ದೆಹಲಿಯಲ್ಲಿ ಪೆಟ್ರೋಲ್- ಡೀಸೆಲ್ ದರ ಒಂದೇ ಸಮಕ್ಕೆ; ಕೇವಲ 36 ಪೈಸೆ ವ್ಯತ್ಯಾಸ
ಸತತವಾಗಿ 17ನೇ ದಿನವಾದ ಜೂನ್ 23ರ ಮಂಗಳವಾರವೂ ಪೆಟ್ರೋಲ್- ಡೀಸೆಲ್ ಬೆಲೆ ಏರಿಕೆ ಆಗಿದೆ. ಪೆಟ್ರೋಲ್ ಲೀಟರ್ ಗೆ 20 ಪೈಸೆ ಏರಿಕೆ ದಾಖಲಿಸಿದರೆ, ಡೀಸೆಲ್ 55 ಪೈಸೆ ಹೆಚ್ಚಳವಾಗುವ ಮೂಲಕ ಮತ್ತೊಮ್ಮೆ ಸಾರ್ವಕಾಲಿಕ ಗರಿಷ್ಠ ದರದ ದಾಖಲೆ ಬರೆದಿದೆ. ಒಟ್ಟಾರೆಯಾಗಿ ಈ ಹದಿನೇಳು ದಿನದಿನಲ್ಲಿ ಒಂದು ಲೀಟರ್ ಪೆಟ್ರೋಲ್ 8.5 ರುಪಾಯಿ ಹಾಗೂ ಡೀಸೆಲ್ 10.01 ರುಪಾಯಿ ಹೆಚ್ಚಳ ಆದಂತಾಗಿದೆ.
ಹೊಸ ಪೆಟ್ರೋಲ್ ಬಂಕ್ ಗಳಿಗೆ ಕಟ್ಟುನಿಟ್ಟಿನ ಕ್ರಮ; ಇಲ್ಲಿದೆ ಕಂಪ್ಲೀಟ್ ಡೀಟೇಲ್ಸ್
ದೆಹಲಿಯಲ್ಲಿ ಪೆಟ್ರೋಲ್ ಹಾಗೂ ಡೀಸೆಲ್ ದರದಲ್ಲಿ ಹೆಚ್ಚಿನ ವ್ಯತ್ಯಾಸ ಏನಿಲ್ಲ. 36 ಪೈಸೆ ಮಾತ್ರ ಡೀಸೆಲ್ ಗಿಂತ ಪೆಟ್ರೋಲ್ ದರ ಹೆಚ್ಚಿದೆ. ಸಾಮಾನ್ಯವಾಗಿ ಇವೆರಡರ ಮಧ್ಯದ ವ್ಯತ್ಯಾಸ 5ರಿಂದ 8 ರುಪಾಯಿ ಇರುತ್ತದೆ. ಆದರೆ ಉಳಿದ ಪ್ರಮುಖ ನಗರಗಳಲ್ಲಿ ಎರಡರ ಮಧ್ಯೆ ವ್ಯತ್ಯಾಸ ದೊಡ್ಡ ಮಟ್ಟದಲ್ಲೇ ಇದೆ. ಉದಾಹರಣೆಗೆ ಮುಂಬೈ. ಅಲ್ಲಿ ಪೆಟ್ರೋಲ್ ಗಿಂತ ಡೀಸೆಲ್ 8.78 ರುಪಾಯಿ ಕಡಿಮೆ ಇದೆ.
ಭಾರತದ ಪ್ರಮುಖ ನಗರಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಹೀಗಿದೆ:
ನವದೆಹಲಿ: ಪೆಟ್ರೋಲ್ 79.76- ಡೀಸೆಲ್ 79.40
ಗುರ್ ಗಾಂವ್: ಪೆಟ್ರೋಲ್ 77.99- ಡೀಸೆಲ್ 71.76
ಮುಂಬೈ: ಪೆಟ್ರೋಲ್ 86.54- ಡೀಸೆಲ್ 77.76
ಚೆನ್ನೈ: ಪೆಟ್ರೋಲ್ 83.04- ಡೀಸೆಲ್ 76.77
ಹೈದರಾಬಾದ್: ಪೆಟ್ರೋಲ್ 82.79- ಡೀಸೆಲ್ 77.60
ಬೆಂಗಳೂರು: ಪೆಟ್ರೋಲ್ 82.35- ಡೀಸೆಲ್ 75.51