World Economic Forum: ಏಳು ಸಂಸ್ಥೆಗಳೊಂದಿಗೆ 22,000 ಕೋಟಿ ಒಪ್ಪಂದಕ್ಕೆ ಕರ್ನಾಟಕ ಸಹಿ, ಯಾವೆಲ್ಲ ಸಂಸ್ಥೆ?

ಕರ್ನಾಟಕ ಸರ್ಕಾರವು ಈ ವಾರ ದಾವೋಸ್‌ನಲ್ಲಿ ನಡೆದ ವಿಶ್ವ ಆರ್ಥಿಕ ವೇದಿಕೆಯಲ್ಲಿ ಮೈಕ್ರೋಸಾಫ್ಟ್, ವೆಬ್ ವರ್ಕ್ಸ್ ಮತ್ತು ಹಿಟಾಚಿ ಸೇರಿದಂತೆ ಏಳು ಕಂಪನಿಗಳೊಂದಿಗೆ ಸುಮಾರು 22,000 ಕೋಟಿ ರೂಪಾಯಿ ಮೌಲ್ಯದ ಒಪ್ಪಂದಗಳಿಗೆ ಸಹಿ ಹಾಕಿದೆ. ಮಂಗಳವಾರ ಎಲ್ಲ ಒಪ್ಪಂದಗಳಿಗೆ ಸಹಿ ಹಾಕಲಾಗಿದೆ.

ಮೈಕ್ರೋಸಾಫ್ಟ್ ಜೊತೆಗಿನ ಒಪ್ಪಂದವು ಕೌಶಲ್ಯ ಮತ್ತು ಆಡಳಿತದ ಉಪಕ್ರಮಗಳಿಗೆ ಕೆಲಸ ಮಾಡುವುದದಕ್ಕೆ ಸಂಬಂಧಿಸಿದ ಒಪ್ಪಂದವಾಗಿದೆ. ಆದರೆ ವೆಬ್ ವರ್ಕ್ಸ್ 20,000 ಕೋಟಿ ರೂಪಾಯಿ ಮೌಲ್ಯದ ಡೇಟಾ ಸೆಂಟರ್ ಪಾರ್ಕ್ ಅನ್ನು ಸ್ಥಾಪಿಸುವ ಒಪ್ಪಂದಕ್ಕೆ ಸಹಿ ಹಾಕಿದೆ. ಇತರ ನಾಲ್ಕು ಕಂಪನಿಗಳು ರಾಜ್ಯ ಸರ್ಕಾರದೊಂದಿಗೆ ಒಪ್ಪಂದಗಳನ್ನು ಮಾಡಿಕೊಂಡಿವೆ. ಅದರೆ ಒಟ್ಟು ವ್ಯವಹಾರವು ಸುಮಾರು 2000 ಕೋಟಿ ರೂಪಾಯಿ ಆಗಿದೆ.

ಗ್ರಾಮೀಣ ವಲಯದಲ್ಲಿ ಕೆಲಸ ಮಾಡಲು, ಆರ್ಥಿಕ ಅಭಿವೃದ್ಧಿ, ಆರೋಗ್ಯ, ಶಿಕ್ಷಣ ಮತ್ತು ಪಂಚಾಯತ್ ಇ-ಆಡಳಿತದ ಮೂಲಕ ಜನರಿಗೆ ಅವಕಾಶಗಳನ್ನು ಸೃಷ್ಟಿಸುವ ಮೂಲಕ ಹಿಟಾಚಿ ಕರ್ನಾಟಕದೊಂದಿಗೆ ಎಂಒಯುಗೆ ಸಹಿ ಹಾಕಿದೆ. ಕಂಪನಿಯು ಹಿಟಾಚಿ ಎಂಜಿಆರ್‌ಎಂ ನೆಟ್ ಮೂಲಕ ಎಂ ಸ್ಟಾರ್ ಟೆಲಿಮೆಡಿಸಿನ್ ನಿಯೋಜನೆಯೊಂದಿಗೆ ಪ್ರಾರಂಭಿಸಲು ಯೋಜಿಸಿದೆ.

ಬೃಹತ್ ಮತ್ತು ಮಧ್ಯಮ ಕೈಗಾರಿಕೆಗಳು ಮತ್ತು ಮೂಲಸೌಕರ್ಯ ಅಭಿವೃದ್ಧಿ ಸಚಿವ ಎಂ.ಬಿ ಪಾಟೀಲ್ ಅವರು ವೋಲ್ವೋ ಗ್ರೂಪ್, ನೆಸ್ಲೆ, ಸೋನಿ, ಐನಾಕ್ಸ್ ಗ್ರೂಪ್, ಎಚ್‌ಪಿ, ಲುಲು ಗ್ರೂಪ್, ಹನಿವೆಲ್, ಟಕೆಡಾ ಫಾರ್ಮಾ, ಕಾಯಿನ್‌ಬೇಸ್, ಬಿಎಲ್ ಆಗ್ರೋ ಮತ್ತು ಟಿಲ್‌ಮನ್ ಗ್ಲೋಬಲ್ ಮುಖ್ಯಸ್ಥರೊಂದಿಗೆ ಮಾತುಕತೆ ನಡೆಸಿದರು.

ಕರ್ನಾಟಕ ಮತ್ತು ಮೈಕ್ರೋಸಾಫ್ಟ್ ನಡುವಿನ ಒಪ್ಪಂದವು ದೂರದ ಜಿಲ್ಲೆಗಳಲ್ಲಿ ಮತ್ತು ಬುಡಕಟ್ಟು ಪ್ರದೇಶಗಳಲ್ಲಿ ಮಹಿಳೆಯರು, ಉದ್ಯೋಗಾಕಾಂಕ್ಷಿಗಳು, ವಿಕಲಾಂಗ ವ್ಯಕ್ತಿಗಳು, ನ್ಯಾನೊ ಉದ್ಯಮಿಗಳು ಮತ್ತು ಕಡಿಮೆ ಉದ್ಯೋಗಿಗಳ ಭಾಗವಹಿಸುವಿಕೆ ಹೊಂದಿರುವ ಪ್ರದೇಶಗಳಲ್ಲಿರುವ, ಕಡಿಮೆ ಸೇವೆ ಸಲ್ಲಿಸುವ ಯುವಕರಿಗೆ ಜೀವನೋಪಾಯದ ಅವಕಾಶಗಳನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ.

ಮೈಕ್ರೋಸಾಫ್ಟ್ ರೈಸ್ (Microsoft RISE) ಹೆಸರಿನ ಮೈಕ್ರೋಸಾಫ್ಟ್‌ನ ಡಿಜಿಟಲ್ ಕೌಶಲ್ಯ ಕಾರ್ಯಕ್ರಮವು ತನ್ನ ಲಾಭೋದ್ದೇಶವಿಲ್ಲದ ಪಾಲುದಾರ AISECT ಮೂಲಕ ಡಿಜಿಟಲ್ ಉತ್ಪಾದಕತೆ, ಉದ್ಯೋಗ, ಉದ್ಯಮಶೀಲತೆ ಮತ್ತು ಸಂವಹನ ಕೌಶಲ್ಯಗಳ ಕುರಿತು 70 ಗಂಟೆಗಳ ವರ್ಚುವಲ್ ಬೋಧಕ-ನೇತೃತ್ವದ ತರಬೇತಿಯನ್ನು ಒದಗಿಸುತ್ತದೆ.

ಭಾಗವಹಿಸುವವರು ಮೈಕ್ರೋಸಾಫ್ಟ್ ಟ್ರೈನಿಂಗ್ ಪ್ಲಾಟ್‌ಫಾರ್ಮ್‌ಗೆ (ಎಂಸಿಟಿ) ಪ್ರವೇಶವನ್ನು ಹೊಂದಿರುತ್ತಾರೆ. ಇದು 150 ಕ್ಕೂ ಹೆಚ್ಚು ಗಂಟೆಗಳ ಹೆಚ್ಚುವರಿ ಕೌಶಲ್ಯ ವಿಷಯವನ್ನು ನೀಡುತ್ತದೆ. ಯೋಜನೆಯ ಫಲಿತಾಂಶಗಳಲ್ಲಿ ಸಹ-ಬ್ರಾಂಡೆಡ್ ಪ್ರಮಾಣಪತ್ರಗಳು, ಸುಧಾರಿತ ತಾಂತ್ರಿಕ ಕೌಶಲ್ಯ ಕಾರ್ಯಕ್ರಮಗಳಿಗೆ ಪ್ರವೇಶ, ಕ್ಲೌಡ್, ಕೃತಕ ಬುದ್ಧಿಮತ್ತೆ (AI) ಮತ್ತು ಸೈಬರ್‌ ಸೆಕ್ಯುರಿಟಿ ವೃತ್ತಿಜೀವನ, ಭವಿಷ್ಯದ ಸಿದ್ಧ ಇಂಟರ್ನ್‌ಶಿಪ್ ಕಾರ್ಯಕ್ರಮದಲ್ಲಿ ಭಾಗವಹಿಸುವಿಕೆ ಮತ್ತು ತರಬೇತುದಾರರು ಮತ್ತು ಕೌಶಲ್ಯ ಅಭಿವೃದ್ಧಿ ಕೇಂದ್ರಗಳ ಸಬಲೀಕರಣ ಸೇರಿವೆ.