ಇನ್ನು ಭಾರತದಲ್ಲಿ ನೆಟ್ ಫ್ಲಿಕ್ಸ್ ಒಂದು ತಿಂಗಳು ಉಚಿತ ಟ್ರಯಲ್ ಇಲ್ಲ
ಅಮೆರಿಕ ಮೂಲದ ನೆಟ್ ಫ್ಲಿಕ್ಸ್ ಭಾರತದಲ್ಲಿ ಒಂದು ತಿಂಗಳ ಉಚಿತ ಚಂದಾ ಕೊಡುಗೆಯನ್ನು ಸ್ಥಗಿತ ಮಾಡಿದೆ. ಇನ್ನು ಮುಂದೆ ಹೊಸ ಬಳಕೆದಾರರು ಮೊದಲ ತಿಂಗಳು 5 ರುಪಾಯಿಯನ್ನು ಪಾವತಿಸಬೇಕು. ಆ ನಂತರ ನೆಟ್ ಫ್ಲಿಕ್ಸ್ ನ ಮಾಮೂಲಿ ಪ್ಲ್ಯಾನ್ ಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು. ಇದು ಪ್ರಾಯೋಗಿಕವಾಗಿದ್ದು, ಕೆಲವರಿಗೆ ಮಾತ್ರ ಇದು ಅನ್ವಯಿಸಲಿದೆ. ಎಲ್ಲ ಹೊಸ ಸದಸ್ಯರಿಗೂ ಇದು ನೆಟ್ ಫ್ಲಿಕ್ಸ್ ಸೈನ್ ಅಪ್ ಆಗುವ ವೇಳೆ ಕಾಣುವುದಿಲ್ಲ.
ಇದು ಮಾರ್ಕೆಟಿಂಗ್ ಪ್ರಮೋಷನ್ ಆಗಿದ್ದು, ಜನರಿಗೆ ನೆಟ್ ಫ್ಲಿಕ್ಸ್ ಹುಡುಕಲು ಇನ್ನಷ್ಟು ನೆರವಾಗುತ್ತದೆ. ಇದರ ಯಶಸ್ಸಿನ ಆಧಾರದ ಮೇಲೆ ಇನ್ನಷ್ಟು ವಿಸ್ತೃತವಾಗಿ ಜಾರಿಗೆ ತರಲಿದ್ದೇವೆ ಎಂದು ನೆಟ್ ಫ್ಲಿಕ್ಸ್ ನ ವಕ್ತಾರರು ತಿಳಿಸಿದ್ದಾರೆ.
ಉಚಿತ ಟ್ರಯಲ್ ಸ್ಥಗಿತ ಮಾಡುವ ಪ್ರಮೋಷನ್ ಅಡಿಯಲ್ಲಿ ಜನರು ನೆಟ್ ಫ್ಲಿಕ್ಸ್ ನ ಸಿನಿಮಾ, ಸಿರೀಸ್, ಡಾಕ್ಯುಮೆಂಟರೀಸ್ ಎಲ್ಲವನ್ನು ವೀಕ್ಷಿಸಬಹುದು. 5 ರುಪಾಯಿ ಪಾವತಿಸಿ, ಮೊದಲ ತಿಂಗಳಲ್ಲಿ ಇವೆಲ್ಲವನ್ನೂ ವೀಕ್ಷಿಸಬಹುದು. ಇನ್ನು ನೆಟ್ ಫ್ಲಿಕ್ಸ್ ನ ಸದ್ಯದ ಮೊಬೈಲ್, ಬೇಸಿಕ್, ಸ್ಟ್ಯಾಂಡರ್ಡ್ ಮತ್ತು ಪ್ರೀಮಿಯಂ ಪ್ಲ್ಯಾನ್ ಗಳು ಹಾಗೇ ಮುಂದುವರಿಯಲಿವೆ.