ಸ್ನ್ಯಾಪ್ ಡೀಲ್ ನಿಂದ ಅಕ್ಟೋಬರ್ 16ರಿಂದ 20ರ ತನಕ ಹಬ್ಬದ ಸೀಸನ್ ಮಾರಾಟ

ಖರ್ಚಿಗೆ ಹೆಚ್ಚಿನ ಮೌಲ್ಯ ಸಿಗಲಿದೆ

ದೀಪಾವಳಿ ಖರೀದಿಗೆ ಏನು ಬೇಕೋ ಅದರ ಕಡೆಗೆ ಸ್ನ್ಯಾಪ್ ಡೀಲ್ ಗಮನ ಹರಿಸಲಿದೆ. ಈ ಹಬ್ಬದ ಕೊಡುಗೆಯಾಗಿ ನಮ್ಮ ಮಾರಾಟಗಾರರು ಸಹ ಹಲವು ಡೀಲ್ ಗಳನ್ನು ನೀಡುತ್ತಿದ್ದು, ಗ್ರಾಹಕರು ಮಾಡುವ ಖರ್ಚಿಗೆ ಹೆಚ್ಚಿನ ಮೌಲ್ಯ ಸಿಗಲಿದೆ ಎಂದು ಸ್ನ್ಯಾಪ್ ಡೀಲ್ ನಿಂದ ಹೇಳಿಕೊಳ್ಳಲಾಗಿದೆ.

ಹಬ್ಬಕ್ಕೆ ತಕ್ಕಂತೆ ವಿಷಯಾಧಾರಿತ ಮಾರಾಟ

ನವರಾತ್ರಿ, ಕರ್ವ ಚೌತ್. ಧನ್ ತೆರಾಸ್ ಮತ್ತಿತರ ಸಂದರ್ಭಗಳಿಗೆ ಅನುಗುಣವಾಗಿ ನಿರ್ದಿಷ್ಟ ವಿಷಯಾಧಾರಿತ ಇ ಸ್ಟೋರ್ಸ್ ಗಳನ್ನು ಆರಂಭಿಸಲಾಗುಬುದು ಹಾಗು ಇದರಿಂದ ಹಬ್ಬದ ಶಾಪಿಂಗ್ ಗೆ ಅನುಕೂಲ ಆಗಲಿದೆ. ಇನ್ನು ಸಾಗಣೆ ಜಾಲವನ್ನು ಸಹ ವಿಸ್ತರಿಸಿದ್ದು, ಇಪ್ಪತ್ತೈದು ಹೊಸ ಕೇಂದ್ರಗಳನ್ನು ಸೇರ್ಪಡೆ ಮಾಡಿಕೊಳ್ಳಲಾಗಿದೆ. ಮುಂದಿನ ವಾರಗಳಲ್ಲಿ ಇನ್ನಷ್ಟು ಸೇರಿಸಿಕೊಳ್ಳುವ ಯೋಜನೆ ಇದೆ ಎಂದು ಹೇಳಿದೆ.

ಸಾಮರ್ಥ್ಯ ವಿಸ್ತರಣೆಗೆ ಹೂಡಿಕೆ

ಹಬ್ಬಗಳ ಋತುವಿನಲ್ಲಿ ಇ ಕಾಮರ್ಸ್ ಕಂಪೆನಿಗಳಿಗೆ ದೊಡ್ಡ ಮಟ್ಟದಲ್ಲಿ ವ್ಯವಹಾರಗಳು ಬರುತ್ತಿವೆ. ತಮ್ಮ ಸಾಮರ್ಥ್ಯ ಹೆಚ್ಚಿಸಿಕೊಳ್ಳುವುದಕ್ಕೆ ಮಹತ್ತರವಾದ ಹೂಡಿಕೆ ಸಹ ಮಾಡುತ್ತಿವೆ. ದಸರಾ, ದೀಪಾವಳಿ ಸಂದರ್ಭದಲ್ಲಿ ಇ ಕಾಮರ್ಸ್ ಕಂಪೆನಿಗಳು ಹಲವು ಮಾರಾಟ ಮೇಳಗಳನ್ನು ಆಯೋಜಿಸುತ್ತಿವೆ.

700 ಕೋಟಿ ಅಮೆರಿಕನ್ ಡಾಲರ್ ವ್ಯವಹಾರದ ನಿರೀಕ್ಷೆ

ಎಲೆಕ್ಟ್ರಾನಿಕ್ಸ್, ಫ್ಯಾಷನ್, ಮನೆ ಪೀಠೋಪಕರ ಇನ್ನೂ ಕೆಲ ವಿಭಾಗದ ಉತ್ಪನ್ನಗಳಿಗೆ ಹಬ್ಬದ ಋತುವಿನಲ್ಲಿ ಭಾರೀ ಬೇಡಿಕೆ ಹೆಚ್ಚಾಗಲಿದೆ. ಒಂದು ಅಂದಾಜಿನ ಪ್ರಕಾರ, ಈ ಬಾರಿ ಹಬ್ಬದ ಸೀಸನ್ ನಲ್ಲಿ 700 ಕೋಟಿ ಅಮೆರಿಕನ್ ಡಾಲರ್ ವ್ಯವಹಾರ ಆಗುವ ನಿರೀಕ್ಷೆ ಇದೆ. ಕಳೆದ ಬಾರಿ ಇದು 380 ಕೋಟಿ ಅಮೆರಿಕನ್ ಡಾಲರ್ ಆಗಿತ್ತು. ಇದನ್ನು ಗ್ರಾಸ್ ಮರ್ಕಂಡೈಸ್ ವ್ಯಾಲ್ಯೂ (GMV) ಎನ್ನಲಾಗುತ್ತದೆ.