇಳಿಕೆಗೊಂಡ ಷೇರುಗಳು:

ಐಸಿಐಸಿಐ ಬ್ಯಾಂಕ್ ನ ಷೇರುಗಳು ಸುಮಾರು 4 ರೂ. ಇಳಿಕೆಗೊಂಡು 494.45 ಕ್ಕೆ ಆರಂಭವಾಗಿದ್ದು, ಮಹೀಂದ್ರಾ & ಮಹೀಂದ್ರಾ ಷೇರುಗಳು 776.05 ಕ್ಕೆ ಪ್ರಾರಂಭವಾದವು, ಇನ್ಫೋಸಿಸ್ ಷೇರುಗಳು 1716.05 ಕ್ಕೆ ಆರಂಭಗೊಂಡಿದ್ದು 12 ರೂಪಾಯಿ ಇಳಿಕೆಯಾಗಿದೆ. ಎಚ್‌ಡಿಎಫ್‌ಸಿ ಷೇರುಗಳು ಸುಮಾರು 15 ರೂ. ಕುಸಿದು 2,685.60 ಕ್ಕೆ ಪ್ರಾರಂಭವಾದವು. ಟೆಕ್ ಮಹೀಂದ್ರಾ ಷೇರುಗಳು 1,441.10 ಕ್ಕೆ ಪ್ರಾರಂಭವಾದವು, ಇದು ಸುಮಾರು 8 ರೂಪಾಯಿಗಳಷ್ಟು ಕಡಿಮೆಯಾಗಿದೆ.

ಸ್ಪೈಸ್‌ಜೆಟ್ ಷೇರು ಏರಿಕೆ

ಬೋಯಿಂಗ್ 737 ಮ್ಯಾಕ್ಸ್ ವಿಮಾನಗಳ ಮೇಲಿನ ನಿಷೇಧವನ್ನು ಡಿಜಿಸಿಎ ತೆಗೆದುಹಾಕಿದ ನಂತರ, ಆಗಸ್ಟ್ 27 ರಂದು ಸ್ಪೈಸ್ ಜೆಟ್ ಷೇರಿನ ಬೆಲೆಯು ಶೇಕಡಾ 4 ಕ್ಕಿಂತ ಹೆಚ್ಚಾಗಿದೆ.

ಆಗಸ್ಟ್ 26 ರಂದು ವಿಮಾನಯಾನ ವಲಯ ನಿಯಂತ್ರಕರು ನೀಡಿದ ಹೇಳಿಕೆಯ ಪ್ರಕಾರ, ಡೈರೆಕ್ಟರೇಟ್ ಜನರಲ್ ಆಫ್ ಸಿವಿಲ್ ಏವಿಯೇಷನ್ ​​(ಡಿಜಿಸಿಎ) ಬೋಯಿಂಗ್ 737 ಮ್ಯಾಕ್ಸ್ ವಿಮಾನಗಳ ಹಾರಾಟವನ್ನು ಸ್ಥಗಿತಗೊಳಿಸಿದ ಎರಡು ವರ್ಷಗಳ ನಂತರ ನಿಷೇಧ ತೆಗೆದುಹಾಕಿದೆ.

ಸ್ಪೈಸ್ ಜೆಟ್ ಬಳಿ 13 ಬೋಯಿಂಗ್ ಮ್ಯಾಕ್ಸ್ ವಿಮಾನಗಳನ್ನು ಹೊಂದಿದೆ.

 

ಡಾಲರ್ ಎದುರು ರೂಪಾಯಿ ಮೌಲ್ಯ

ಆಗಸ್ಟ್ 27ರಂದು ವಿದೇಶಿ ವಿನಿಮಯ ಮಾರುಕಟ್ಟೆಯಲ್ಲಿ ಡಾಲರ್ ಎದುರು ರೂಪಾಯಿ ಇಂದು ಬಲವಾಗಿ ತೆರೆಯಿತು. ಇಂದು ಡಾಲರ್ ಎದುರು ರೂಪಾಯಿ 4 ಪೈಸೆ ಬಲದೊಂದಿಗೆ 74.17 ರೂ. ತಲುಪಿತು. ಅದೇ ಸಮಯದಲ್ಲಿ, ರೂಪಾಯಿ ಗುರುವಾರ ಡಾಲರ್ ಎದುರು 3 ಪೈಸೆ ಏರಿಕೆಯೊಂದಿಗೆ 74.21 ರೂ. ತಲುಪಿತ್ತು. ಹೀಗಾಗಿ ಡಾಲರ್‌ಗಳ ವಹಿವಾಟನ್ನು ಬಹಳ ಬುದ್ಧಿವಂತಿಕೆಯಿಂದ ಮಾಡಬೇಕಾಗಿದೆ, ಇಲ್ಲದಿದ್ದರೆ ಹೂಡಿಕೆಯು ತೊಂದರೆಗೊಳಗಾಗಬಹುದು.

ಷೇರು ಖರೀದಿಸುವುದು ಹೇಗೆ?

ಒಂದು ವೇಳೆ ನಿಮಗೆ ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುವ ಬಯಕೆ ಇದ್ದರೆ, ಮೊದಲು ಸ್ಟಾಕ್ ಬ್ರೋಕರ್‌ನೊಂದಿಗೆ ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಬೇಕು. ಷೇರುಗಳನ್ನು ನೇರವಾಗಿ ಷೇರು ವಿನಿಮಯ ಕೇಂದ್ರದಿಂದ ಖರೀದಿಸಲು ಸಾಧ್ಯವಿಲ್ಲ. ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಲು ಪ್ಯಾನ್, ಆಧಾರ್ ಮತ್ತು ಬ್ಯಾಂಕ್ ಖಾತೆ ಅಗತ್ಯವಿದೆ. ನೀವು ಈ ದಾಖಲೆಗಳನ್ನು ಹೊಂದಿದ್ದರೆ, ನೀವು ಸುಲಭವಾಗಿ ಬ್ರೋಕರ್‌ನೊಂದಿಗೆ ಖಾತೆಯನ್ನು ತೆರೆಯಬಹುದು ಮತ್ತು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಪ್ರಾರಂಭಿಸಬಹುದು.