ಸೆನ್ಸೆಕ್ಸ್ 96 ಪಾಯಿಂಟ್ಸ್ ಏರಿಕೆ: ನಿಫ್ಟಿ 37 ಪಾಯಿಂಟ್ಸ್ ಹೆಚ್ಚಳ

ಭಾರತದ ಷೇರುಪೇಟೆ ಗುರುವಾರ ಮಿಶ್ರ ಏರಿಳಿತ ಸಾಧಿಸಿದೆ. ಸತತ ಏರಿಕೆಯ ಬಳಿಕ ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ 96 ಪಾಯಿಂಟ್ಸ್ ಏರಿಕೆಗೊಂಡರೆ, ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ 37 ಪಾಯಿಂಟ್ಸ್ ಏರಿಕೆಗೊಂಡು ಸಾರ್ವಕಾಲಿಕ ಗರಿಷ್ಠ ಮಟ್ಟದಲ್ಲಿದೆ.

ಬಿಎಸ್‌ಇ ಸೂಚ್ಯಂಕ ಸೆನ್ಸೆಕ್ಸ್ ಶೇಕಡಾ 0.17ರಷ್ಟು ಅಥವಾ 95.81 ಪಾಯಿಂಟ್ಸ್ ಏರಿಕೆಗೊಂಡು 57434.02 ಪಾಯಿಂಟ್ಸ್ ತಲುಪಿದೆ. ಎನ್‌ಎಸ್‌ಇ ಸೂಚ್ಯಂಕ ನಿಫ್ಟಿ ಶೇಕಡಾ 0.22ರಷ್ಟು ಅಥವಾ 36.9 ಪಾಯಿಂಟ್ಸ್ ಹೆಚ್ಚಾಗಿ 17113.15 ಪಾಯಿಂಟ್ಸ್‌ ಮುಟ್ಟಿದೆ.

ಇಂದು, ಬಿಎಸ್‌ಇಯಲ್ಲಿ ಒಟ್ಟು 1,227 ಕಂಪನಿಗಳಲ್ಲಿ ವ್ಯಾಪಾರ ಆರಂಭವಾಗಿದೆ, ಅದರಲ್ಲಿ 838 ಷೇರುಗಳು ಏರಿಕೆಗೊಂಡರೆ, 313 ಕುಸಿದವು. ಅದೇ ಸಮಯದಲ್ಲಿ, 76 ಕಂಪನಿಗಳ ಷೇರು ಬೆಲೆ ಹೆಚ್ಚಾಗದೆ ಅಥವಾ ಕಡಿಮೆಯಾಗದೆ ತೆರೆಯಿತು.

ಏರಿಕೆಗೊಂಡ ಷೇರುಗಳು:

ಸಿಪ್ಲಾ ಷೇರು ಸುಮಾರು 17 ಪಾಯಿಂಟ್ ಗಳ ಲಾಭದೊಂದಿಗೆ 940.05 ಕ್ಕೆ ಆರಂಭವಾಯಿತು. ಡಾ. ರೆಡ್ಡಿ ಲ್ಯಾಬ್ಸ್ ನ ಷೇರುಗಳು 73 ರೂಪಾಯಿ ಏರಿಕೆಯೊಂದಿಗೆ 4,836.90 ಕ್ಕೆ ಪ್ರಾರಂಭವಾಯಿತು. ಎಸ್‌ಬಿಐ ಲೈಫ್‌ನ ಷೇರುಗಳು ರೂ .1232.60 ಕ್ಕೆ ಪ್ರಾರಂಭವಾದವು, ರೂ 12 ಹೆಚ್ಚಾಗಿದೆ. ಶ್ರೀ ಸಿಮೆಂಟ್ ನ ಷೇರು ರೂ. 28,827.00 ಕ್ಕೆ ಪ್ರಾರಂಭವಾಗಿದ್ದು, ರೂ. 349 ರಷ್ಟು ಹೆಚ್ಚಾಗಿದೆ. ಟೈಟಾನ್ ಕಂಪನಿಯ ಷೇರು ರೂ. 22 ರಷ್ಟು ಹೆಚ್ಚಾಗಿ, 991.55 ರೂಪಾಯಿಗೆ ಆರಂಭವಾಯಿತು.

ಇಳಿಕೆಗೊಂಡ ಷೇರುಗಳು:

ಕೋಲ್ ಇಂಡಿಯಾ ಷೇರು ಸುಮಾರು 2 ರೂಪಾಯಿ ಇಳಿಕೆಯಾಗಿ 142.15 ರಲ್ಲಿ ಆರಂಭವಾಯಿತು, ಒಎನ್ ಜಿಸಿ ಷೇರುಗಳು 118.50 ರೂ.ಗಳಲ್ಲಿ ಆರಂಭವಾಗಿದ್ದು, ಸುಮಾರು 1 ರೂ. ಕುಸಿದಿದೆ. ಐಒಸಿಯ ಷೇರು 109.90 ರೂ.ನಲ್ಲಿ ಆರಂಭವಾಯಿತು, ಮೊಟೊಕಾಪ್ ಷೇರುಗಳು ರೂ. 2711.15 ರಲ್ಲಿ ಆರಂಭವಾಗಿದ್ದು, ಎಚ್‌ಸಿಎಲ್ ಟೆಕ್‌ನ ಷೇರುಗಳು ರೂ. 8 ರಷ್ಟು ಇಳಿಕೆಯಾಗಿ 1,156.55 ರಲ್ಲಿ ಆರಂಭವಾಗಿದೆ.

ಷೇರು ಖರೀದಿಸುವುದು ಹೇಗೆ?

ನಿಮಗೆ ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುವ ಬಯಕೆ ಇದ್ದರೆ, ಮೊದಲು ಸ್ಟಾಕ್ ಬ್ರೋಕರ್‌ನೊಂದಿಗೆ ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಬೇಕು. ಷೇರುಗಳನ್ನು ನೇರವಾಗಿ ಷೇರು ವಿನಿಮಯ ಕೇಂದ್ರದಿಂದ ಖರೀದಿಸಲು ಸಾಧ್ಯವಿಲ್ಲ. ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಲು ಪ್ಯಾನ್, ಆಧಾರ್ ಮತ್ತು ಬ್ಯಾಂಕ್ ಖಾತೆ ಅಗತ್ಯವಿದೆ. ನೀವು ಈ ದಾಖಲೆಗಳನ್ನು ಹೊಂದಿದ್ದರೆ, ನೀವು ಸುಲಭವಾಗಿ ಬ್ರೋಕರ್‌ನೊಂದಿಗೆ ಖಾತೆಯನ್ನು ತೆರೆಯಬಹುದು ಮತ್ತು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಪ್ರಾರಂಭಿಸಬಹುದು.