50,000 ರುಪಾಯಿ ಖರ್ಚಿನಲ್ಲಿ KSRTC ಬಸ್‌ನಲ್ಲೇ ಕೊರೊನಾ ಕ್ಲಿನಿಕ್

ಕೊರೊನಾವೈರಸ್ ಸೋಂಕು ಪರೀಕ್ಷೆಗಾಗಿ ಕೇಂದ್ರ ಸರ್ಕಾರ, ರಾಜ್ಯ ಸರ್ಕಾರ ನಾನಾ ಪ್ರಯತ್ನಗಳನ್ನು ಮಾಡುತ್ತಿದೆ. ಇದರ ನಡುವೆ ಕೊರೊನಾ ಪರೀಕ್ಷೆಯನ್ನು ಸುಲಭಗೊಳಿಸುವ ನಿಟ್ಟಿನಲ್ಲಿ ಮೈಸೂರು ಜಿಲ್ಲಾಡಳಿತ ಈಗಾಗಲೇ ಹತ್ತಾರು ಕಡೆ ಫೀವರ್ ಕ್ಲಿನಿಕ್ ತೆರೆದಿದೆ. ಇದರ ಜೊತೆಗ ಕೆಎಸ್‌ಆರ್‌ಟಿಸಿ ಬಸ್ ಕ್ಲಿನಿಕ್ ಆಗಿ ಪರಿವರ್ತನೆಗೊಂಡಿದೆ.

ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ, ಮೈಸೂರು ಗ್ರಾಮಾಂತರ ವಿಭಾಗದಿಂದ ಪ್ರಯಾಣಿಕರ ಬಸ್ ಅನ್ನು ಮೊಬೈಲ್ ಫೀವರ್ ಕ್ಲಿನಿಕ್ ಬಸ್ ಆಗಿ ಪರಿವರ್ತಿಸಲಾಗಿದ್ದು, ಇಂದು ಈ ಸೇವೆಗೆ ಜಿಲ್ಲಾಧಿಕಾರಿ ಅಭಿರಾಮ್ ಜಿ.ಶಂಕರ್ ಚಾಲನೆ ನೀಡಿದ್ದಾರೆ.

ಈ ಮೊಬೈಲ್ ಕ್ಲಿನಿಕ್‌ನಲ್ಲಿ ರೋಗಿಗೆ ಹಾಸಿಗೆ ಮತ್ತು ವೈದ್ಯರಿಗೆ ಕ್ಯಾಬಿನ್ ಹೊಂದಿದೆ. ಜೊತೆಗೆ ಆಸನ ಸೌಲಭ್ಯ, ಮೆಡಿಸಿನ್ ಬಾಕ್ಸ್, ವಾಷಿಂಗ್ ಬೇಸಿನ್, ಸ್ಯಾನಿಟೈಜರ್, ಸೋಪ್ ಆಯಿಲ್, ಪ್ರತ್ಯೇಕ ನೀರಿನ ಸೌಲಭ್ಯ ಮತ್ತು ಫ್ಯಾನ್ ಸಹ ಇದೆ. ಕೆಎಸ್‌ಆರ್‌ಟಿಸಿ ಪ್ರಕಾರ, ಬಸ್‌ನಲ್ಲಿ ಈ ಕ್ಲಿನಿಕ್ ನಿರ್ಮಾಣದ ವೆಚ್ಚ 50,000 ರುಪಾಯಿ.