ರಿಲಯನ್ಸ್ ಜಿಯೋದಿಂದ ಹೊಸ ಪ್ರೀಪೇಯ್ಡ್ ಪ್ಲಾನ್

ರಿಲಯನ್ಸ್ ಜಿಯೋದಿಂದ ಹೊಸದಾಗಿ ವರ್ಕ್ ಫ್ರಮ್ ಹೋಮ್ ಪ್ಲಾನ್ ಆರಂಭಿಸಿದೆ. ಕೆಲಸ ಹಾಗೂ ಮತ್ತಿತರ ಕಾರಣಗಳಿಗಾಗಿ ಇರುವ ಡೇಟಾದ ಬೇಡಿಕೆ ಗಮನಿಸಿ ಈ ಪ್ಲಾನ್ ಶುರು ಮಾಡಲಾಗಿದೆ. ಇದು ಒಂದು ವರ್ಷದ ಅವಧಿಗೆ ಇರುವಂಥ, ಹೆಚ್ಚಿನ ಡೇಟಾವನ್ನು ದಿನದ ಆಧಾರದಲ್ಲಿ ಪಡೆಯುವಂಥ ಅನುಕೂಲ ಹೊಂದಿದೆ.

ಈ ಹೊಸ ಪ್ಲಾನ್ ನಲ್ಲಿ ಗ್ರಾಹಕರು 2399 ರುಪಾಯಿ ಪಾವತಿ ಮಾಡುತ್ತಾರೆ. ಅಂದಹಾಗೆ ಜಿಯೋದಲ್ಲಿ ಈಗಾಗಲೇ ವಾರ್ಷಿಕ 2121 ರುಪಾಯಿಯದು, 336 ದಿನಗಳ ಅವಧಿಗೆ ಪ್ಲಾನ್ ಇದೆ. ಆದರೆ 2399 ರುಪಾಯಿಯ ಪ್ಲಾನ್ ನಲ್ಲಿ ನಿತ್ಯವೂ 2GB ಡೇಟಾ ದೊರೆಯುತ್ತದೆ. ಇದು ಒಂದು ವರ್ಷದ ಕಾಲ ವ್ಯಾಲಿಡಿಟಿ ಅಂದುಕೊಂಡರೂ ಗ್ರಾಹಕರು ತಿಂಗಳಿಗೆ 200 ರುಪಾಯಿ ಪಾವತಿಸದಂತಾಗುತ್ತದೆ.

ರಿಲಯನ್ಸ್ ಜಿಯೋ ಹೇಳಿಕೊಳ್ಳುವಂತೆ, ಹೊಸ ವಾರ್ಷಿಕ ಪ್ಲಾನ್ ನಲ್ಲಿ ಪ್ರತಿಸ್ಪರ್ಧಿಗಳಿಗಿಂತ 33% ಹೆಚ್ಚು ಮೌಲ್ಯ ಸಿಗುತ್ತದೆ. ಇನ್ನು ವಾರ್ಷಿಕ 2121 ರುಪಾಯಿಯ ಪ್ಲಾನ್ ನಲ್ಲಿ ನಿತ್ಯ 1.5 ಜಿಬಿ ಡೇಟಾ ದೊರೆಯುತ್ತದೆ. ಹೊಸ ಆಡ್ ಆನ್ ಪ್ಯಾಕ್ ಕೂಡ 'ವರ್ಕ್ ಫ್ರಮ್ ಹೋಮ್' ಥೀಮ್ ಅಡಿಯಲ್ಲಿ ಆಫರ್ ನೀಡುತ್ತಿದೆ.

ಈ ಆಡ್ ಆನ್ ಪ್ಯಾಕ್ ಗಳಲ್ಲಿ ದಿವಸಕ್ಕೆ ಇಂತಿಷ್ಟೇ ಎಂಬ ಡೇಟಾ ಮಿತಿ ಇರುವುದಿಲ್ಲ. ಆದ್ದರಿಂದ ಹೆಚ್ಚು ಡೇಟಾ ಬಳಸುವ ಗ್ರಾಹಕರಿಗೆ ಅನುಕೂಲ ಆಗುತ್ತದೆ. ಯಾವಾಗ ದಿನದ ಡೇಟಾ ಮುಗಿದುಹೋಗುತ್ತೋ ಆಗ ಟಾಪ್ ಅಪ್ ಅನ್ನು ತಿಂಗಳ ಯಾವುದೇ ಸಮಯದಲ್ಲಿ ಬಳಸಬಹುದು.