ಪೆಟ್ರೋಲ್, ಡೀಸೆಲ್ ಮಾರ್ಚ್ 11ರ ದರ ಎಷ್ಟು?

ಕಚ್ಚಾ ತೈಲ ಬೆಲೆಯಲ್ಲಿ ಸೋಮವಾರದಂದು ಶೇಕಡಾ 25ರಷ್ಟು ಇಳಿಕೆಯಾಗಿತ್ತು. ಬುಧವಾರದಂದು (ಮಾರ್ಚ್ 11, 2020) ಪೆಟ್ರೋಲ್- ಡೀಸೆಲ್ ಬೆಲೆಯಲ್ಲಿ ಯಾವುದೇ ವ್ಯತ್ಯಾಸ ಆಗಿಲ್ಲ. ಸತತ ಆರು ದಿನಗಳ ಕಾಲ ದರದಲ್ಲಿ ಇಳಿಕೆಯಾಗಿತ್ತು. ಸರ್ಕಾರಿ ಸ್ವಾಮ್ಯದ ತೈಲ ರೀಟೇಲರ್ ಗಳು ಪೆಟ್ರೋಲ್ ಅನ್ನು 9 ತಿಂಗಳ ಕನಿಷ್ಠ ಮಟ್ಟಕ್ಕೆ, ಡೀಸೆಲ್ 13 ತಿಂಗಳ ಕನಿಷ್ಠ ದರದಲ್ಲಿ ಮಾರಾಟ ಮಾಡುತ್ತಿದ್ದಾರೆ.

ಪೆಟ್ರೋಲ್ ದರ ಮಂಗಳವಾರದಂದು 30 ಪೈಸೆ ಇಳಿಕೆಯಾಗಿದ್ದರೆ, ಡೀಸೆಲ್ ಪ್ರತಿ ಲೀಟರ್ ಗೆ 25 ಪೈಸೆ ಇಳಿದಿತ್ತು.

ಪ್ರಮುಖ ನಗರಗಳಲ್ಲಿ ಪೆಟ್ರೋಲ್ ದರ ಲೀಟರ್ ಗೆ ಹೀಗಿದೆ:

ದೆಹಲಿ 70.29 ರುಪಾಯಿ

ಮುಂಬೈ 75.99 ರುಪಾಯಿ

ಚೆನ್ನೈ 73.02 ರುಪಾಯಿ

ಬೆಂಗಳೂರು 72.70 ರುಪಾಯಿ

ಹೈದರಾಬಾದ್ 74.72 ರುಪಾಯಿ

ಪ್ರಮುಖ ನಗರಗಳಲ್ಲಿ ಡೀಸೆಲ್ ದರ ಲೀಟರ್ ಗೆ ಹೀಗಿದೆ:

ದೆಹಲಿ 63.01 ರುಪಾಯಿ

ಮುಂಬೈ 65.97 ರುಪಾಯಿ

ಚೆನ್ನೈ 66.48 ರುಪಾಯಿ

ಬೆಂಗಳೂರು 65.16 ರುಪಾಯಿ

ಹೈದರಾಬಾದ್ 68.60 ರುಪಾಯಿ

ಮಾರ್ಚ್ 9ನೇ ತಾರೀಕು ಕಚ್ಚಾ ತೈಲ ದರದಲ್ಲಿ ಭಾರೀ ಇಳಿಕೆಯಾಗಿದ್ದರೂ ಅದನ್ನು ತೈಲ ಮಾರ್ಕೆಟಿಂಗ್ ಕಂಪೆನಿಯವರು ಗಣನೆಗೆ ತೆಗೆದುಕೊಳ್ಳುವುದಿಲ್ಲ. ಏಕೆಂದರೆ, ಕಂಪೆನಿಗಳು ಅಂತರರಾಷ್ಟ್ರೀಯ ಬೆಂಚ್ ಮಾರ್ಕ್ ದರದ ಹದಿನೈದು ದಿನದ ಸರಾಸರಿಯನ್ನು ತೆಗೆದುಕೊಳ್ಳುತ್ತವೆ. ತೈಲ ಮತ್ತು ವಿನಿಮಯ ದರದಲ್ಲಿ ವಿಪರೀತ ಏರಿಳಿತ ಇರುವುದರಿಂದ ಯಾವುದೇ ಏರಿಕೆ ಅಥವಾ ಇಳಿಕೆಯನ್ನು ನಿರ್ದಿಷ್ಟ ಕಾಲಾವಧಿಗೆ ಗಣನೆಗೆ ತೆಗೆದುಕೊಳ್ಳಲಾಗುತ್ತದೆ.