ಏರ್‌ಟೆಲ್‌, ವೋಡಾಫೋನ್ ನಂತರ ಜಿಯೋ ದರ ಎಷ್ಟು ಏರಿಕೆ?

ಮುಂಬೈ, ನವೆಂಬರ್ 29: ಭಾರತದ ಪ್ರಮುಖ ಟೆಲಿಕಾಂ ಸೇವಾ ಪೂರೈಕೆದಾರ ಕಂಪನಿಗಳು ತಮ್ಮ ಪ್ರೀಪೇಯ್ಡ್ ಗ್ರಾಹಕರಿಗೆ ಹೊಸ ಆಫರ್ ಜೊತೆಗೆ ದರ ಪಟ್ಟಿಯನ್ನು ಪರಿಷ್ಕರಿಸುತ್ತಿವೆ. ಭಾರ್ತಿ ಏರ್‌ಟೆಲ್, ವೋಡಾಫೋನ್ ಐಡಿಯಾ ನಂತರ ರಿಲಯನ್ಸ್ ಜಿಯೋಪ್ರಿಪೇಯ್ಡ್ ದರ ಪಟ್ಟಿಯೂ ಬದಲಾಗಿದೆ. ಶೇ 21ರಷ್ಟು ದರ ಏರಿಕೆ ಪ್ರಕಟಿಸಿದೆ.

ವೊಡಾಫೋನ್ ಐಡಿಯಾ ಲಿಮಿಟೆಡ್ (ವಿಐಎಲ್), ಭಾರತದಲ್ಲಿ ಪ್ರಿಪೇಯ್ಡ್ ಬಳಕೆದಾರರಿಗಾಗಿ ತನ್ನ ಹೊಸ ಶುಲ್ಕ ಯೋಜನೆಗಳನ್ನು ಪ್ರಕಟಿಸಿದ್ದು, ಹೊಸ ಯೋಜನೆಗಳು ನವೆಂಬರ್ 25ರಿಂದ ಜಾರಿಗೆ ಬರಲಿದೆ ಎಂದು ಸಂಸ್ಥೆ ಹೇಳಿದೆ. ಇದೀಗ ಹೊಸ ಅನ್‌ಲಿಮಿಟೆಡ್ ಪ್ಲಾನ್‌ಗಳು ಡಿಸೆಂಬರ್ 1, 2021ರಿಂದ ಲಭ್ಯವಿರಲಿವೆ ಹಾಗೂ ಅಸ್ತಿತ್ವದಲ್ಲಿರುವ ಎಲ್ಲ ಟಚ್‌ಪಾಯಿಂಟ್‌ಗಳು ಮತ್ತು ಚಾನಲ್‌ಗಳಿಂದಲೂ ಅವನ್ನು ಪಡೆದುಕೊಳ್ಳಬಹುದಾಗಿದೆ.

ತನ್ನ ಗ್ರಾಹಕರಿಗೆ ಸರಳ ಮತ್ತು ಅನುಕೂಲಕರ ಉತ್ಪನ್ನಗಳನ್ನು ಒದಗಿಸುವ ಅದರ ಬದ್ಧತೆಗೆ ಅನುಗುಣವಾಗಿ, ಧ್ವನಿ ಮತ್ತು ಡೇಟಾ ಎರಡಕ್ಕೂ ಅತ್ಯುತ್ತಮವಾದ ವೈಶಿಷ್ಟ್ಯದ ಸಮೃದ್ಧ ಯೋಜನೆಗಳನ್ನು ಸಂಗ್ರಹಿಸಿದೆ. ಗ್ರಾಹಕರು ತಮ್ಮ ನಿರ್ದಿಷ್ಟ ಅಗತ್ಯಗಳಿಗೆ ಸೂಕ್ತವಾದ ಯೋಜನೆಯನ್ನು ಆಯ್ಕೆ ಮಾಡುವ ಮೂಲಕ ತಮ್ಮ ಪ್ರಯೋಜನಗಳನ್ನು ಪಡೆಯಬಹುದು.

ಎಲ್ಲ ಭಾರತೀಯರನ್ನೂ ನಿಜವಾದ ಡಿಜಿಟಲ್ ಜೀವನದೊಂದಿಗೆ ಸಶಕ್ತರನ್ನಾಗಿಸುವ ಸುಸ್ಥಿರ ಟೆಲಿಕಾಂ ಉದ್ಯಮವನ್ನು ಮತ್ತಷ್ಟು ಬಲಪಡಿಸುವ ಬದ್ಧತೆಗೆ ಅನುಗುಣವಾಗಿ, ಜಿಯೋ ಇಂದು ತನ್ನ ಹೊಸ ಅನ್‌ಲಿಮಿಟೆಡ್ ಪ್ಲಾನ್‌ಗಳನ್ನು ಪ್ರಕಟಿಸಿದೆ. ಈ ಪ್ಲಾನ್‌ಗಳು ಮಾರುಕಟ್ಟೆಯಲ್ಲೇ ಅತ್ಯುತ್ತಮ ಮೌಲ್ಯವನ್ನು ನೀಡಲಿವೆ. ಜಾಗತಿಕವಾಗಿ ಅತ್ಯಂತ ಕಡಿಮೆ ಬೆಲೆಯಲ್ಲಿ ಅತ್ಯುತ್ತಮ ಗುಣಮಟ್ಟದ ಸೇವೆ ನೀಡುವ ಜಿಯೋ ಭರವಸೆಯನ್ನು ಎತ್ತಿಹಿಡಿಯುವ ಮೂಲಕ, ಜಿಯೋ ಗ್ರಾಹಕರು ಅತ್ಯಂತ ದೊಡ್ಡ ಫಲಾನುಭವಿಗಳಾಗಿ ಮುಂದುವರಿಯಲಿದ್ದಾರೆ.

ಜಿಯೋ ಪ್ರೀಪೇಯ್ಡ್ ಮೊಬೈಲ್ ದರ ಪರಿಷ್ಕರಣೆ
ಹಾಲಿ ದರ(Rs)	ವ್ಯಾಲಿಡಿಟಿ	ಹೊಸ ದರ (Rs)	ಪ್ರಯೋಜನ
ಜಿಯೋ ಫೋನ್ ಯೋಜನೆ
75	28 ದಿನ	91	3 ಜಿಬಿ ಡೇಟಾ, ಅನಿಯಮಿತ ವಾಯ್ಸ್ ಹಾಗೂ 50 ಎಸ್ಎಂಎಸ್
ಅನಿಯಮಿತ ವಾಯ್ಸ್ ಹಾಗೂ ಡೇಟಾ
129	28 ದಿನಗಳು	155	2 ಜಿಬಿ ಡೇಟಾ, ಅನಿಯಮಿತ ವಾಯ್ಸ್ ಹಾಗೂ 300 ಎಸ್ಎಂಎಸ್
149	24 ದಿನಗಳು	179	ದಿನಕ್ಕೆ 1 ಜಿಬಿ ಡೇಟಾ, ಅನಿಯಮಿತ ವಾಯ್ಸ್ ಹಾಗೂ 100 ಎಸ್ಎಂಎಸ್
199	28 ದಿನಗಳು	239	ದಿನಕ್ಕೆ 1.5 ಜಿಬಿ ಡೇಟಾ, ಅನಿಯಮಿತ ವಾಯ್ಸ್ ಹಾಗೂ 100 ಎಸ್ಎಂಎಸ್
249	28 ದಿನಗಳು	299	ದಿನಕ್ಕೆ 2 ಜಿಬಿ ಡೇಟಾಅನಿಯಮಿತ ಕರೆ, 100 ಎಸ್ಎಂಎಸ್/ದಿನ
399	56 ದಿನಗಳು	479	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 1.5 ಜಿಬಿ ಡೇಟಾ
444	56 ದಿನಗಳು	533	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 2 ಜಿಬಿ ಡೇಟಾ
329	84 ದಿನಗಳು	395	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, 6 ಜಿಬಿ ಡೇಟಾ
555	84 ದಿನಗಳು	666	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, ದಿನಕ್ಕೆ 1.5 ಜಿಬಿ ಡೇಟಾ
599	84 ದಿನಗಳು	719	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, ದಿನಕ್ಕೆ 2 ಜಿಬಿ ಡೇಟಾ
1299	336 ದಿನಗಳು	1559	ಅನಿಯಮಿತ ಕರೆ, 3600 ಎಸ್ಎಂಎಸ್, 24 ಜಿಬಿ ಡೇಟಾ
2399	365 ದಿನಗಳು	2879	ಅನಿಯಮಿತ ಕರೆ, 100 ಎಸ್ಎಂಎಸ್/ದಿನ, ದಿನಕ್ಕೆ 2 ಜಿಬಿ ಡೇಟಾ
Data ಆಡ್ ಆನ್
51	ಅನಿಯಮಿತ	61	6 ಜಿಬಿ ಡಾಟಾ
101	ಅನಿಯಮಿತ	121	12 ಜಿಬಿ ಡಾಟಾ
251	30	301	50 ಜಿಬಿ ಡಾಟಾ

ರಿಲಯನ್ಸ್ ಜಿಯೋ ಇನ್‍ಫೋಕಾಮ್ ಲಿಮಿಟೆಡ್: ಜಿಯೋ ಪ್ಲಾಟ್‌ಫಾರ್ಮ್ಸ್ ಲಿಮಿಟೆಡ್‍ನ ಅಧೀನ ಸಂಸ್ಥೆಯಾಗಿರುವ ರಿಲಯನ್ಸ್ ಜಿಯೋ ಇನ್‍ಫೋಕಾಮ್ ಲಿಮಿಟೆಡ್, ಅತ್ಯಾಧುನಿಕ 4ಜಿ ಎಲ್‍ಟಿಇ ತಂತ್ರಜ್ಞಾನದೊಂದಿಗೆ ವಿಶ್ವದರ್ಜೆಯ ಆಲ್-ಐಪಿ ಡೇಟಾ ಸ್ಟ್ರಾಂಗ್ ಫ್ಯೂಚರ್ ಪ್ರೂಫ್ ಜಾಲವನ್ನು ರೂಪಿಸಿದೆ. ಮೊಬೈಲ್ ವೀಡಿಯೋ ಜಾಲದ ಪರಿಕಲ್ಪನೆಯೊಡನೆಯೇ ರೂಪಿಸಲಾದ ಹಾಗೂ ವಾಯ್ಸ್ ಓವರ್ ಎಲ್‍ಟಿಇ ತಂತ್ರಜ್ಞಾನವನ್ನು ಬೆಂಬಲಿಸುವ ಏಕೈಕ ಜಾಲ ಇದಾಗಿದೆ. ಮುಂದೆ 5ಜಿ, 6ಜಿ ಮುಂತಾದ ತಂತ್ರಜ್ಞಾನಗಳ ಪರಿಚಯವಾದಂತೆ ಭವಿಷ್ಯದ ಬೇಡಿಕೆಗಳಿಗಾಗಿ ಹೆಚ್ಚು ಹೆಚ್ಚು ಡೇಟಾವನ್ನು ಬೆಂಬಲಿಸುವಂತೆ ಈ ಜಾಲವನ್ನು ಸುಲಭವಾಗಿ ಉನ್ನತೀಕರಿಸಬಹುದಾಗಿದೆ.