ಗ್ರಾಹಕರಿಗೆ ಸಿಗಲಿದೆ ಬಂಪರ್ ರಿಯಾಯಿತಿ :ನೂತನ SBI ವಿಸ್ತಾರಾ ಕ್ರೆಡಿಟ್ ಕಾರ್ಡ್‌

ಸ್ಟೇಟ್ ಬ್ಯಾಂಕ್ ಇಂಡಿಯಾ ತನ್ನ ಗ್ರಾಹಕರಿಗೆ ಬಂಪರ್ ರಿಯಾಯಿತಿ ನೀಡಲು ಮುಂದಾಗಿದೆ. ಪ್ರಯಾಣಿಕ ಸೇವಾ ಸಂಸ್ಥೆಯಾದ ವಿಸ್ತಾರಾ ಜೊತೆಯಲ್ಲಿ ಜಂಟಿಯಾಗಿ 'ಕ್ಲಬ್ ವಿಸ್ತಾರಾ ಎಸ್‌ಬಿಐ' ಕ್ರೆಡಿಟ್ ಕಾರ್ಡ್ ಬಿಡುಗಡೆ ಮಾಡಿದೆ.

ಕ್ಲಬ್ ವಿಸ್ತಾರಾ ಎಸ್‌ಬಿಐ ನೂತನ ಕ್ರೆಡಿಟ್ ಕಾರ್ಡ್‌ ಬಳಸುವವರು ಉಚಿತ ಟಿಕೆಟ್ ರದ್ದತಿ, ವೆಲಕಮ್ ಟಿಕೆಟ್, ವರ್ಷಕ್ಕೆ 8 ಬಾರಿ ದೇಶಿ ಏರ್‌ಪೋರ್ಟ್‌ನಲ್ಲಿ ವಿಶ್ರಾಂತಿ ಪ್ರವೇಶ ಹಾಗೂ ಪ್ರೈಯರ್ ಪಾಯಿಂಟ್‌ಗಳಂತಹ ಪ್ರಯೋಜನ ಪಡೆಯಬಹುದಾಗಿದೆ.

ಈ ಕಾರ್ಡ್‌ ಹೊಂದಿರುವವರಿಗೆ ವಿಮಾ ರಕ್ಷಣೆ, ಕಳೆದು ಹೋದ ಕಾರ್ಡ್ ಹೊಣೆಗಾರಿಕೆ 1 ಲಕ್ಷ ರುಪಾಯಿ , 6 ಬಾರಿ ಟಿಕೆಟ್ ರದ್ದತಿ ಜೊತೆಗೆ ಬ್ಯಾಗೇಜ್ ಹಾನಿಗೆ 5,000 ರುಪಾಯಿ ಪರಿಹಾರ ಸೌಲಭ್ಯಗಳಿವೆ. ಕಾರ್ಡ್‌ಗೆ ವಾರ್ಷಿಕ ಶುಲ್ಕ ತೆರಿಗೆ ಹೊರತುಪಡಿಸಿ 3 ಸಾವಿರ ರುಪಾಯಿಗಳಾಗಿವೆ. ಜೊತೆಗೆ ರಿವಾರ್ಡ್ಸ ಪಾಯಿಂಟ್ಸ್ ಮೂಲಕ ಅತ್ಯಾಕರ್ಷಕ ಕೊಡುಗೆಗಳನ್ನು ನೀಡಿದೆ.

ಎಸ್‌ಬಿಐ ಜೊತೆಗೆ ಕೈ ಜೋಡಿಸಿರುವ ವಿಸ್ತಾರಾ, ಬುಧವಾರ ಹೊರತುಪಡಿಸಿ ಉಳಿದೆಲ್ಲಾ ದಿನವೂ ಮುಂಬೈ ನಿಂದ ಕೊಲಂಬೊಗೆ ವಿಮಾನ ಹಾರಾಟ ಸೇವೆ ಆರಂಭಿಸಿದೆ. ಇದು ಎಕಾನಮಿ ಮತ್ತು ಬಿಸಿನೆಸ್ ಕ್ಲಾಸ್ ಜೊತೆಗೆ ಭಾರತ ಮತ್ತು ಶ್ರೀಲಂಕಾ ನಡುವಿನ ಪ್ರಯಾಣಕ್ಕಾಗಿ ಪ್ರೀಮಿಯಂ ಎಕಾನಮಿ ಕ್ಲಾಸ್ ಆಯ್ಕೆಯನ್ನು ನೀಡುವ ಮೊದಲ ಸಂಸ್ಥೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.