SBI Job Recruitment 2025: 1,194 ಅರ್ಜಿ ಅಹ್ವಾನ : ಅರ್ಜಿ ಸಲ್ಲಿಕೆ ಹೇಗೆ ಇಲ್ಲಿದೆ ಮಾಹಿತಿ

ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ (ಎಸ್‌ಬಿಐ) ವಿವಿಧ ಹುದ್ದೆಗಳಿಗೆ ಅರ್ಜಿ ಅಹ್ವಾನ ಮಾಡಿದೆ. ಒಟ್ಟು 1,194 ಹುದ್ದೆಗಳನ್ನು ಭರ್ತಿ ಮಾಡಲು ಎಸ್‌ಬಿಐ ಮುಂದಾಗಿದೆ. ಎಸ್‌ಬಿಐ ಸಮಕಾಲೀನ ಲೆಕ್ಕ ಪರಿಶೋಧಕರ ನೇಮಕಾತಿ 2025 ನಡೆಯುತ್ತಿದ್ದು, ಖಾಲಿ ಹುದ್ದೆಗಳು ಗುತ್ತಿಗೆ ಆಧಾರದ ಮೇಲೆ ಎಸ್‌ಬಿಐ ಮತ್ತು ಅದರ ಹಿಂದಿನ ಸಹವರ್ತಿ ಬ್ಯಾಂಕ್‌ಗಳ ನಿವೃತ್ತ ಬ್ಯಾಂಕ್ ಅಧಿಕಾರಿಗಳಿಗೆ ಮಾತ್ರ ಅನ್ವಯ ಮಾಡಲಾಗಿದೆ.

ಹೌದು,ಎಸ್‌ಬಿಐ ಸಮಕಾಲೀನ ಲೆಕ್ಕ ಪರಿಶೋಧಕರ ನೇಮಕಾತಿ 2025 ಅಡಿಯಲ್ಲಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಸಮಕಾಲೀನ ಆಡಿಟರ್ ಹುದ್ದೆಗಳ ನೇಮಕಾತಿಗಾಗಿ ಅರ್ಜಿ ಪ್ರಕ್ರಿಯೆಯನ್ನು ಆರಂಭಿಸಿದೆ.ಆಸಕ್ತ ಮತ್ತು ಅರ್ಹ ಅಭ್ಯರ್ಥಿಗಳು ಅಧಿಕೃತ ಎಸ್‌ಬಿಐ ವೆಬ್‌ಸೈಟ್ sbi.co.in ಗೆ ಭೇಟಿ ನೀಡುವ ಮೂಲಕ ಅರ್ಜಿ ಸಲ್ಲಿಸಬಹುದು. ಅರ್ಜಿ ಸಲ್ಲಿಸಲು ಮಾರ್ಚ್ 15, 2025 ಕೊನೆಯ ದಿನಾಂಕವಾಗಿದೆ.

ಎಸ್‌ಬಿಐ ಅಧಿಕೃತ ಅಧಿಸೂಚನೆ ಪ್ರಕಾರ ಅರ್ಜಿ ಸಲ್ಲಿಸುವ ಮೊದಲು, ಅಭ್ಯರ್ಥಿಗಳು ಅರ್ಹತೆಯ ದಿನಾಂಕದಂದು ಪೋಸ್ಟ್‌ಗೆ ಅರ್ಹತೆಯ ಮಾನದಂಡಗಳನ್ನು ಪೂರೈಸುತ್ತಾರೆಯೇ? ಎಂದು ಖಚಿತಪಡಿಸಿಕೊಳ್ಳಲು ವಿನಂತಿಸಿದೆ.

ಅಭ್ಯರ್ಥಿಗಳು ನಿಯೋಜನೆ ವಿವರಗಳು, ಐಡಿ ಪುರಾವೆ, ವಯಸ್ಸಿನ ಪುರಾವೆ, ಇತ್ಯಾದಿ ಸೇರಿದಂತೆ ಅಗತ್ಯವಿರುವ ಎಲ್ಲ ದಾಖಲೆಗಳನ್ನು ಅಪ್‌ಲೋಡ್ ಮಾಡಬೇಕು. ಒಂದು ವೇಳೆ ಇದು ವಿಫಲವಾದರೆ ಅಭ್ಯರ್ಥಿಯ ಅರ್ಜಿ ಶಾರ್ಟ್‌ಲಿಸ್ಟಿಂಗ್ ಅಥವಾ ಸಂದರ್ಶನಕ್ಕಾಗಿ ಎಂದು ಹೇಳಿದೆ.

ಅಭ್ಯರ್ಥಿಯ ಉಮೇದುವಾರಿಕೆ, ಶಾರ್ಟ್‌ಲಿಸ್ಟ್ ಮಾಡುವುದು ತಾತ್ಕಾಲಿಕವಾಗಿರುತ್ತದೆ. ಅಭ್ಯರ್ಥಿಯು ಸಂದರ್ಶನಕ್ಕೆ ಕರೆದರೆ ವರದಿ ಮಾಡಿದಾಗ ಮೂಲದೊಂದಿಗೆ ಎಲ್ಲ ವಿವರಗಳು ಅಥವಾ ದಾಖಲೆಗಳ ಪರಿಶೀಲನೆಗೆ ಒಳಪಟ್ಟಿರುತ್ತದೆ. ಆಯ್ಕೆ ಪ್ರಕ್ರಿಯೆಯು ಶಾರ್ಟ್‌ಲಿಸ್ಟ್ ಮತ್ತು ಸಂದರ್ಶನವನ್ನು ಒಳಗೊಂಡಿರುತ್ತದೆ. ಕನಿಷ್ಠ ವಿದ್ಯಾರ್ಹತೆ ಮತ್ತು ಅನುಭವವನ್ನು ಪೂರೈಸುವುದು ಸಂದರ್ಶನಕ್ಕೆ ಗ್ಯಾರಂಟಿ ನೀಡುವುದಿಲ್ಲ.

ಆಯ್ಕೆ ಪ್ರಕ್ರಿಯೆ ಹೇಗೆ?

ಎಸ್‌ಬಿಐ ಬ್ಯಾಂಕ್‌ನ ಶಾರ್ಟ್‌ಲಿಸ್ಟಿಂಗ್ ಸಮಿತಿಯು ಮಾನದಂಡಗಳನ್ನು ನಿಗದಿಪಡಿಸುತ್ತದೆ. ಶಾರ್ಟ್‌ಲಿಸ್ಟ್ ಮಾಡಿದ ಅಭ್ಯರ್ಥಿಗಳನ್ನು 100 ಅಂಕಗಳನ್ನು ಹೊಂದಿರುವ ಸಂದರ್ಶನಕ್ಕೆ ಆಹ್ವಾನಿಸಲಾಗುತ್ತದೆ.

ಅರ್ಹತಾ ಅಂಕಗಳನ್ನು ಬ್ಯಾಂಕ್ ನಿರ್ಧರಿಸುತ್ತದೆ. ಯಾವುದೇ ಪತ್ರ ವ್ಯವಹಾರವನ್ನು ಒಪ್ಪುವುದಿಲ್ಲ. ಅಂತಿಮ ಮೆರಿಟ್ ಪಟ್ಟಿಯು ಸಂದರ್ಶನದ ಅಂಕಗಳನ್ನು ಆಧರಿಸಿರುತ್ತದೆ. ಅಭ್ಯರ್ಥಿಗಳು ಟೈ ಆಗುವ ಸಂದರ್ಭದಲ್ಲಿ ಮಾತ್ರ ವಯಸ್ಸಿನ ಪ್ರಕಾರ ಶ್ರೇಣಿಯನ್ನು ಹೊಂದಿರುತ್ತಾರೆ ಎಂದು ಹೇಳಿದೆ.

ಎಸ್‌ಬಿಐ ಸಮಕಾಲೀನ ಲೆಕ್ಕ ಪರಿಶೋಧಕರ ನೇಮಕಾತಿ 2025ರಲ್ಲಿ ನಿವೃತ್ತ ಅಧಿಕಾರಿಗಳು ಬ್ಯಾಂಕ್ ಅಥವಾ ವರದಿ ಮಾಡುವ ಪ್ರಾಧಿಕಾರದ ಅನುಮೋದನೆಗೆ ಒಳಪಟ್ಟು ಒಂದು ವರ್ಷದ ಅವಧಿಯಲ್ಲಿ 30 ದಿನಗಳ ರಜೆಗೆ ಅರ್ಹತೆ ಪಡೆಯುತ್ತಾರೆ.

ರಜೆಯ ಅವಧಿಯೊಳಗೆ ಬರುವ ಭಾನುವಾರ ಮತ್ತು ರಜಾದಿನಗಳನ್ನು ಇದಕ್ಕೆ ಪರಿಗಣಿಸಲಾಗುವುದಿಲ್ಲ. ಆಡಳಿತಾತ್ಮಕ ಅವಶ್ಯಕತೆಗಳ ಆಧಾರದ ಮೇಲೆ ರಜೆ ಅರ್ಜಿಗಳನ್ನು ಅನುಮೋದಿಸುವ ಅಥವಾ ತಿರಸ್ಕರಿಸುವ ಹಕ್ಕನ್ನು ಬ್ಯಾಂಕ್ ಹೊಂದಿರುತ್ತದೆ ಎಂದು ಎಸ್‌ಬಿಐ ಪ್ರಕಟಣೆ ತಿಳಿಸಿದೆ.