ಸಾರ್ವಕಾಲಿಕ ಎತ್ತರಕ್ಕೆ ಏರಿ ಹೊಸ ದಾಖಲೆ ಬರೆದ ಸೆನ್ಸೆಕ್ಸ್, ನಿಫ್ಟಿ

ಯುಎಸ್ ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೆಮಾಕ್ರಟ್ ಅಭ್ಯರ್ಥಿ ಜೋ ಬೈಡೆನ್ ಗೆಲುವು ಖಾತ್ರಿಯಾಗಿ, ಫಲಿತಾಂಶ ಸ್ಪಷ್ಟವಾದ ಹಿನ್ನೆಲೆಯಲ್ಲಿ ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ಸೋಮವಾರ (ನವೆಂಬರ್ 9, 2020) ಹೊಸ ದಾಖಲೆಯನ್ನು ಬರೆದವು.

ನಿಫ್ಟಿಯು ಈ ಹಿಂದಿನ ಸಾರ್ವಕಾಲಿಕ ದಾಖಲೆಯನ್ನು ಮೀರಿ, 180.15 ಪಾಯಿಂಟ್ ಗಳ ಏರಿಕೆ ಕಂಡು, 12443.70 ಪಾಯಿಂಟ್ ತಲುಪಿತು. ಇನ್ನು ಸೆನ್ಸೆಕ್ಸ್ 649.22 ಪಾಯಿಂಟ್ ಗಳ ಹೆಚ್ಚಳ ದಾಖಲಿಸಿ, 42542.28 ಪಾಯಿಂಟ್ ನಲ್ಲಿ ವ್ಯವಹಾರವನ್ನು ನಡೆಸುತ್ತಿದೆ. ಏಷ್ಯಾದ ಇತರ ಷೇರು ಮಾರುಕಟ್ಟೆಗಳಾದ ಜಪಾನ್ ನಿಕೈ, ಕೊರಿಯಾದ ಕೊಸ್ಪಿ, ಹಾಂಕಾಂಗ್ ಹ್ಯಾಂಗ್ ಸೆಂಗ್ ಏರಿಕೆ ದಾಖಲಿಸಿವೆ.

ಈ ದಿನ ಸಾರ್ವಕಾಲಿಕ ದಾಖಲೆಗೆ ಸೂಚ್ಯಂಕಗಳು ಏರುವ ಬಗ್ಗೆ ಬಹಳ ಮುಂಚೆಯೇ ನಿರೀಕ್ಷೆಗಳಿದ್ದವು. ಇನ್ನು ಲಕ್ಷ್ಮೀವಿಲಾಸ್ ಬ್ಯಾಂಕ್ ಷೇರು ಎಂಟು ಪರ್ಸೆಂಟ್ ಇಳಿಕೆ ಕಂಡಿದೆ. ಭಾರತದ ಅತಿ ದೊಡ್ಡ ಫಾರ್ಮಾ ಐಪಿಒ ಗ್ಲಾಂಡ್ ಪಾರ್ಮಾದಿಂದ ಸಬ್ ಸ್ಕ್ರಿಪ್ಷನ್ ಗೆ ಆರಂಭವಾಗಿದೆ. ಆರುಸಾವಿರದ ನಾನೂರು ಕೋಟಿ ರುಪಾಯಿಗೂ ಹೆಚ್ಚು ಹಣ ಸಂಗ್ರಹಿಸುವ ಗುರಿ ಇದೆ.