3000 ಪಾಯಿಂಟ್ ಕುಸಿದ ಸೆನ್ಸೆಕ್ಸ್, ನಿಫ್ಟಿ ವ್ಯವಹಾರ 45 ನಿಮಿಷ ಸ್ಥಗಿತ

ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕವಾದ ಸೆನ್ಸೆಕ್ಸ್, ನಿಫ್ಟಿಯ ಕುಸಿತ ಶುಕ್ರವಾರವೂ (ಮಾರ್ಚ್ 13) ಮುಂದುವರಿದಿದೆ. ಸೆನ್ಸೆಕ್ಸ್ 3090 ಪಾಯಿಂಟ್ ಕುಸಿದರೆ, ನಿಫ್ಟಿ 966 ಪಾಯಿಂಟ್ ನೆಲ ಕಚ್ಚಿತು. ನಿಫ್ಟಿ ಹತ್ತು ಪರ್ಸೆಂಟ್ ಗೂ ಹೆಚ್ಚು ಕುಸಿತ ಕಂಡಿದ್ದರಿಂದ 45 ನಿಮಿಷಗಳ ಕಾಲ ವ್ಯವಹಾರ ಸ್ಥಗಿತ ಮಾಡಲಾಗಿದೆ.

ಸೆನ್ಸೆಕ್ಸ್ ಸೂಚ್ಯಂಕದಲ್ಲಿ ಬಜಾಜ್ ಫೈನಾನ್ಸ್, ಹೀರೋ ಮೋಟೋಕಾರ್ಪ್, ಒಎನ್ ಜಿಸಿ, ಲಾರ್ಸನ್, ಇಂಡಸ್ ಇಂಡ್ ಬ್ಯಾಂಕ್ ಷೇರುಗಳು ಭಾರೀ ಇಳಿಕೆ ದಾಖಲಿಸಿವೆ.

ನಿಫ್ಟಿ ಚೇತರಿಸಿಕೊಳ್ಳುವ ಯಾವ ಸೂಚನೆಯೂ ಕಾಣುತ್ತಿಲ್ಲ. ದಿನದಿನಕ್ಕೂ ಹೂಡಿಕೆದಾರರ ನಂಬಿಕೆ, ಸಂಪತ್ತು ಕರಗುತ್ತಲೇ ಇದೆ. ಕೊರೊನಾ ವೈರಾಣು ಪೂರ್ತಿಯಾಗಿ ಷೇರು ಮಾರುಕಟ್ಟೆಯನ್ನು ಆವರಿಸಿದ್ದು, ಸದ್ಯಕ್ಕೆ ಯಾವುದೇ ಟ್ರೇಡ್ ಮಾಡದಂತೆ ದಲ್ಲಾಳಿಗಳು ಸಲಹೆ ನೀಡುತ್ತಿದ್ದಾರೆ. ಷೇರು ಮಾರುಕಟ್ಟೆ ಎಲ್ಲಿಗೆ ತಲುಪಬಹುದು ಎಂಬ ಅಂದಾಜಿಲ್ಲದ ಕಾರಣ ಖರೀದಿಗೆ ಮುಂದಾಗುತ್ತಿಲ್ಲ.

ಇನ್ನು ಅಮೆರಿಕ ಡಾಲರ್ ವಿರುದ್ಧ ರುಪಾಯಿ ಮೌಲ್ಯ 74.50 ತಲುಪಿದೆ.