ಷೇರುಪೇಟೆ ಭರ್ಜರಿ ಆರಂಭ: ಸೆನ್ಸೆಕ್ಸ್ 445 ಪಾಯಿಂಟ್ಸ್ ಜಿಗಿತ

ಜಾಗತಿಕ ಮಿಶ್ರ ಸೂಚನೆಗಳ ಹಿನ್ನೆಲೆಯಲ್ಲಿ ಭಾರತದ ಷೇರುಪೇಟೆ ಸೋಮವಾರ ಭರ್ಜರಿ ಆರಂಭವನ್ನು ಪಡೆದಿದೆ. ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ 445 ಪಾಯಿಂಟ್ಸ್ ಜಿಗಿತಗೊಂಡಿದೆ. ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ 120 ಪಾಯಿಂಟ್ಸ್ ಏರಿಕೆಗೊಂಡಿದೆ

ಬೆಳಿಗ್ಗೆ 9.40ರ ಸುಮಾರಿಗೆ ಬಿಎಸ್‌ಇ ಸೂಚ್ಯಂಕ ಸೆನ್ಸೆಕ್ಸ್ ಶೇಕಡಾ 0.76ರಷ್ಟು ಅಥವಾ 445 ಪಾಯಿಂಟ್ಸ್ ಏರಿಕೆಗೊಂಡು 59211.43 ಪಾಯಿಂಟ್ಸ್ ತಲುಪಿದೆ. ಎನ್‌ಎಸ್‌ಇ ಸೂಚ್ಯಂಕ ನಿಫ್ಟಿ 119.1 ಪಾಯಿಂಟ್ಸ್ ಅಥವಾ ಶೇಕಡಾ 0.68ರಷ್ಟು ಹೆಚ್ಚಾಗಿ 17651.15 ಪಾಯಿಂಟ್ಸ್ ತಲುಪಿದೆ.

ದಿನದ ವಹಿವಾಟಿನ ಆರಂಭದಲ್ಲಿ 1516 ಷೇರುಗಳು ಏರಿಕೆಗೊಂಡರೆ, 339 ಷೇರುಗಳು ಕುಸಿದವು ಮತ್ತು 133 ಷೇರುಗಳ ಮೌಲ್ಯದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.

ಏರಿಕೆಗೊಂಡ ಪ್ರಮುಖ ಷೇರುಗಳು:

ದೇವಿ ಲ್ಯಾಬ್‌ನ ಷೇರು 208 ರೂಪಾಯಿಗಳಷ್ಟು ಏರಿಕೆಯೊಂದಿಗೆ 5,040.10 ರೂಪಾಯಿಗೆ ಆರಂಭವಾಯಿತು. ಎನ್‌ಟಿಪಿಸಿಯ ಷೇರು ರೂ. 142.65 ರಲ್ಲಿ ಆರಂಭವಾಗಿದೆ. ಎಚ್‌ಡಿಎಫ್‌ಸಿ ಷೇರುಗಳು ರೂ .2,749.85 ರಲ್ಲಿ ಆರಂಭವಾಗಿದ್ದು, ರೂ. 38 ರಷ್ಟು ಹೆಚ್ಚಾಗಿದೆ. ಕೋಲ್ ಇಂಡಿಯಾದ ಷೇರು ಸುಮಾರು 3 ರೂ ಗಳಿಕೆಯೊಂದಿಗೆ 191.20 ರೂ.ನಲ್ಲಿ ಆರಂಭವಾಯಿತು. ಬಜಾಜ್ ಫಿನ್‌ಸರ್ವ್‌ನ ಷೇರುಗಳು ರೂ. 222 ರಷ್ಟು ಏರಿಕೆಯಾಗಿ ರೂ 17,400.00 ಮಟ್ಟದಲ್ಲಿ ಪ್ರಾರಂಭವಾಯಿತು.

ಇಳಿಕೆಗೊಂಡ ಪ್ರಮುಖ ಷೇರುಗಳು:

ಗ್ರೇಸಿಯಂ ಷೇರುಗಳು ರೂ. 1,646.00 ಕ್ಕೆ ಪ್ರಾರಂಭವಾಯಿತು, ಸುಮಾರು 31 ರೂಪಾಯಿ ಇಳಿಕೆಯಾಗಿದೆ. ಐಷರ್ ಮೋಟಾರ್ಸ್ ನ ಷೇರುಗಳು 737 ರೂಪಾಯಿ ಕಡಿಮೆಯಾಗಿ ರೂ .2,737.85 ಕ್ಕೆ ಆರಂಭವಾಯಿತು. ನೆಸ್ಲೆ ಷೇರುಗಳು ರೂ 115 ರಷ್ಟು ಇಳಿಕೆಯಾಗಿ ರೂ 19,434.80 ಕ್ಕೆ ಪ್ರಾರಂಭವಾಯಿತು. ಟೈಟಾನ್ ಕಂಪನಿಯ ಷೇರುಗಳು ರೂ 12 ರಷ್ಟು ಕುಸಿದು ರೂ 2,151.60 ಕ್ಕೆ ಪ್ರಾರಂಭವಾಯಿತು. ಲಾರ್ಸೆನ್‌ನ ಷೇರುಗಳು ರೂ .1,685.80 ಕ್ಕೆ ಪ್ರಾರಂಭವಾಗಿ, ಸುಮಾರು 11 ರೂಪಾಯಿಗಳಷ್ಟು ಕಡಿಮೆಯಾಗಿದೆ.

ಷೇರು ಖರೀದಿಸುವುದು ಹೇಗೆ?

ನಿಮಗೆ ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುವ ಬಯಕೆ ಇದ್ದರೆ, ಮೊದಲು ಸ್ಟಾಕ್ ಬ್ರೋಕರ್‌ನೊಂದಿಗೆ ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಬೇಕು. ಷೇರುಗಳನ್ನು ನೇರವಾಗಿ ಷೇರು ವಿನಿಮಯ ಕೇಂದ್ರದಿಂದ ಖರೀದಿಸಲು ಸಾಧ್ಯವಿಲ್ಲ. ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಲು ಪ್ಯಾನ್, ಆಧಾರ್ ಮತ್ತು ಬ್ಯಾಂಕ್ ಖಾತೆ ಅಗತ್ಯವಿದೆ. ನೀವು ಈ ದಾಖಲೆಗಳನ್ನು ಹೊಂದಿದ್ದರೆ, ನೀವು ಸುಲಭವಾಗಿ ಬ್ರೋಕರ್‌ನೊಂದಿಗೆ ಖಾತೆಯನ್ನು ತೆರೆಯಬಹುದು ಮತ್ತು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಪ್ರಾರಂಭಿಸಬಹುದು.

ಡಾಲರ್ ಎದುರು ರೂಪಾಯಿ

ವಿದೇಶಿ ವಿನಿಮಯ ಮಾರುಕಟ್ಟೆಯಲ್ಲಿ ಡಾಲರ್ ಎದುರು ರೂಪಾಯಿ ಇಂದು ದುರ್ಬಲತೆಯಿಂದ ಆರಂಭವಾಯಿತು. ಇಂದು ಡಾಲರ್ ಎದುರು ರೂಪಾಯಿ 5 ಪೈಸೆ ದೌರ್ಬಲ್ಯದೊಂದಿಗೆ 74.17 ರೂ. ಆರಂಭಗೊಂಡಿದೆ. ಅದೇ ಸಮಯದಲ್ಲಿ, ರೂಪಾಯಿ ಶುಕ್ರವಾರ ಡಾಲರ್ ಎದುರು 11 ಪೈಸೆ ಬಲದೊಂದಿಗೆ ರೂ 74.12 ಕ್ಕೆ ಕೊನೆಗೊಂಡಿತು. ಡಾಲರ್‌ಗಳ ವಹಿವಾಟನ್ನು ಬಹಳ ಬುದ್ಧಿವಂತಿಕೆಯಿಂದ ಮಾಡಬೇಕಾಗಿದೆ, ಇಲ್ಲದಿದ್ದರೆ ಹೂಡಿಕೆಯು ತೊಂದರೆಗೊಳಗಾಗಬಹುದು.

ಚಿನ್ನದ ಬೆಲೆ ಇಳಿಕೆ

ಇಂದು ಭಾರತೀಯ ಮಾರುಕಟ್ಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿಯ ದರಗಳು ಕಡಿಮೆಯಾಗಿವೆ. ಎಂಸಿಎಕ್ಸ್‌ನಲ್ಲಿ, ಚಿನ್ನದ ಫ್ಯೂಚರ್‌ಗಳು ಪ್ರತಿ 10 ಗ್ರಾಂಗೆ 46,543 ರೂಪಾಯಿನಷ್ಟಿದ್ದು, ಬೆಳ್ಳಿ ಫ್ಯೂಚರ್‌ಗಳು ಪ್ರತಿ ಕೆಜಿಗೆ, 60,530 ರಷ್ಟಿದೆ. ಹಿಂದಿನ ವಹಿವಾಟಿನಲ್ಲಿ, ಚಿನ್ನವು ಸ್ವಲ್ಪಮಟ್ಟಿಗೆ ಕಡಿಮೆಯಾಯಿತು ಮತ್ತು ಬೆಳ್ಳಿ 1.5%ನಷ್ಟು ಜಿಗಿದಿದೆ. ಜಾಗತಿಕ ಮಾರುಕಟ್ಟೆಗಳಲ್ಲಿ, ಎರಡು ಸೆಷನ್‌ಗಳ ನಷ್ಟದ ನಂತರ ಡಾಲರ್ ಸ್ಥಿರವಾಗಿದ್ದರಿಂದ ಚಿನ್ನವು ಔನ್ಸ್‌ಗೆ $ 1,759 ಕ್ಕೆ ಸ್ವಲ್ಪ ಕಡಿಮೆಯಾಗಿದೆ.

ಇತರ ಬೆಲೆಬಾಳುವ ಲೋಹಗಳ ಪೈಕಿ, ಬೆಳ್ಳಿ 0.1% ಇಳಿಕೆಯಾಗಿ ಔನ್ಸ್ 22.51 ಡಾಲರ್ ಗೆ ತಲುಪಿದೆ. ಆದರೆ ಪ್ಲಾಟಿನಂ 0.1% ಕುಸಿದು $ 971.22 ಕ್ಕೆ ತಲುಪಿದೆ.