ಟಾಟಾ ಮೋಟಾರ್ಸ್ ನಿಂದ ನೆಕ್ಸಾನ್ ಎಲೆಕ್ಟ್ರಿಕ್ ವಾಹನ; ಒಂದು ಚಾರ್ಜ್ ಗೆ 300 ಕಿ.ಮೀ.

ಟಾಟಾ ಮೋಟಾರ್ಸ್ ನಿಂದ ಗುರುವಾರ ಮೊದಲ ಎಲೆಕ್ಟ್ರಿಕ್ ಎಸ್ ಯುವಿ ನೆಕ್ಸಾನ್ ಇವಿ ಅನ್ನು ಗುರುವಾರ ಪ್ರದರ್ಶಿಸಲಾಗಿದೆ. ಮುಂದಿನ ಕೆಲ ವಾರಗಳೊಳಗೆ ವಾಣಿಜ್ಯವಾಗಿ ಕೂಡ ಬಿಡುಗಡೆ ಮಾಡಲಾಗುತ್ತದೆ. ಎಸ್ ಯುವಿ ನೆಕ್ಸಾನ್ ಮೊದಲ ಎಲೆಕ್ಟ್ರಿಕ್ ವಾಹನವಾಗಿದ್ದು, ಝಿಪ್ಟ್ರಾನ್ ತಂತ್ರಜ್ಞಾನವನ್ನು ಹೊಂದಿದೆ.

ಒಮ್ಮೆ ಚಾರ್ಜ್ ಮಾಡಿದರೆ 300 ಕಿ.ಮೀ.ಗೆ ಕಡಿಮೆ ಇಲ್ಲದಂತೆ ಚಲಿಸುತ್ತದೆ. 9.9 ಸೆಕೆಂಡ್ ಗಳಲ್ಲಿ 100 kmph ವೇಗವನ್ನು ತಲುಪುವ ಸಾಮರ್ಥ್ಯ ಹೊಂದಿದೆ. ಕಾರಿನ ಬುಕ್ಕಿಂಗ್ ಶುಕ್ರವಾರದಿಂದ ಆರಂಭವಾಗಲಿದೆ ಎಂದು ಕಂಪೆನಿಯು ಮಾಹಿತಿ ನೀಡಿದೆ. ಆದರೆ ಬೆಲೆ ಎಷ್ಟು ಅಥವಾ ಕಾರಿನ ಡೆಲಿವರಿ ದಿನಾಂಕವನ್ನು ತಿಳಿಸಿಲ್ಲ.

ಕಂಪೆನಿಯು ಕಾರಿನ ದರದ ಬಗ್ಗೆ ಮಾತನಾಡಿದ್ದು, ನೆಕ್ಸಾನ್ ನ ಎಎಂಟಿ ವರ್ಷನ್ ಗಿಂತ ಶೇಕಡಾ ಇಪ್ಪತ್ತರಷ್ಟು ಹೆಚ್ಚು ಬೆಲೆ ಆಗಬಹುದು ಎಂದಿದ್ದು, ಹದಿನೈದರಿಂದ ಹದಿನೈದು ಲಕ್ಷ ರುಪಾಯಿಗೆ ಬರಬಹುದು.

ಇನ್ನೇನು ಕೆಲವೇ ವಾರಗಳಲ್ಲಿ ಬಿಡುಗಡೆ ಆಗಲಿದೆ. ಹೊಸ ಎಲೆಕ್ಟ್ರಿಕ್ ವಾಹನವು ಮೂರು ವೇರಿಯಂಟ್ ಗಳಲ್ಲಿ ಬರಲಿದೆ. 8 ವರ್ಷಗಳು ಅಥವಾ 1,60,000 ಕಿ.ಮೀ. ಬ್ಯಾಟರಿ ಮತ್ತು ಮೋಟಾರ್ ವಾರಂಟಿ ನೀಡಲಿದೆ. ಇದು ಸದ್ಯಕ್ಕೆ ಕಾರು ಉತ್ಪಾದನಾ ಮಾರುಕಟ್ಟೆಯಲ್ಲೇ ಅತ್ಯಧಿಕ ವಾರಂಟಿ.