Today's Petrol, Diesel Rate: ದೆಹಲಿಯಲ್ಲಿ 80ರ ಗಡಿ ದಾಟಿದ ಡೀಸೆಲ್ ದರ
ಸತತವಾಗಿ 19ನೇ ದಿನ ದೇಶದಲ್ಲಿ ತೈಲ ಬೆಲೆ ಏರಿಕೆ ಆಗಿದೆ. ಜೂನ್ 25ನೇ ತಾರೀಕಿನ ಗುರುವಾರ ಪೆಟ್ರೋಲ್ ದರ ಲೀಟರ್ ಗೆ 16 ಪೈಸೆ ಹಾಗೂ ಡೀಸೆಲ್ 14 ಪೈಸೆ ಹೆಚ್ಚಳವಾಗಿದೆ. ಅಲ್ಲಿಗೆ ಈ ಹತ್ತೊಂಬತ್ತು ದಿನದಲ್ಲಿ ಪೆಟ್ರೋಲ್ ಒಂದು ಲೀಟರ್ ಗೆ 8.66 ರುಪಾಯಿ ಹಾಗೂ ಡೀಸೆಲ್ 10.63 ರುಪಾಯಿ ಏರಿಕೆಯಾದಂತೆ ಆಗಿದೆ.
ಡೀಸೆಲ್ ಸಾರ್ವಕಾಲಿಕ ಗರಿಷ್ಠ ದಾಖಲೆಯನ್ನು ಮುರಿಯುತ್ತಲೇ ಮುಂದುವರಿದಿದೆ. ಇನ್ನು ಪೆಟ್ರೋಲ್ ಹತ್ತೊಂಬತ್ತು ತಿಂಗಳ ಗರಿಷ್ಠ ಮಟ್ಟದಲ್ಲಿದೆ. ಕಳೆದ ತಿಂಗಳು ದಶಕಗಳಲ್ಲೇ ಕನಿಷ್ಠ ಮಟ್ಟದಲ್ಲಿ ಕಚ್ಚಾ ತೈಲ ದರ ಇದ್ದಾಗ ಸರ್ಕಾರವು ಅಬಕಾರಿ ಸುಂಕವನ್ನು ಹೇರಿತ್ತು. ಅದರ ಪರಿಣಾಮವಾಗಿ ಪೆಟ್ರೋಲ್- ಡೀಸೆಲ್ ದರ ಮೇಲ್ಮುಖವಾಗಿ ಮುಂದುವರಿದಿದೆ. ದೆಹಲಿ ಸರ್ಕಾರ ವ್ಯಾಟ್ ನಲ್ಲಿ ಹೆಚ್ಚಳ ಮಾಡಿದ್ದರಿಂದ ಪೆಟ್ರೋಲ್ ಗಿಂತ ಅಲ್ಲಿ ಡೀಸೆಲ್ ತುಟ್ಟಿ ಆಗಿದೆ.
ಪ್ರಮುಖ ನಗರಗಳಲ್ಲಿನ ಪೆಟ್ರೋಲ್- ಡೀಸೆಲ್ ದರ
ನವದೆಹಲಿ: ಪೆಟ್ರೋಲ್ 79.92- ಡೀಸೆಲ್ 80.02
ಗುರ್ ಗಾಂವ್: ಪೆಟ್ರೋಲ್ 78.15 ಡೀಸೆಲ್ 72.31
ಮುಂಬೈ: ಪೆಟ್ರೋಲ್ 86.70- ಡೀಸೆಲ್ 78.34
ಚೆನ್ನೈ: ಪೆಟ್ರೋಲ್ 83.18- ಡೀಸೆಲ್ 77.29
ಹೈದರಾಬಾದ್: ಪೆಟ್ರೋಲ್ 82.96- ಡೀಸೆಲ್ 78.19
ಬೆಂಗಳೂರು: ಪೆಟ್ರೋಲ್ 82.52 - ಡೀಸೆಲ್ 76.09