ಬಜೆಟ್ 2021 ಧಮಾಕಾ: ಸೆನ್ಸೆಕ್ಸ್ 2300 ಪಾಯಿಂಟ್, ನಿಫ್ಟಿ 646 ಪಾಯಿಂಟ್ ಏರಿಕೆ

ಹೂಡಿಕೆದಾರರ ಸಂಪತ್ತು ಸೋಮವಾರ 5.2 ಲಕ್ಷ ಕೋಟಿ ರುಪಾಯಿ ಹೆಚ್ಚಳವಾಗಿದೆ.

ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ಸೋಮವಾರ (ಫೆಬ್ರವರಿ 1, 2021), ಬಜೆಟ್ ದಿನದಂದು ಭರ್ಜರಿ ಏರಿಕೆ ಕಂಡಿದೆ. ದಿನದ ಕೊನೆಗೆ ಸೆನ್ಸೆಕ್ಸ್ 2,314.84 ಪಾಯಿಂಟ್ ಅಥವಾ 5% ಹೆಚ್ಚಳವಾಗಿ, 48,600.61 ಪಾಯಿಂಟ್ ನೊಂದಿಗೆ ವ್ಯವಹಾರ ಮುಗಿಸಿತು. ಇನ್ನು ನಿಫ್ಟಿ 646.60 ಪಾಯಿಂಟ್ ಅಥವಾ 4.74% ಮೇಲೇರಿ, 14,281.20 ಪಾಯಿಂಟ್ ನೊಂದಿಗೆ ವಹಿವಾಟು ಚುಕ್ತಾ ಮಾಡಿದೆ.

ಈ ದಿನದ ವಹಿವಾಟಿನಲ್ಲಿ 1902 ಕಂಪೆನಿಯ ಷೇರು ಏರಿಕೆ ಕಂಡಿದ್ದರೆ, 979 ಕಂಪೆನಿಯ ಷೇರುಗಳು ಇಳಿಕೆ ಕಂಡವು. 198 ಕಂಪೆನಿಯ ಷೇರುಗಳ ಬೆಲೆಯಲ್ಲಿ ಯಾವುದೇ ಬದಲಾವಣೆ ಆಗಲಿಲ್ಲ. ಫಾರ್ಮಾಸ್ಯುಟಿಕಲ್ ವಲಯ ಹೊರತುಪಡಿಸಿ ಉಳಿದ ವಲಯದ ಸೂಚ್ಯಂಕಗಳು 1ರಿಂದ 8 ಪರ್ಸೆಂಟ್ ಹೆಚ್ಚಳ ದಾಖಲಾಗಿದೆ. ಬಿಎಸ್ ಇ ಮಿಡ್ ಕ್ಯಾಪ್ ಮತ್ತು ಸ್ಮಾಲ್ ಕ್ಯಾಪ್ 2- 3 ಪರ್ಸೆಂಟ್ ಹೆಚ್ಚಳವಾದವು.

ನಿಫ್ಟಿಯಲ್ಲಿ ಏರಿಕೆ ಕಂಡ ಟಾಪ್ 5 ಷೇರುಗಳು ಮತ್ತು ಪರ್ಸೆಂಟ್
ಇಂಡಸ್ ಇಂಡ್ ಬ್ಯಾಂಕ್ 14.71%

ಐಸಿಐಸಿಐ ಬ್ಯಾಂಕ್ 12.44%

ಬಜಾಜ್ ಫಿನ್ ಸರ್ವ್ 11.45%

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ 10.14%

ಲಾರ್ಸನ್ ಅಂಡ್ ಟೂಬ್ರೋ 8.55%

ನಿಫ್ಟಿಯಲ್ಲಿ ಇಳಿಕೆ ಕಂಡ ಟಾಪ್ 5 ಷೇರುಗಳು ಮತ್ತು ಪರ್ಸೆಂಟ್
ಯುಪಿಎಲ್ - 4.74%

ಡಾ ರೆಡ್ಡೀಸ್ ಲ್ಯಾಬ್ಸ್ - 3.79%

ಸಿಪ್ಲಾ - 2.36%

ಟೆಕ್ ಮಹೀಂದ್ರಾ - 2.04%

ಹಿಂದೂಸ್ತಾನ್ ಯುನಿಲಿವರ್ ಲಿಮಿಟೆಡ್ - 0.68%