ಟಾಟಾ ಗ್ರೂಪ್‌ನ 2 ಷೇರುಗಳು ಹೂಡಿಕೆದಾರರ ಸಂಪತ್ತನ್ನ ಡಬಲ್ ಮಾಡಿದೆ!

ಕೊರೊನಾವೈರಸ್ ಹಾವಳಿಯಿಂದಾಗಿ ಇಡೀ ದೇಶದಲ್ಲಿ ಜನರು ವಿವಿಧ ರೀತಿಯಲ್ಲಿ ಸಾಕಷ್ಟು ನಷ್ಟವನ್ನು ಅನುಭವಿಸಿದ್ದಾರೆ. ಅನೇಕ ಕಂಪನಿಗಳು ಚೇತರಿಸಿಕೊಳ್ಳಲಾರದ ಮಟ್ಟವನ್ನು ತಲುಪಿವೆ. ಇನ್ನೂ ಕೆಲ ಕಂಪನಿಗಳು ಮುಂದುವರಿಯಲಾರದ ಪರಿಸ್ಥಿತಿಯಲ್ಲಿವೆ.

ಕೊರೊನಾ ಸಾಂಕ್ರಾಮಿಕದ ನಡುವೆ ಲಾಭಗಳಿಸಿದ ಅನೇಕ ಕಂಪನಿಗಳ ಉದಾಹರಣೆಯನ್ನು ನಾವು ನೋಡಬಹುದು. ಅಮೆರಿಕಾದಲ್ಲಿ ಅಮೆಜಾನ್, ಟೆಸ್ಲಾ ಕಂಪನಿಯು ವಿಶ್ವದಲ್ಲೇ ಅತಿ ಹೆಚ್ಚು ಲಾಭಗಳಿಸಿದವು. ಭಾರತದಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ನಂಬಲು ಸಾಧ್ಯವಾಗದಷ್ಟು ಹೂಡಿಕೆದಾರರನ್ನು ಸೆಳೆದು ಜಿಯೋ ಪ್ಲಾಟ್‌ಫಾರ್ಮ್‌ಗಳನ್ನು ಮತ್ತಷ್ಟು ಬಲಿಷ್ಠಗೊಳಿಸಿದೆ. ಇದೇ ರೀತಿಯಲ್ಲಿ ಭಾರತೀಯ ಷೇರುಪೇಟೆಯಲ್ಲಿ ಜಿಗಿದಿರುವ ಅದಾನಿ ಷೇರುಗಳು ಸಹ ಇವೆ. ಕುಸಿದಿರುವ ಅನೇಕ ಷೇರುಗಳು ಲೆಕ್ಕವೇ ಇಲ್ಲದಷ್ಟಿವೆ.

ಇದರ ನಡುವೆ ಟಾಟಾ ಗ್ರೂಪ್‌ ಎರಡು ಷೇರುಗಳು ಹೂಡಿಕೆದಾರರ ಸಂಪತ್ತನ್ನ ಒಂದು ವರ್ಷದಲ್ಲಿ ದ್ವಿಗುಣಗೊಳಿಸಿವೆ. ನೀವು ಆ ಎರಡು ಷೇರುಗಳ ಬಗ್ಗೆ ತಿಳಿಯಲು ಬಯಸಿದರೆ ನಿಮಗೆ ನಾವು ಮಾಹಿತಿ ನೀಡುತ್ತೇವೆ.

ಇವು ಟಾಟಾ ಸಮೂಹದ ದೊಡ್ಡ ಕಂಪನಿಗಳು ಮತ್ತು ಪ್ರಪಂಚದ ಹಲವು ದೇಶಗಳಲ್ಲಿ ವ್ಯಾಪಾರ ಮಾಡುತ್ತವೆ. ಈ ಉತ್ತಮ ಸ್ಟಾಕ್‌ಗಳ ಬಗ್ಗೆ ನೀವು ತಿಳಿದುಕೊಳ್ಳಲು ಬಯಸಿದರೆ, ಮೊದಲು ಆ ಕಂಪನಿಗಳ ಹೆಸರುಗಳನ್ನು ಮತ್ತು ನಂತರ ಅವರ ಆದಾಯವನ್ನು ತಿಳಿದುಕೊಳ್ಳಿ.

ಇವು ಟಾಟಾ ಸಮೂಹದ 2 ದೊಡ್ಡ ಕಂಪನಿಗಳು

ಟಾಟಾ ಸಮೂಹದ ಈ 2 ಕಂಪನಿಗಳಲ್ಲಿ ಮೊದಲ ಹೆಸರು ಟಾಟಾ ಕೆಮಿಕಲ್ಸ್ ಮತ್ತು ಎರಡನೇ ಹೆಸರು ಟಾಟಾ ಅಲೆಕ್ಸಿ ಆಗಿದೆ. ಈ ಕಂಪನಿಗಳು ಒಂದು ವರ್ಷದಲ್ಲಿ ಹೂಡಿಕೆದಾರರಿಗೆ ಉತ್ತಮ ಆದಾಯವನ್ನು ನೀಡಿವೆ. 1 ವರ್ಷದ ಹಿಂದೆ ಈ ಕಂಪನಿಗಳಲ್ಲಿ ಹೂಡಿಕೆ ಮಾಡಿದವರ ಹಣವು ದುಪ್ಪಟ್ಟಾಗಿದೆ. ಟಾಟಾ ಅಲೆಕ್ಸಿ ವಿನ್ಯಾಸ ಮತ್ತು ತಂತ್ರಜ್ಞಾನ ಸೇವೆಗಳನ್ನು ಒದಗಿಸುವುದಕ್ಕಾಗಿ ವಿಶ್ವದಾದ್ಯಂತ ಹೆಸರುವಾಸಿಯಾಗಿದ್ದರೆ, ಟಾಟಾ ಕೆಮಿಕಲ್ಸ್ ದೇಶ ಮತ್ತು ಪ್ರಪಂಚದಲ್ಲಿ ಪ್ರಸಿದ್ಧ ರಾಸಾಯನಿಕ ಕಂಪನಿಯಾಗಿದೆ.

ಟಾಟಾ ಅಲೆಕ್ಸಿ ಸ್ಟಾಕ್ ರಿಟರ್ನ್ ತಿಳಿಯಿರಿ

ಟಾಟಾ ಗ್ರೂಪ್ ಕಂಪನಿ ಟಾಟಾ ಅಲೆಕ್ಸಿ ಷೇರುಗಳು ಕಳೆದ ಒಂದು ವರ್ಷದಲ್ಲಿ ಉತ್ತಮ ಆದಾಯವನ್ನು ನೀಡಿವೆ. ಜನವರಿಯಿಂದ ಇಲ್ಲಿಯವರೆಗಿನ ಆದಾಯವನ್ನು ನೋಡಿದರೆ, ಕಂಪನಿಯು 130 ಪ್ರತಿಶತದಷ್ಟು ಆದಾಯವನ್ನು ನೀಡಿದೆ, ಆದರೆ ಕಳೆದ ಒಂದು ವರ್ಷದ ಆದಾಯವನ್ನು ನೋಡಿದರೆ, ಕಂಪನಿಯು ಸುಮಾರು 300 ಪ್ರತಿಶತದಷ್ಟು ಆದಾಯವನ್ನು ನೀಡಿದೆ.

ಟಾಟಾ ಅಲೆಕ್ಸಿ ಇತ್ತೀಚಿನ ದರ

13 ಆಗಸ್ಟ್ 2021 ರಂದು NSE ಯಲ್ಲಿ ಟಾಟಾ ಅಲೆಕ್ಸಿ ಷೇರುಗಳು 4322 ಕ್ಕೆ ಕೊನೆಗೊಂಡಿತು. ಹೀಗಾಗಿ, ಆಗಸ್ಟ್ 13 ರಂದು, ಈ ಸ್ಟಾಕ್ NSE ನಲ್ಲಿ 28.40 ರೂಪಾಯಿ ಗಳಿಸಿತು. ಅದೇ ಸಮಯದಲ್ಲಿ, NSE ಯಲ್ಲಿ ಅದರ ಒಂದು ವರ್ಷದ ಕನಿಷ್ಠ 932.55 ಮತ್ತು ಗರಿಷ್ಠ ಮಟ್ಟ ರೂ 4,575.00 ಆಗಿದೆ.

ಟಾಟಾ ಕೆಮಿಕಲ್ಸ್ ಷೇರು

ಟಾಟಾ ಗ್ರೂಪ್ ಕಂಪನಿಯಾದ ಟಾಟಾ ಕೆಮಿಕಲ್ಸ್ ಕಳೆದ ಒಂದು ವರ್ಷದಲ್ಲಿ ಹೂಡಿಕೆದಾರರಿಗೆ ಉತ್ತಮ ಆದಾಯವನ್ನು ನೀಡಿದೆ. ಕಳೆದ ಜನವರಿಯಿಂದ ನೋಡಿದರೆ, ಟಾಟಾ ಕೆಮಿಕಲ್ಸ್ ಸ್ಟಾಕ್ 75 ಪ್ರತಿಶತದಷ್ಟು ಲಾಭವನ್ನು ನೀಡಿದೆ, ಆದರೆ ಈ ಸ್ಟಾಕ್ ಕಳೆದ ಒಂದು ವರ್ಷದಲ್ಲಿ 180 ಪ್ರತಿಶತದಷ್ಟು ಲಾಭವನ್ನು ನೀಡಿದೆ.

ಟಾಟಾ ಕೆಮಿಕಲ್ಸ್ ಇತ್ತೀಚಿನ ದರ

13 ಆಗಸ್ಟ್ 2021 ರಂದು NSE ಯಲ್ಲಿ ಟಾಟಾ ಕೆಮಿಕಲ್ಸ್ ಷೇರು ರೂ 877 ಕ್ಕೆ ಕೊನೆಗೊಂಡಿತು. ಹೀಗಾಗಿ, ಆಗಸ್ಟ್ 13 ರಂದು, ಈ ಸ್ಟಾಕ್ NSE ನಲ್ಲಿ ರೂ 1.15 ರೂಪಾಯಿ ಗಳಿಸಿದೆ. ಅದೇ ಸಮಯದಲ್ಲಿ, NSE ನಲ್ಲಿ ಅದರ ಒಂದು ವರ್ಷದ ಕನಿಷ್ಠ ರೂ 273.45 ಮತ್ತು ಗರಿಷ್ಠ ಮಟ್ಟ ರೂ 887 ಆಗಿದೆ.