ಇಂದಿನ ಏರಿಕೆ ನಂತರ ಸಾರ್ವಕಾಲಿಕ ಗರಿಷ್ಠ ದರ ಮುಟ್ಟಿದ ಪೆಟ್ರೋಲ್

ದೆಹಲಿಯಲ್ಲಿ ಇಂದು (ಜನವರಿ 7, 2021, ಗುರುವಾರ) ಪೆಟ್ರೋಲ್ ದರ ಲೀಟರ್ ಗೆ 23 ಪೈಸೆ ಏರಿಕೆಯಾಗಿ, ರು. 84.20 ತಲುಪುವ ಮೂಲಕ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ಮುಟ್ಟಿದೆ. ಅಂತರರಾಷ್ಟ್ರೀಯ ಮಟ್ಟದಲ್ಲಿ ತೈಲ ಬೆಲೆ ಸ್ಥಿರವಾಗಿರುವ ಹಿನ್ನೆಲೆಯಲ್ಲಿ ಈ ಬೆಳವಣಿಗೆ ಆಗಿದೆ. ಇನ್ನು ಡೀಸೆಲ್ ದರ ಲೀಟರ್ ಗೆ 26 ಪೈಸೆ ಹೆಚ್ಚಳವಾಗಿ, ರು. 74.38 ತಲುಪಿದೆ.

ತೈಲ ಮಾರ್ಕೆಟಿಂಗ್ ಕಂಪೆನಿಗಳು 29 ದಿನಗಳ ನಂತರ, ಬುಧವಾರವಷ್ಟೇ (ಜನವರಿ 6, 2021) ದೆಹಲಿಯಲ್ಲಿ ಡೀಸೆಲ್ ಲೀಟರ್ ಗೆ 26 ಪೈಸೆ ಹಾಗೂ ಪೆಟ್ರೋಲ್ 25 ಪೈಸೆ ಏರಿಕೆ ಮಾಡಿದ್ದವು. ದೆಹಲಿಯಲ್ಲಿ ಪೆಟ್ರೋಲ್ ದರ ಸಾರ್ವಕಾಲಿಕ ಗರಿಷ್ಠ ಮಟ್ಟ ಎಂದು ತಲುಪಿದ್ದು ಅಕ್ಟೋಬರ್ 4, 2018ರಲ್ಲಿ. ಅದು ಲೀಟರ್ ಗೆ 84 ರುಪಾಯಿ. ಅದೇ ದಿನ ಡೀಸೆಲ್ ತಲುಪಿದ್ದ ರು. 75.48 ಸಾರ್ವಕಾಲಿಕ ಗರಿಷ್ಠ ಮಟ್ಟವಾಗಿದೆ ಎಂದು ಪಿಟಿಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಪ್ರಮುಖ ನಗರಗಳಲ್ಲಿ ಪೆಟ್ರೋಲ್ ದರ ಹೀಗಿವೆ:
ಬೆಂಗಳೂರು ರು. 87.04

ಚೆನ್ನೈ ರು. 86.96

ಹೈದರಾಬಾದ್ ರು. 87.59

ಮುಂಬೈ ರು. 90.83

ದೆಹಲಿ ರು. 84.20

ಕೋಲ್ಕತ್ತಾ ರು. 85.68

ಪ್ರಮುಖ ನಗರಗಳಲ್ಲಿ ಡೀಸೆಲ್ ದರ ಹೀಗಿವೆ:
ಬೆಂಗಳೂರು ರು. 78.87

ಚೆನ್ನೈ ರು. 79.72

ಹೈದರಾಬಾದ್ ರು. 81.17

ಮುಂಬೈ ರು. 81.07

ದೆಹಲಿ ರು. 74.38

ಕೋಲ್ಕತ್ತಾ ರು. 77.97