10 ರು. ಶಿವ ಭೋಜನ್ ಗೆ ಪುಣೆಯಲ್ಲಿ ನೂಕುನುಗ್ಗಲು: ಥಾಲಿಯಲ್ಲಿ ಏನೇನಿದೆ?

ಭಾರೀ ಸಬ್ಸಿಡಿ ಜತೆ ಮಹಾರಾಷ್ಟ್ರ ಸರ್ಕಾರ ನೀಡುತ್ತಿರುವ 'ಶಿವ್ ಭೋಜನ್'ಗೆ ನೂಕುನುಗ್ಗಲು ಆಗುತ್ತಿದೆ. ಆಹಾರ ವಿತರಣೆ ಕೇಂದ್ರದಲ್ಲಿ ಜನರನ್ನು ನಿಯಂತ್ರಿಸಲು ಪೊಲೀಸರ ಸಹಾಯ ಪಡೆಯುವಂಥ ಸ್ಥಿತಿ ನಿರ್ಮಾಣವಾಗಿದೆ. ಹೇಗೆ ಸಿದ್ದರಾಮಯ್ಯ ಅವರ ಸರ್ಕಾರದ ಅವಧಿಯಲ್ಲಿ ಇಂದಿರಾ ಕ್ಯಾಂಟೀನ್ ಆರಂಭಿಸಿ, ಕಡಿಮೆ ದರದಲ್ಲಿ ಆಹಾರ ವಿತರಿಸಲು ಆರಂಭಿಸಲಾಯಿತೋ ಅದೇ ರೀತಿ ಮಹಾರಾಷ್ಟ್ರದಲ್ಲಿ 'ಶಿವ್ ಭೋಜನ್' ಶುರು ಮಾಡಲಾಗಿದೆ.

ಮಧ್ಯಾಹ್ನ ಹನ್ನೆರಡರಿಂದ ಎರಡು ಗಂಟೆಯ ಮಧ್ಯೆ ಒಂದು ಪ್ಲೇಟ್ ಗೆ ಹತ್ತು ರುಪಾಯಿಯಂತೆ ವಿತರಿಸಲಾಗುತ್ತದೆ. ಈ ಅವಧಿಯಲ್ಲಿ ಏಕಕಾಲಕ್ಕೆ ಐನೂರು ಮಂದಿ ಬಂದಿದ್ದರಿಂದ ಪರಿಸ್ಥಿತಿ ನಿಭಾಯಿಸಲು ಪೊಲೀಸರ ನೆರವು ಪಡೆಯಲಾಯಿತು ಎಂದು ತಿಳಿಸಲಾಗಿದೆ. ಈ ಯೋಜನೆಯನ್ನು ಶಿವಸೇನಾ ನೇತೃತ್ವದ ಮೈತ್ರಿ ಸರ್ಕಾರವು ಬಡವರಿಗಾಗಿಯೇ ಪರಿಚಯಿಸಿದ್ದು, ಜನವರಿ ಇಪ್ಪತ್ತಾರನೇ ತಾರೀಕಿನಿಂದ ಪ್ರಯೋಗಾರ್ಥವಾಗಿ ಯೋಜನೆ ಜಾರಿಗೆ ಬಂದಿದೆ.

ವಿದೇಶಕ್ಕೂ ರಫ್ತಾಗುವ ಕೋವಿಲ್ ಪಟ್ಟಿ 'ಕಡಲೈ ಮಿಠಾಯ್' ಬಗ್ಗೆ ಏನು ಗೊತ್ತು?

ಹತ್ತು ರುಪಾಯಿಯ ಥಾಲಿಯಲ್ಲಿ ಎರಡು ಚಪಾತಿ, ಪಲ್ಯ, ಅನ್ನ ಮತ್ತು ದಾಲ್ ನೀಡಲಾಗುತ್ತದೆ. ಪುಣೆಯ ಎಪಿಎಂಸಿ ಬಳಿ ಇರುವ ವಿತರಣೆ ಕೇಂದ್ರದಲ್ಲಿ ಜನರು ವಿಪರೀತವಾಗಿ, ಕೊನೆಗೆ ಮೂವರು ಪೊಲೀಸರು ಬಂದು, ಸರತಿಯಲ್ಲಿ ಜನರು ನಿಂತು ಆಹಾರ ಪಡೆಯುವಂತೆ ಮಾಡಲು ಹರಸಾಹಸ ಪಟ್ಟಿದ್ದಾರೆ.