ಷೇರು ಮಾರ್ಕೆಟ್ ಭರ್ಜರಿ ಏರಿಕೆ; ಆಕ್ಸಿಸ್ ಬ್ಯಾಂಕ್ ಷೇರು 13% ಗಳಿಕೆ

ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್, ನಿಫ್ಟಿ ಬುಧವಾರ (ಮೇ 27, 2020) ಭರ್ಜರಿ ಏರಿಕೆ ದಾಖಲಿಸಿವೆ. ಸೆನ್ಸೆಕ್ಸ್ 995.92 ಪಾಯಿಂಟ್ ಏರಿಕೆ ಕಂಡು, 31,605.22 ಪಾಯಿಂಟ್ ಗಳೊಂದಿಗೆ ದಿನಾಂತ್ಯದ ವಹಿವಾಟು ಮುಗಿಸಿದೆ. ಇನ್ನು ನಿಫ್ಟಿ 285.9 ಅಂಶಗಳು ಹೆಚ್ಚಳವಾಗಿ, 9314.95 ಪಾಯಿಂಟ್ ನೊಂದಿಗೆ ವ್ಯವಹಾರ ಚುಕ್ತಾಗೊಳಿಸಿದೆ. ಇನ್ನು ಬ್ಯಾಂಕ್ ನಿಫ್ಟಿ 1270.15 ಅಂಶಗಳಷ್ಟು ಮೇಲೇರಿದೆ.

ನಿಫ್ಟಿಯಲ್ಲಿ ಏರಿಕೆ ಕಂಡ ಟಾಪ್ ಐದು ಷೇರುಗಳು ಮತ್ತು ಪರ್ಸೆಂಟ್
ಆಕ್ಸಿಸ್ ಬ್ಯಾಂಕ್ 13.39%

ಐಸಿಐಸಿಐ ಬ್ಯಾಂಕ್ 8.93%

ವಿಪ್ರೋ 6.59%

ಗ್ರಾಸಿಮ್ 6.38%

ಎಚ್ ಡಿಎಫ್ ಸಿ ಬ್ಯಾಂಕ್ 6.01%

ಆದರೆ, ನಿಫ್ಟಿಯಲ್ಲಿ ಕೆಲವು ಷೇರುಗಳು ಇಳಿಕೆಯಾಗಿವೆ. ಆ ಪೈಕಿ ಇಳಿಕೆ ಕಂಡ ಟಾಪ್ ಐದು ಷೇರುಗಳು ಯಾವುದು ಅಂತ ನೋಡಿದರೆ, ಸನ್ ಫಾರ್ಮಾ, ಅಲ್ಟ್ರಾಟೆಕ್ ಸಿಮೆಟ್, ಶ್ರೀ ಸಿಮೆಂಟ್ಸ್, ಟೈಟಾನ್ ಕಂಪೆನಿ, ಏಷ್ಯನ್ ಪೇಂಟ್ಸ್ ಕಂಪೆನಿಯ ಷೇರುಗಳು ಇಳಿಕೆ ದಾಖಲಿಸಿದವು.

ಅಮೆರಿಕ ಡಾಲರ್ ವಿರುದ್ಧ ರುಪಾಯಿ ಮೌಲ್ಯವು ಸ್ವಲ್ಪ ಮಟ್ಟಿಗೆ ಇಳಿಕೆಯಾಗಿ, 75.72ಕ್ಕೆ ಕೊನೆಯಾಗಿದೆ.