ಸೆನ್ಸೆಕ್ಸ್ 511 ಪಾಯಿಂಟ್ ಜಿಗಿತ; ತೈಲ ಮಾರ್ಕೆಟಿಂಗ್ ಕಂಪೆನಿಗಳ ಗಳಿಕೆ
ಷೇರು ಮಾರುಕಟ್ಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್ ಹಾಗೂ ನಿಪ್ಟಿ ಏರಿಕೆ ಹಾದಿಯನ್ನು ಮುಂದುವರಿಸಿವೆ. ಮಂಗಳವಾರ (ಜುಲೈ 21, 2020) ಸೆನ್ಸೆಕ್ಸ್ 511.34 ಪಾಯಿಂಟ್ ಏರಿಕೆ ಕಂಡು, 37,930.33 ಪಾಯಿಂಟ್ ನೊಂದಿಗೆ ದಿನದ ವಹಿವಾಟು ಮುಕ್ತಾಯಗೊಳಿಸಿದೆ. ಇನ್ನು ನಿಫ್ಟಿ ಸೂಚ್ಯಂಕವು 140.5 ಪಾಯಿಂಟ್ ಹೆಚ್ಚಳ ಕಂಡು, 11,162.25 ಅಂಶದೊಂದಿಗೆ ವ್ಯವಹಾರ ಮುಗಿಸಿದೆ.
ಜೂನ್ 12ಕ್ಕೆ ಕೊನೆಯಾದ ವಾರದಿಂದ ಇಲ್ಲಿಯ ತನಕ ಸೆನ್ಸೆಕ್ಸ್, ನಿಫ್ಟಿ ತಲಾ 12 ಪರ್ಸೆಂಟ್ ತನಕ ಗಳಿಕೆ ಕಂಡಿವೆ. ಇನ್ನು ಮಾರ್ಚ್ 23ನೇ ತಾರೀಕಿನಂದು ತಲುಪಿದ್ದ ಪಾತಾಳದಿಂದ ತಲಾ 48 ಪರ್ಸೆಂಟ್ ಗೂ ಹೆಚ್ಚು ಏರಿಕೆ ಕಂಡಿವೆ. ಮಂಗಳವಾರದಂದು ತೈಲ ಮಾರ್ಕೆಟಿಂಗ್ ಕಂಪೆನಿಗಳು ಭರ್ಜರಿಯಾದ ಏರಿಕೆ ದಾಖಲಿಸಿದವು.
ಷೇರು ಮಾರುಕಟ್ಟೆಯ 'ಗ್ರೇಟರ್ ಫೂಲ್ ಥಿಯರಿ' ಬಗ್ಗೆ ನಿಮಗೆಷ್ಟು ಗೊತ್ತು?
ಸತತವಾಗಿ ಐದನೇ ದಿನ ಷೇರು ಮಾರ್ಕೆಟ್ ನಲ್ಲಿ ಏರಿಕೆ ಕಂಡು, ಸೆನ್ಸೆಕ್ಸ್ ಸೂಚ್ಯಂಕವು 38 ಸಾವಿರ ಪಾಯಿಂಟ್ ಸಮೀಪ ದಿನದದ ವಹಿವಾಟನ್ನು ಪೂರ್ತಿ ಮಾಡಿತು. 1427 ಕಂಪೆನಿಯ ಷೇರುಗಳು ಏರಿಕೆ ದಾಖಲಿಸಿದರೆ, 1223 ಕಂಪೆನಿ ಷೇರುಗಳು ಇಳಿಕೆ ಹಾಗೂ 155 ಕಂಪೆನಿ ಷೇರುಗಳು ಯಾವ ಬದಲಾವಣೆ ಕಾಣಲಿಲ್ಲ.
ನಿಫ್ಟಿಯಲ್ಲಿ ಏರಿಕೆ ಕಂಡ ಪ್ರಮುಖ ಷೇರುಗಳು
ಪವರ್ ಗ್ರಿಡ್ ಕಾರ್ಪೊರೇಷನ್
ಬಿಪಿಸಿಎಲ್
ಐಒಸಿ
ಐಷರ್ ಮೋಟಾರ್ಸ್
ಮಾರುತಿ ಸುಜುಕಿ
ನಿಫ್ಟಿಯಲ್ಲಿ ಇಳಿಕೆ ಕಂಡ ಪ್ರಮುಖ ಷೇರುಗಳು
ಬಜಾಜ್ ಫೈನಾನ್ಸ್
ಬಜಾಜ್ ಫೈನಾನ್ಸ್ ಸರ್ವೀಸ್
ಬ್ರಿಟಾನಿಯಾ
ಭಾರ್ತಿ ಇನ್ ಫ್ರಾಟೆಲ್
ಸಿಪ್ಲಾ