ಸತತ ನಾಲ್ಕನೇ ದಿನ ತೈಲ ಬೆಲೆ ಇಳಿಕೆ; ಬಜೆಟ್ ಮರುದಿನ ಎಷ್ಟು ಇಳಿಯಿತು?
ಕೇಂದ್ರ ಬಜೆಟ್ ಮಂಡನೆಯಾದ ಮರು ದಿನವಾದ ಭಾನುವಾರ ಪೆಟ್ರೋಲ್- ಡೀಸೆಲ್ ಬೆಲೆಯಲ್ಲಿ ಇನ್ನಷ್ಟು ಕಡಿತವಾಗಿದೆ. ಅಂತರರಾಷ್ಟ್ರೀಯ ಕಚ್ಚಾ ತೈಲ ಮಾರುಕಟ್ಟೆಯಲ್ಲಿ ಚೀನಾದ ಕೊರೊನಾ ವೈರಾಣು ಆತಂಕ ಸೃಷ್ಟಿಸಿದ್ದು, ಅದರ ಪರಿಣಾಮ ತೈಲಕ್ಕೆ ಬೇಡಿಕೆ ತಗ್ಗಿದೆ. ಪ್ರಮುಖ ನಗರಗಳಲ್ಲಿ ಭಾನುವಾರದಂದು ಪೆಟ್ರೋಲ್ ಬೆಲೆ ಲೀಟರ್ ಗೆ ಒಂಬತ್ತು ಪೈಸೆ, ಡೀಸೆಲ್ ಎಂಟು ಪೈಸೆ ಲೀಟರ್ ಗೆ ಇಳಿಕೆಯಾಗಿದೆ.
ಪ್ರಮುಖ ನಗರಗಳಲ್ಲಿ ಭಾನುವಾರದ ಪೆಟ್ರೋಲ್ ದರ
ದೆಹಲಿ 73.10
ಮುಂಬೈ 78.75
ಕೋಲ್ಕತ್ತಾ 75.77
ಚೆನ್ನೈ 72.95
ಪ್ರಮುಖ ನಗರಗಳಲ್ಲಿ ಭಾನುವಾರದ ಡೀಸೆಲ್ ದರ
ದೆಹಲಿ 66.14
ಮುಂಬೈ 69.36
ಕೋಲ್ಕತ್ತಾ 68.54
ಚೆನ್ನೈ 69.89
ಸತತವಾಗಿ ನಾಲ್ಕನೇ ದಿನ ದೇಶದ ಪ್ರಮುಖ ನಗರಗಳಲ್ಲಿ ಪೆಟ್ರೋಲ್- ಡೀಸೆಲ್ ದರದಲ್ಲಿ ಇಳಿಕೆಯಾಗಿದೆ. ಇಂಧನ ರೀಟೆಲ್ ದರವು ಅಂತರರಾಷ್ಟ್ರೀಯ ಕಚ್ಚಾ ತೈಲ ದರ, ಅಮೆರಿಕ ಡಾಲರ್ ವಿರುದ್ಧ ರುಪಾಯಿ ಮೌಲ್ಯ ಇತ್ಯಾದಿಗಳ ಮೇಲೆ ಅವಲಂಬಿಸಿರುತ್ತದೆ. ತೈಲ ಮಾರ್ಕೆಟಿಂಗ್ ಕಂಪೆನಿಗಳು ನಿತ್ಯವೂ ಪೆಟ್ರೋಲ್- ಡೀಸೆಲ್ ದರಗಳನ್ನು ಪರಿಷ್ಕರಣೆ ಮಾಡುತ್ತವೆ. ನಿತ್ಯ ಬೆಳಗ್ಗೆ ಆರು ಗಂಟೆಗೆ ದರ ಜಾರಿಗೆ ಬರುತ್ತದೆ.