ಎರಡು ರಾಜ್ಯಗಳಿಗಾಗುವಷ್ಟು ಬಜೆಟ್ ಹಣ ಷೇರುಪೇಟೆಯಲ್ಲಿ ವಾರದಲ್ಲೇ ಉಡೀಸ್

ಕಳೆದ ವಾರ ಭಾರತ ಷೇರು ಮಾರುಕಟ್ಟೆಯಲ್ಲಿ ಮಹಾ ಕುಸಿತವಾಗಿದೆ. ದೇಶೀಯವಾಗಿ ಅತ್ಯಂತ ಮೌಲ್ಯಯುತ ಟಾಪ್ ಟೆನ್ ಕಂಪೆನಿಗಳ 3.35 ಲಕ್ಷ ಕೋಟಿ ರುಪಾಯಿ ಬಂಡವಾಳ ಮೌಲ್ಯ ಕರಗಿಹೋಗಿದೆ. ಕೊರೊನಾ ವೈರಾಣು ಭೀತಿಯಲ್ಲಿ ದೊಡ್ಡ ಪ್ರಮಾಣದಲ್ಲಿ ಈಕ್ವಿಟಿ ಷೇರುಗಳನ್ನು ಮಾರಾಟ ಮಾಡಲಾಗಿದೆ.

ನಷ್ಟ ಹೊಂದಿದ ಷೇರುಗಳಲ್ಲೇ ಮುಂಚೂಣಿಯಲ್ಲಿ ಇರುವುದು ರಿಲಯನ್ಸ್ ಇಂಡಸ್ಟ್ರೀಸ್. 99,430.93 ಕೋಟಿ ಕೊಚ್ಚಿಹೋಗಿ, ಮಾರುಕಟ್ಟೆಯ ಒಟ್ಟು ಬಂಡವಾಳ ಮೌಲ್ಯ 8,42,262.64 ಕೋಟಿ ರುಪಾಯಿಗೆ ಕುಗ್ಗಿದೆ.ಫೆಬ್ರವರಿ 28ನೇ ತಾರೀಕಿನಂದು ಸೆನ್ಸೆಕ್ಸ್ ಸೂಚ್ಯಂಕವು ಇತಿಹಾಸದಲ್ಲೇ ಎರಡನೇ ಬಾರಿಗೆ ಒಂದು ದಿನದಲ್ಲಿ ಗರಿಷ್ಠ ಕುಸಿತಕ್ಕೆ ಸಾಕ್ಷಿಯಾಯಿತು.

ಫೆಬ್ರವರಿ 28ಕ್ಕೆ ಕೊನೆಯಾದ ಆ ಒಂದು ವಾರದಲ್ಲಿ ಸೆನ್ಸೆಕ್ಸ್ 2,872.83 ಪಾಯಿಂಟ್ ಕುಸಿತ ಕಂಡರೆ, ನಿಫ್ಟಿ 879.10 ಪಾಯಿಂಟ್ ಇಳಿಯಿತು. ಇನ್ನು ಯಾವ ಕಂಪೆನಿಗಳ ಮಾರುಕಟ್ಟೆ ಬಂಡವಾಳ ಮೌಲ್ಯ ಎಷ್ಟು ಕರಗಿತು ಎಂಬ ವಿವರ ಹೀಗಿದೆ.

ಟಾಟಾ ಕನ್ಸಲ್ಟೆನ್ಸಿ ಸರ್ವೀಸ್ 58,293.29 ಕೋಟಿ

ಎಚ್ ಡಿಎಫ್ ಸಿ 33,222.99 ಕೋಟಿ

ಹಿಂದೂಸ್ತಾನ್ ಯುನಿಲಿವರ್ 15,792.31 ಕೋಟಿ

ಎಚ್ ಡಿಎಫ್ ಸಿ ಬ್ಯಾಂಕ್ 21,369.47 ಕೋಟಿ

ಇನ್ಫೋಸಿಸ್ 27,830.35 ಕೋಟಿ

ಕೊಟಕ್ ಮಹೀಂದ್ರಾ ಬ್ಯಾಂಕ್ 12,821.28 ಕೋಟಿ

ಐಸಿಐಸಿಐ ಬ್ಯಾಂಕ್ 32,736.06 ಕೋಟಿ

ಎಸ್ ಬಿಐ 22,088.41 ಕೋಟಿ

ಭಾರ್ತಿ ಏರ್ ಟೆಲ್ 11,702.17 ಕೋಟಿ

ಈಕ್ವಿಟಿ ಮಾರ್ಕೆಟ್ ಹೂಡಿಕೆದಾರರ 5,45,452.52 ಕೋಟಿ ರುಪಾಯಿ ಸಂಪತ್ತು ನಷ್ಟವಾಗಿದೆ.