ಎಚ್ ಡಿಎಫ್ ಸಿ ವಾಹನ ಸಾಲ ಹಗರಣದ ವರದಿ ಕೇಳಿದ RBI

ವಾಹನ ಸಾಲ ವಿತರಣೆ ಕಾರ್ಯಾಚರಣೆಯಲ್ಲಿ ನಡೆದಿದೆ ಎನ್ನಲಾದ ಅವ್ಯವಹಾರಕ್ಕೆ ಸಂಬಂಧಿಸಿದಂತೆ ಆಂತರಿಕ ತನಿಖೆ ಮಾಹಿತಿ ಒದಗಿಸುವಂತೆ ಎಚ್ ಡಿಎಫ್ ಸಿ ಬ್ಯಾಂಕ್ ನಿಂದ ರಿಸರ್ವ್ ಬ್ಯಾಂಕ್ ಇಂಡಿಯಾ ಕೇಳಿದೆ ಎಂದು ಈ ಬೆಳವಣಿಗೆ ಬಗ್ಗೆ ಗೊತ್ತಿರುವವರು ತಿಳಿಸಿದ್ದಾರೆ.

ಇದರ ಜತೆಗೆ ಎಚ್ ಡಿಎಫ್ ಸಿ ಬ್ಯಾಂಕ್ ನಿಂದ ತೆಗೆದುಕೊಂಡ ಕ್ರಮಗಳು ಮತ್ತು ಏನಾದರೂ ಅವ್ಯವಹಾರ ನಡೆದ ಮಾಹಿತಿ ದೊರೆತಿದೆಯೇ ಎಂದು ಸಹ ಕೇಳಲಾಗಿದೆ ಎಂಬ ವಿವರವನ್ನು ಮೂಲಗಳು ತಿಳಿಸಿವೆ. ಈ ತನಿಖೆ ಬಗ್ಗೆ ಎಚ್ ಡಿಎಫ್ ಸಿ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದೆ. ಆರ್ ಬಿಐ ಕೂಡ ಇ ಮೇಲ್ ಗೆ ಪ್ರತುತ್ತರ ನೀಡಿಲ್ಲ.

ಎಚ್ ಡಿಎಫ್ ಸಿ ಮ್ಯಾನೇಜಿಂಗ್ ಡೈರೆಕ್ಟರ್ ಆದಿತ್ಯ ಪುರಿ ಶನಿವಾರ ಮಾತನಾಡಿ, ಬ್ಯಾಂಕ್ ನ ಕೆಲವು ಸಿಬ್ಬಂದಿಯ 'ತಪ್ಪಾದ ನಡವಳಿಕೆ' ಕುರಿತು ವಿಷಲ್ ಬ್ಲೋವರ್ ಒಬ್ಬರು ಮಾಹಿತಿ ನೀಡಿದ್ದಾರೆ. ಆಂತರಿಕ ತನಿಖೆಯ ವರದಿ ಆಧರಿಸಿ, ವಾಹನ ಸಾಲ ಘಟಕದಲ್ಲಿ ಕೆಲವರು ನಡೆಸಿರುವ ಅವ್ಯವಹಾರಕ್ಕೆ ಸೂಕ್ತ ಕ್ರಮ ತೆಗೆದುಕೊಳ್ಳುತ್ತೇವೆ ಎಂದು ತಿಳಿಸಿದ್ದರು.

ಆದಿತ್ಯ ಪುರಿ

ಜೂನ್ 30ಕ್ಕೆ ಕೊನೆಯಾದ ಸಮಯಕ್ಕೆ ಎಚ್ ಡಿಎಫ್ ಸಿ ಬ್ಯಾಂಕ್ ಗೆ 1.2 ಲಕ್ಷ ಕೋಟಿ ರುಪಾಯಿ ಸಾಲದ ಬಾಕಿ ಬರಬೇಕಾಗಿದೆ. 26 ವರ್ಷಗಳ ಸುದೀರ್ಘ ಅವಧಿಯ ನಂತರ ಪುರಿ ಅವರು ತಮ್ಮ ಹುದ್ದೆಯಿಂದ ಕೆಳಗೆ ಇಳಿಯುತ್ತಿದ್ದಾರೆ. ಈ ವರ್ಷದ ಅಕ್ಟೋಬರ್ ತಿಂಗಳಲ್ಲಿ ಅವರಿಗೆ 70 ವರ್ಷ ಆಗಲಿದ್ದು, ಆರ್ ಬಿಐ ನಿಯಮಾನುಸಾರವಾಗಿ ನಿವೃತ್ತರಾಗುತ್ತಿದ್ದಾರೆ.