ಸೆನ್ಸೆಕ್ಸ್ 137 ಪಾಯಿಂಟ್ಸ್ ಏರಿಕೆ: ನಿಫ್ಟಿ 38 ಪಾಯಿಂಟ್ಸ್ ಹೆಚ್ಚಳ

ಭಾರತದ ಷೇರುಪೇಟೆ ಸೋಮವಾರ ಸಕಾರಾತ್ಮಕ ಆರಂಭ ಪಡೆಯುವುದರೊಂದಿಗೆ ಏರಿಕೆ ದಾಖಲಿಸಿದೆ. ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ 137 ಪಾಯಿಂಟ್ಸ್ ಏರಿಕೆಗೊಂಡರೆ, ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ 38 ಪಾಯಿಂಟ್ಸ್ ಹೆಚ್ಚಳಗೊಂಡಿದೆ.

ಬೆಳಿಗ್ಗೆ 11ಗಂಟೆ ಸುಮಾರಿಗೆ ಬಿಎಸ್‌ಇ ಸೂಚ್ಯಂಕ ಸೆನ್ಸೆಕ್ಸ್ 137.49 ಪಾಯಿಂಟ್ಸ್ ಅಥವಾ ಶೇಕಡಾ 0.24ರಷ್ಟು ಹೆಚ್ಚಾಗಿ 58,267.44 ಪಾಯಿಂಟ್ಸ್ ತಲುಪಿದೆ. ಎನ್‌ಎಸ್‌ಇ ಸೂಚ್ಯಂಕ ನಿಫ್ಟಿ 38.90 ಪಾಯಿಂಟ್ಸ್ ಅಥವಾ ಶೇಕಡಾ 0.22ರಷ್ಟು ಏರಿಕೆಗೊಂಡು 17362.50 ಪಾಯಿಂಟ್ಸ್ ತಲುಪಿದೆ.

ಇಂದು, ಬಿಎಸ್‌ಇಯಲ್ಲಿ ಒಟ್ಟು 1,680 ಕಂಪನಿಗಳಲ್ಲಿ ವಹಿವಾಟು ಪ್ರಾರಂಭವಾಯಿತು, ಅದರಲ್ಲಿ 1,161 ಷೇರುಗಳು ಏರಿಕೆಗೊಂಡರೆ, 378 ಷೇರುಗಳು ಕುಸಿತದೊಂದಿಗೆ ತೆರೆಯಲ್ಪಟ್ಟವು. ಅದೇ ಸಮಯದಲ್ಲಿ, 141 ಕಂಪನಿಗಳ ಷೇರು ಬೆಲೆ ಹೆಚ್ಚಾಗದೆ ಅಥವಾ ಕಡಿಮೆಯಾಗದೆ ತೆರೆಯಿತು.

ಏರಿಕೆಗೊಂಡ ಷೇರುಗಳು:

ಹಿಂಡಾಲ್ಕೊ ಷೇರು 9 ರೂಪಾಯಿ ಹೆಚ್ಚಾಗಿ 470.10 ರೂಪಾಯಿಗೆ ಆರಂಭವಾಯಿತು. ರಿಲಯನ್ಸ್ ಷೇರು 50 ರೂ. ಹೆಚ್ಚಾಗಿ 2,438.35 ಕ್ಕೆ ಪ್ರಾರಂಭವಾಯಿತು. ಈಷರ್ ಮೋಟಾರ್ಸ್ ನ ಷೇರುಗಳು 38 ರೂ ಗಳಿಕೆಯೊಂದಿಗೆ 2,841.00 ರೂಪಾಯಿಗಳಲ್ಲಿ ಪ್ರಾರಂಭವಾಯಿತು. ಬಜಾಜ್ ಆಟೋ ಷೇರುಗಳು 35 ರೂಪಾಯಿಗಳಷ್ಟು ಏರಿಕೆಯಾಗಿ 3,792.50 ರೂ. ತಲುಪಿದೆ. HUL ನ ಷೇರು 27 ರೂಪಾಯಿ ಏರಿಕೆಯೊಂದಿಗೆ 2,793.30 ರೂಪಾಯಿಗೆ ಪ್ರಾರಂಭವಾಯಿತು.

ಇಳಿಕೆಗೊಂಡ ಷೇರುಗಳು:

ಏಷ್ಯನ್ ಪೇಂಟ್ಸ್ ನ ಷೇರುಗಳು ರೂ. 15 ರಷ್ಟು ಇಳಿಕೆಯಾಗಿ 3,323.75 ರೂ., ಪವರ್ ಗ್ರಿಡ್ ಕಾರ್ಪೊರೇಶನ್ ಷೇರುಗಳು ಸುಮಾರು ರೂ 1 ರಷ್ಟು ಕುಸಿದು 175.10 ರೂ., ಟಾಟಾ ಸ್ಟೀಲ್ ನ ಷೇರುಗಳು ರೂ. 1,441.50 ಕ್ಕೆ ಆರಂಭವಾದವು, ಸುಮಾರು 2 ರೂ. ಕುಸಿದು ಟಿಸಿಎಸ್ ಷೇರುಗಳು ರೂ. 3,828.00 ಕ್ಕೆ ಆರಂಭವಾಗಿದ್ದು, ರೂ 14 ರಷ್ಟು ಇಳಿಕೆಯಾಗಿದೆ. ನೆಸ್ಲೆ ಷೇರುಗಳು ರೂ. 56 ರಷ್ಟು ಇಳಿಕೆಯಾಗಿ ರೂ .20,211.00 ಕ್ಕೆ ಆರಂಭವಾಯಿತು.

ಷೇರು ಮಾರುಕಟ್ಟೆಯಿಂದ ಷೇರುಗಳನ್ನು ಖರೀದಿಸುವುದು ಹೇಗೆ?

ಯಾರಾದರೂ ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುವ ಬಯಕೆ ಹೊಂದಿದ್ದರೆ, ನಂತರ ಅವರು ಮೊದಲು ಸ್ಟಾಕ್ ಬ್ರೋಕರ್‌ನೊಂದಿಗೆ ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಬೇಕು. ಷೇರುಗಳನ್ನು ನೇರವಾಗಿ ಷೇರು ವಿನಿಮಯ ಕೇಂದ್ರದಿಂದ ಖರೀದಿಸಲು ಸಾಧ್ಯವಿಲ್ಲ. ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಲು ಪ್ಯಾನ್, ಆಧಾರ್ ಮತ್ತು ಬ್ಯಾಂಕ್ ಖಾತೆ ಅಗತ್ಯವಿದೆ. ನೀವು ಈ ದಾಖಲೆಗಳನ್ನು ಹೊಂದಿದ್ದರೆ, ನೀವು ಸುಲಭವಾಗಿ ಬ್ರೋಕರ್‌ನೊಂದಿಗೆ ಖಾತೆಯನ್ನು ತೆರೆಯಬಹುದು ಮತ್ತು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಪ್ರಾರಂಭಿಸಬಹುದು.

ದಿನದ ವಹಿವಾಟು ಅಂತ್ಯಕ್ಕೆ

ದಿನದ ವಹಿವಾಟು ಅಂತ್ಯದಲ್ಲಿ ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ ಹೊಸ ದಾಖಲೆ ಬರೆದಿದ್ದು, 58,000 ಗಡಿದಾಟಿದೆ. ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ ಕೂಡ 17,300 ಪಾಯಿಂಟ್ಸ್ ತಲುಪಿದೆ. ದಿನದ ವಹಿವಾಟು ಅಂತ್ಯಕ್ಕೆ 1657 ಷೇರುಗಳು ಏರಿಕೆಗೊಂಡರೆ, 1589 ಷೇರುಗಳು ಕುಸಿದವು, 165 ಷೇರುಗಳ ಮೌಲ್ಯದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.

ವಿಪ್ರೋ, ಎಚ್‌ಸಿಎಲ್ ಟೆಕ್ನಾಲಜೀಸ್, ಇನ್ಫೋಸಿಸ್, ರಿಲಯನ್ಸ್ ಇಂಡಸ್ಟ್ರೀಸ್ ಮತ್ತು ಹಿಂಡಾಲ್ಕೊ ಇಂಡಸ್ಟ್ರೀಸ್ ನಿಫ್ಟಿಯಲ್ಲಿ ಏರಿಕೆಗೊಂಡ ಷೇರುಗಳಾಗಿವೆ. ಐಒಸಿ, ಇಂಡಸ್‌ಇಂಡ್ ಬ್ಯಾಂಕ್, ಒಎನ್‌ಜಿಸಿ, ಬ್ರಿಟಾನಿಯಾ ಇಂಡಸ್ಟ್ರೀಸ್ ಮತ್ತು ಕೊಟಕ್ ಮಹೀಂದ್ರಾ ಬ್ಯಾಂಕ್ ನಷ್ಟ ಅನುಭವಿಸಿದವು. ಐಟಿ ಮತ್ತು ರಿಯಾಲ್ಟಿ ಸೂಚ್ಯಂಕಗಳು ಶೇಕಡಾ 1 ರಿಂದ 3ರಷ್ಟು ಏರಿಕೆಯಾಗಿದ್ದು, ಬ್ಯಾಂಕ್, ವಿದ್ಯುತ್ ಮತ್ತು ತೈಲ ಮತ್ತು ಅನಿಲ ಸ್ಟಾಕ್‌ಗಳಲ್ಲಿ ಮಾರಾಟವು ಕಂಡುಬಂದಿದೆ.