ಸೆನ್ಸೆಕ್ಸ್ 262 ಪಾಯಿಂಟ್ಸ್ ಏರಿಕೆ: ನಿಫ್ಟಿ 68 ಪಾಯಿಂಟ್ಸ್ ಹೆಚ್ಚಳ
ಜಾಗತಿಕ ಸಕಾರಾತ್ಮಕ ಸೂಚನೆಗಳ ಹಿನ್ನಲೆಯಲ್ಲಿ ಭಾರತೀಯ ಷೇರುಪೇಟೆಯು ಸೋಮವಾರ ಏರಿಕೆ ದಾಖಲಿಸಿದೆ. ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ 262 ಪಾಯಿಂಟ್ಸ್ ಏರಿಕೆಗೊಂಡರೆ, ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ 68 ಪಾಯಿಂಟ್ಸ್ ಹೆಚ್ಚಳಗೊಂಡಿದೆ.
ಬೆಳಿಗ್ಗೆ 9.45ರ ಸುಮಾರಿಗೆ ಬಿಎಸ್ಇ ಸೂಚ್ಯಂಕ ಸೆನ್ಸೆಕ್ಸ್ ಶೇಕಡಾ 0.48ರಷ್ಟು ಅಥವಾ 262.03 ಪಾಯಿಂಟ್ಸ್ ಏರಿಕೆಗೊಂಡು 54539 ಪಾಯಿಂಟ್ಸ್ ತಲುಪಿದೆ. ಎನ್ಎಸ್ಇ ಸೂಚ್ಯಂಕ ನಿಫ್ಟಿ ಶೇಕಡಾ 0.43ರಷ್ಟು ಅಥವಾ 68 ಪಾಯಿಂಟ್ಸ್ ಹೆಚ್ಚಾಗಿ 16305.65 ಪಾಯಿಂಟ್ಸ್ ತಲುಪಿದೆ.
ಬಿಎಸ್ಇನಲ್ಲಿ 1,747 ಕಂಪನಿಗಳಲ್ಲಿ ವಹಿವಾಟು ಆರಂಭವಾಯಿತು, ಅದರಲ್ಲಿ ಸುಮಾರು 1,167 ಷೇರುಗಳು ಏರಿಕೆಗೊಂಡರೆ, 460 ಷೇರುಗಳು ಕುಸಿದವು. ಅದೇ ಸಮಯದಲ್ಲಿ, 120 ಕಂಪನಿಗಳ ಷೇರು ಮೌಲ್ಯ ಯಾವುದೇ ಬದಲಾವಣೆಗೊಂಡಿಲ್ಲ.
ಏರಿಕೆಗೊಂಡ ಷೇರುಗಳು
ಟೆಕ್ ಮಹೀಂದ್ರಾ ಷೇರುಗಳು 23 ರೂಪಾಯಿ ಏರಿಕೆಗೊಂಡು 1,287.90 ರೂಪಾಯಿಗೆ ತಲುಪಿದೆ. ದೇವಿ ಲ್ಯಾಬ್ಸ್ ನ ಷೇರುಗಳು 47 ರೂಪಾಯಿ ಏರಿಕೆಯಾಗಿ 4,962.75 ಕ್ಕೆ ಪ್ರಾರಂಭವಾಯಿತು. ಎಸ್ಬಿಐನ ಷೇರುಗಳು 439.40 ರೂಪಾಯಿಗೆ ಆರಂಭವಾಗಿದ್ದು, ಮಹೀಂದ್ರಾ & ಮಹೀಂದ್ರಾ ಷೇರು 764.00 ರೂಪಾಯಿಗೆ ಆರಂಭವಾಯಿತು. ಬಜಾಜ್ ಫೈನಾನ್ಸ್ ಷೇರುಗಳು 33.ರೂ. 19,06,806.80 ಕ್ಕೆ ಪ್ರಾರಂಭವಾದವು.
ಇಳಿಕೆಗೊಂಡ ಷೇರುಗಳು
ಒಎನ್ ಜಿಸಿ ಷೇರುಗಳು 115.70 ರೂಪಾಯಿಗೆ ಆರಂಭವಾಗಿದ್ದು, ಕೋಟಕ್ ಮಹೀಂದ್ರಾ ಷೇರು ಸುಮಾರು ರೂ 7 ರಷ್ಟು ಇಳಿಕೆಯಾಗಿ ರೂ 1,770.65 ಕ್ಕೆ ಪ್ರಾರಂಭವಾಯಿತು. ಹಿಂಡಾಲ್ಕೊ ಷೇರು ರೂ. 438.30 ಕ್ಕೆ ಆರಂಭವಾಯಿತು. ಎಸ್ಬಿಐ ಲೈಫ್ನ ಷೇರುಗಳು ಸುಮಾರು 4 ರೂಪಾಯಿಗಳಷ್ಟು ಕಡಿಮೆಯಾಗಿ 1,147.20 ರೂಪಾಯಿಗೆ ಪ್ರಾರಂಭವಾದವು. ಎಚ್ಸಿಎಲ್ ಟೆಕ್ನ ಷೇರುಗಳು 1.40 ರೂಪಾಯಿ 1048.65 ಪಾಯಿಂಟ್ಸ್ ಇಳಿಕೆಯಾಗಿದೆ.
ಎಲ್ಪಿಸಿಎ ಲ್ಯಾಬೋರೇಟರಿಸ್
ಬ್ರೋಕಿಂಗ್ ಹೌಸ್ CLSA ರೇಟಿಂಗ್ ಅನ್ನು ಮಾರಾಟದಿಂದ ಮೀರಿಸುವಂತೆ ಅಪ್ಡೇಟ್ ಮಾಡಿದೆ ಮತ್ತು ಪ್ರತಿ ಷೇರಿಗೆ ಟಾರ್ಗೆಟ್ 2,400 ರೂಪಾಯಿಗೆ ಹೆಚ್ಚಿಸಿದೆ.
ಮೊದಲ ತ್ರೈಮಾಸಿಕ ಫಲಿತಾಂಶಗಳು ಮುನ್ಸೂಚನೆಗಿಂತ ಹೆಚ್ಚಿದ್ದು, ಎಲ್ಲಾ ವ್ಯಾಪಾರ ವಿಭಾಗಗಳು ನಿರೀಕ್ಷೆಗಿಂತ ಹೆಚ್ಚಿಗೆ ಬಂದಿವೆ ಎಂದು CLSA ಹೇಳಿದೆ. ಆದಾಗ್ಯೂ, ಕಂಪನಿಯ 9-10% ವರ್ಷದಿಂದ ವರ್ಷದ ಆದಾಯದ ಬೆಳವಣಿಗೆ ಮತ್ತು ಹಣಕಾಸು ವರ್ಷ 2021-22ರ ಮಾರ್ಜಿನ್ 25% ಗುರಿಯನ್ನು ಹೆಚ್ಚಿಸಿದೆ.
ಇನ್ನು ದೇಶೀಯ ಇಕ್ವಿಟಿ ಮಾರುಕಟ್ಟೆಯಲ್ಲಿ ಕೊಳ್ಳುವಿಕೆಯ ನಡುವೆ ಭಾರತೀಯ ರೂಪಾಯಿ ಶುಕ್ರವಾರದ ಮುಕ್ತಾಯದ 74.15 ಕ್ಕೆ ಹೋಲಿಸಿದರೆ, ಸೋಮವಾರ ಡಾಲರ್ಗೆ 74.22 ಕ್ಕೆ ಇಳಿಕೆಯಾಗಿದೆ.
ದಿನದ ವಹಿವಾಟು ಅಂತ್ಯಕ್ಕೆ
ದಿನದ ವಹಿವಾಟು ಅಂತ್ಯಕ್ಕೆ ಸೆನ್ಸೆಕ್ಸ್ 125.13 ಪಾಯಿಂಟ್ಸ್ ಅಥವಾ ಶೇಕಡಾ 0.23ರಷ್ಟು ಏರಿಕೆಗೊಂಡು 54,402.85 ಪಾಯಿಂಟ್ಸ್ ತಲುಪಿದ್ದು, ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ 20.10 ಪಾಯಿಂಟ್ಸ್ ಅಥವಾ ಶೇಕಡಾ 0.12ರಷ್ಟು ಹೆಚ್ಚಾಗಿ 16258.30 ಪಾಯಿಂಟ್ಸ್ ಮುಟ್ಟಿದೆ.
ದಿನದ ವಹಿವಾಟು ಅಂತ್ಯದಲ್ಲಿ 1141 ಷೇರುಗಳು ಏರಿಕೆಗೊಂಡರೆ, 1951 ಷೇರುಗಳು ಕುಸಿದವು ಮತ್ತು 103 ಷೇರುಗಳ ಮೌಲ್ಯದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.
ಎಂ & ಎಂ, ಟೆಕ್ ಮಹೀಂದ್ರ, ಆಕ್ಸಿಸ್ ಬ್ಯಾಂಕ್, ಬಜಾಜ್ ಫಿನ್ಸರ್ವ್ ಮತ್ತು ಇಂಡಸ್ಇಂಡ್ ಬ್ಯಾಂಕ್ ನಿಫ್ಟಿಯಲ್ಲಿ ಅಗ್ರಸ್ಥಾನಗಳಿಕೆಯ ಷೇರುಗಳಾಗಿದ್ದು, ಟಾಟಾ ಕನ್ಸ್ಯೂಮರ್ ಪ್ರಾಡಕ್ಟ್ಸ್, ಕೋಲ್ ಇಂಡಿಯಾ, ಅದಾನಿ ಪೋರ್ಟ್ಸ್, ಎಸ್ಬಿಐ ಲೈಫ್ ಇನ್ಶೂರೆನ್ಸ್ ಮತ್ತು ಭಾರ್ತಿ ಏರ್ಟೆಲ್ ಹೆಚ್ಚು ಕುಸಿತಕ್ಕೊಳಗಾಗಿದ್ದ ಷೇರುಗಳಾಗಿವೆ. ಇದರ ನಡುವೆ ದೇಶೀಯ ಇಕ್ವಿಟಿ ಮಾರುಕಟ್ಟೆಯಲ್ಲಿ ಖರೀದಿಯ ಮಧ್ಯೆ ಭಾರತೀಯ ರೂಪಾಯಿ ಪ್ರತಿ ಡಾಲರ್ಗೆ 74.26 ಕ್ಕೆ ಇಳಿದಿದೆ.