ದಿನದ ಗರಿಷ್ಠ ಮಟ್ಟದಿಂದ 500ಕ್ಕೂ ಹೆಚ್ಚು ಪಾಯಿಂಟ್ ಕುಸಿದ ಸೆನ್ಸೆಕ್ಸ್

ಷೇರು ಮಾರ್ಕೆಟ್ ಸೂಚ್ಯಂಕ ಬಿಎಸ್ ಇ- ಸೆನ್ಸೆಕ್ಸ್ ಗುರುವಾರ (ಜನವರಿ 21, 2021) 50,000 ಪಾಯಿಂಟ್ ಮೇಲೇರಿದ ನಂತರ ದಿನಾಂತ್ಯಕ್ಕೆ ಇಳಿಕೆಯಲ್ಲಿ ಕೊನೆಯಾಗಿದೆ. ಸೆನ್ಸೆಕ್ಸ್ ದಿನದ ಆರಂಭದಲ್ಲಿ 50,096.57 ಪಾಯಿಂಟ್ ನೊಂದಿಗೆ ಆಯಿತು. ಗರಿಷ್ಠ ಮಟ್ಟವಾದ 50,184.01 ತಲುಪಿತು. ಆದರೆ ದಿನದ ಕನಿಷ್ಠ ಮಟ್ಟ 49,398.86 ಪಾಯಿಂಟ್ ಮುಟ್ಟಿ, ದಿನಾಂತ್ಯಕ್ಕೆ 49,624.76 ಪಾಯಿಂಟ್ ನೊಂದಿಗೆ ವಹಿವಾಟು ಮುಕ್ತಾಯ ಆಯಿತು.

ಇನ್ನು ನಿಫ್ಟಿ 14,730.95 ಪಾಯಿಂಟ್ ನೊಂದಿಗೆ ದಿನದ ವಹಿವಾಟು ಆರಂಭವಾಯಿತು. ಗರಿಷ್ಠ ಮಟ್ಟ 14,753.55 ಪಾಯಿಂಟ್ ತಲುಪಿ, ಕನಿಷ್ಠ ಮಟ್ಟವಾದ 14,517.25 ಪಾಯಿಂಟ್ ಮುಟ್ಟಿತು. ದಿನಾಂತ್ಯಕ್ಕೆ 14,590.35 ಪಾಯಿಂಟ್ ನೊಂದಿಗೆ ವ್ಯವಹಾರ ಚುಕ್ತಾ ಮಾಡಿತು.

1986ರಿಂದ 2021 ಸೆನ್ಸೆಕ್ಸ್ 50,000 ಪಾಯಿಂಟ್ ಪ್ರಮುಖ ಮೈಲುಗಲ್ಲುಗಳು

ಬಿಎಸ್ ಇ ಮಿಡ್ ಕ್ಯಾಪ್ ಹಾಗೂ ಸ್ಮಾಲ್ ಕ್ಯಾಪ್ ಸೂಚ್ಯಂಕಗಳು ಕ್ರಮವಾಗಿ 0.88% ಹಾಗೂ 0.68% ಕುಸಿತ ಕಂಡವು. ಬಿಎಸ್ ಇ ಟೆಲಿಕಾಂ ಸೂಚ್ಯಂಕ 2.64%, ರಿಯಾಲ್ಟಿ 2.56%, ಲೋಹದ ಸೂಚ್ಯಂಕಗಳು 2.41 ಪರ್ಸೆಂಟ್ ಕುಸಿದವು.

ನಿಫ್ಟಿಯಲ್ಲಿ ಏರಿಕೆ ಕಂಡ ಟಾಪ್ 5 ಷೇರುಗಳು
ಟಾಟಾ ಮೋಟಾರ್ಸ್

ಬಜಾಜ್ ಫೈನಾನ್ಸ್

ರಿಲಯನ್ಸ್

ಬಜಾಜ್ ಆಟೋ

ಐಷರ್ ಮೋಟಾರ್ಸ್

ನಿಫ್ಟಿಯಲ್ಲಿ ಇಳಿಕೆ ಕಂಡ ಟಾಪ್ 5 ಷೇರುಗಳು
ಒಎನ್ ಜಿಸಿ

ಟಾಟಾ ಸ್ಟೀಲ್

ಗೇಲ್

ಕೋಲ್ ಇಂಡಿಯಾ

ಸ್ಟೇಟ್ ಬ್ಯಾಂಕ್ ಇಂಡಿಯಾ