ಪೆಟ್ರೋಲ್ ದರ 5 ತಿಂಗಳ ಕನಿಷ್ಠಕ್ಕೆ, ಡೀಸೆಲ್ 7 ತಿಂಗಳ ಕನಿಷ್ಠ ಮಟ್ಟಕ್ಕೆ
ಸತತವಾಗಿ ಎರಡನೇ ದಿನ ಮಂಗಳವಾರ ಕೂಡ ಪೆಟ್ರೋಲ್- ಡೀಸೆಲ್ ಬೆಲೆಯಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ. ಕಚ್ಚಾ ತೈಲ ಬೆಲೆಯಲ್ಲಿ ಇಳಿಕೆ ಆಗಿದ್ದು, ಪೆಟ್ರೋಲ್ ದರ 5 ತಿಂಗಳ ಹಾಗೂ ಡೀಸೆಲ್ ಬೆಲೆ 7 ತಿಂಗಳ ಕನಿಷ್ಠ ಮಟ್ಟದಲ್ಲಿದೆ. ಅಂತರರಾಷ್ಟ್ರೀಯ ಕಚ್ಚಾ ತೈಲ ಮಾರುಕಟ್ಟೆ ಮೇಲೆ ಕೊರೊನಾ ವೈರಾಣು ಆತಂಕ ಆವರಿಸಿರುವ ಹಿನ್ನೆಲೆಯಲ್ಲಿ ಸೋಮವಾರ ಕಚ್ಚಾ ತೈಲ ದರದಲ್ಲಿ 4% ಇಳಿಕೆ ಆಗಿದೆ.
ಭಾನುವಾರದ ತನಕ ಪೆಟ್ರೋಲ್- ಡೀಸೆಲ್ ಬೆಲೆ ಇಳಿಕೆ ಹಾದಿಯಲ್ಲೇ ಇದ್ದವು. ಆ ನಂತರ 5- 7 ಪೈಸೆ ಪ್ರತಿ ಲೀಟರ್ ಗೆ ಏರಿಕೆಯಾದವು. ತೈಲ ಬೇಡಿಕೆ ಮೇಲೆ ಕೊರೊನಾ ಪ್ರಭಾವ ಅಲ್ಪಾವಧಿಯದ್ದು ಎಂದು ಸೌದಿ ಅರಾಮ್ಕೋ ನಿರೀಕ್ಷೆಯಾಗಿದೆ. ವರ್ಷದ ದ್ವಿತೀಯಾರ್ಧದಲ್ಲಿ ತೈಲ ಬಳಕೆ ಹೆಚ್ಚಾಗಲಿದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.
ಪ್ರಮುಖ ನಗರಗಳಲ್ಲಿ ಮಂಗಳವಾರದ ಪೆಟ್ರೋಲ್ ದರ ಹೀಗಿದೆ (ಲೀಟರ್ ಗೆ)
ನವದೆಹಲಿ ರು. 72.01
ಮುಂಬೈ ರು. 77.67
ಬೆಂಗಳೂರು ರು. 74.66
ಚೆನ್ನೈ ರು. 74.81
ಪ್ರಮುಖ ನಗರಗಳಲ್ಲಿ ಮಂಗಳವಾರದ ಡೀಸೆಲ್ ದರ ಹೀಗಿದೆ (ಲೀಟರ್ ಗೆ)
ನವದೆಹಲಿ ರು. 64.70
ಮುಂಬೈ ರು. 67.80
ಬೆಂಗಳೂರು ರು. 66.89
ಚೆನ್ನೈ ರು.68.32