ಜಿಯೋ- ಕ್ವಾಲ್ ಕಾಮ್ ನಿಂದ ಯಶಸ್ವಿ 5G ಪರೀಕ್ಷೆ; 1 Gbps ವೇಗದಲ್ಲಿ ಡೇಟಾ ಟ್ರಾನ್ಸ್ ಫರ್
ರಿಲಯನ್ಸ್ ಇಂಡಸ್ಟ್ರೀಸ್ ಮಾಲೀಕತ್ವದ ಜಿಯೋ ಪ್ಲಾಟ್ ಫಾರ್ಮ್ಸ್ ಮಂಗಳವಾರ ನೀಡಿದ ಮಾಹಿತಿ ಪ್ರಕಾರ, ಐದನೇ ತಲೆಮಾರಿನ (5th Generation) ರೇಡಿಯೋ ಆಕ್ಸೆಸ್ ನೆಟ್ ವರ್ಕ್ (RAN) ಸ್ಥಳೀಯವಾಗಿ ಅಭಿವೃದ್ಧಿ ಮಾಡಿ, ಪರೀಕ್ಷಿಸಿದೆ. ಇದರಲ್ಲಿ ಪ್ರತಿ ಸೆಕೆಂಡ್ ಗೆ ಒಂದು ಗಿಗಾಬೈಟ್ ಗಿಂತ (GB) ಹೆಚ್ಚು ವೇಗದಲ್ಲಿ ಡೇಟಾ ವರ್ಗಾವಣೆ ಮಾಡುವ ಸಾಮರ್ಥ್ಯ ಇದೆ ಎಂದು ತಿಳಿಸಲಾಗಿದೆ.
2500ರಿಂದ 3000 ರುಪಾಯಿಗೆ ರಿಲಯನ್ಸ್ ಜಿಯೋದಿಂದ 5G ಸ್ಮಾರ್ಟ್ ಫೋನ್
ಕ್ವಾಲ್ ಕಾಮ್ ತಂತ್ರಜ್ಞಾನ ಹಾಗೂ ಬೆಂಬಲದೊಂದಿಗೆ ಜಿಯೋದಿಂದ ದೇಶೀಯವಾಗಿ 5G RAN ಉತ್ಪನ್ನವನ್ನು ಅಭಿವೃದ್ಧಿ ಪಡಿಸಲಾಗಿದೆ. ಇದರಲ್ಲಿ ಸೆಕೆಂಡ್ ಗೆ ಒಂದು ಗಿಗಾಬಿಟ್ (Gbps) ಡೇಟಾ ವರ್ಗಾವಣೆ ಸಾಧ್ಯವಾಗಿದೆ ಎಂದು ರಿಲಯನ್ಸ್ ಜಿಯೋದ ಅಧ್ಯಕ್ಷ ಮಾಥ್ಯೂ ಉಮ್ಮನ್ ಅವರು ಯುಎಸ್ ನಲ್ಲಿ ಆಯೋಜಿಸಿದ್ದ ವರ್ಚುವಲ್ ಕಾರ್ಯಕ್ರಮದಲ್ಲಿ ಹೇಳಿದ್ದಾರೆ.
ಈ ಉತ್ಪನ್ನವನ್ನು ಯುಎಸ್ ನಲ್ಲಿ ಈಗಾಗಲೇ ಪರೀಕ್ಷೆ ಮಾಡಿ, ಸಿದ್ಧಗೊಳಿಸಲಾಗಿದೆ ಎಂದು ಉಮ್ಮನ್ ಅವರು ತಿಳಿಸಿದ್ದಾರೆ. ಅಂದ ಹಾಗೆ ಕ್ವಾಲ್ ಕಾಮ್ ವೆಂಚರ್ಸ್ ನಿಂದ ಈಚೆಗೆ ಜಿಯೋ ಪ್ಲಾಟ್ ಫಾರ್ಮ್ಸ್ ನಲ್ಲಿ 730 ಕೋಟಿ ರುಪಾಯಿ ಹೂಡಿಕೆ ಮಾಡಿದ್ದು, 0.15% ಪಾಲನ್ನು ಖರೀದಿ ಮಾಡಲಾಗಿದೆ.