ಜೀವ ವಿಮೆ ಪಾಲಿಸಿದಾರರಿಗೆ ಮುಖ್ಯ ಸುದ್ದಿ; ಈ ಬದಲಾವಣೆ ಗಮನಿಸಿ

ಜೀವ ವಿಮೆ ಪಾಲಿಸಿ ಪ್ರೀಮಿಯಂ ನವೀಕರಣದ ದಿನಾಂಕ ಮಾರ್ಚ್- ಏಪ್ರಿಲ್ ತಿಂಗಳಲ್ಲಿ ಇದ್ದವರಿಗೆ ಹೆಚ್ಚುವರಿಯಾಗಿ 30 ದಿನಗಳ ಸಮಯವನ್ನು ಒದಗಿಸಲಾಗಿದೆ. ಇನ್ಷೂರೆನ್ಸ್ ರೆಗ್ಯುಲೇಟರಿ ಅಂಡ್ ಡೆವಲಪ್ ಮೆಂಟ್ ಅಥಾರಿಟಿ ಆಫ್ ಇಂಡಿಯಾ (ಐಆರ್ ಡಿಎಐ) ಈಗಾಗಲೇ ಹೆಲ್ತ್ ಇನ್ಷೂರೆನ್ಸ್ ಮತ್ತು ಮೋಟಾರ್ ಥರ್ಡ್ ಪಾರ್ಟಿ ಇನ್ಷೂರೆನ್ಸ್ ಪ್ರೀಮಿಯಂ ಪಾವತಿಗೆ ಹೆಚ್ಚುವರಿ ಸಮಯ ನೀಡಿದೆ.

ಮೂರು ವಾರಗಳ ಕಾಲ ದೇಶದಾದ್ಯಂತ ಲಾಕ್ ಡೌನ್ ಘೋಷಣೆ ಆಗಿರುವುದರಿಂದ ಪಾಲಿಸಿದಾರರಿಗೆ ಪ್ರೀಮಿಯಂ ಪಾವತಿಸಲು ಸಮಸ್ಯೆಯಾಗುತ್ತದೆ. ಆದ್ದರಿಂದ ಹೆಚ್ಚುವರಿ ಸಮಯ ನೀಡಬೇಕು ಎಂದು ಮನವಿ ಮಾಡಲಾಗಿತ್ತು. ಇನ್ನು ಯೂನಿಟ್ ಲಿಂಕ್ಡ್ ಪಾಲಿಸಿಗಳು ಮೆಚ್ಯೂರ್ ಆದರೆ (ಮೇ 31,2020) ಮತ್ತು ಹಣದ ಮೊತ್ತವನ್ನು ಒಂದೇ ಸಲ ಪಾವತಿಸಬೇಕು. ನಿಯಮಾನುಸಾರ ಇನ್ಷೂರೆನ್ಸ್ ಕಂಪೆನಿಗಳು ತೀರುವಳಿ ಆಯ್ಕೆ ನೀಡಬಹುದು ಎನ್ನಲಾಗಿದೆ.

ಈ ಒಂದು ಸಲದ ತೀರುವಳಿ ಆಯ್ಕೆ ಆ ನಿರ್ದಿಷ್ಟ ಯೋಜನೆಯಲ್ಲಿ ಇದೆಯೋ ಇಲ್ಲವೋ ಆದರೆ ನೀಡಬೇಕು ಎಂದು ಸುತ್ತೋಲೆ ಹೊರಡಿಸಲಾಗಿದೆ. ನಿತ್ಯದ ಎನ್ ಎವಿ (ನೆಟ್ ಅಸೆಟ್ ವ್ಯಾಲ್ಯೂ) ಕಡಿಮೆ ಆಗಬಹುದಾದ ಅಪಾಯವನ್ನು ಇನ್ಷೂರೆನ್ಸ್ ಕಂಪೆನಿಗಳು ವಿವರಿಸಬೇಕು ಎಂದು ಸುತ್ತೋಲೆ ಹೊರಡಿಸಲಾಗಿದೆ.

ಮೋಟಾರ್ ಥರ್ಡ್ ಪಾರ್ಟಿ ಇನ್ಷೂರೆನ್ಸ್ ಮತ್ತು ಹೆಲ್ತ್ ಇನ್ಷೂರೆನ್ಸ್ ಪ್ರೀಮಿಯಂ ಮಾರ್ಚ್ 25ರಿಂದ ಏಪ್ರಿಲ್ 14, 2020ರ ಮಧ್ಯೆ ಪಾವತಿಸಬೇಕಿದ್ದಲ್ಲಿ ಅದನ್ನು ಏಪ್ರಿಲ್ 21 ಅಥವಾ ಅದಕ್ಕಿಂತ ಮುಂಚೆ ಪಾವತಿಸಬಹುದು. ಅವಧಿ ಮುಗಿದರೂ ನವೀಕರಣ ಆಗಿಲ್ಲ ಎಂಬ ಕಾರಣಕ್ಕೆ ರಿಸ್ಕ್ ಕವರ್ ನಿಲ್ಲಲ್ಲ ಎಂದು ತಿಳಿಸಲಾಗಿತ್ತು.