ಟಾಪ್ 10 ಕಂಪೆನಿಗಳಲ್ಲಿ 6ರ ಮಾರುಕಟ್ಟೆ ಮೌಲ್ಯ ರು. 60,198 ಕೋಟಿ ಹೆಚ್ಚಳ

ಕಳೆದ ವಾರ, ಡಿಸೆಂಬರ್ 21ರಿಂದ 24ನೇ ತಾರೀಕಿನ ನಾಲ್ಕು ದಿನದ ಷೇರು ಮಾರುಕಟ್ಟೆ ವಹಿವಾಟಿನಲ್ಲಿ ಭಾರತದ ಅತ್ಯಂತ ಮೌಲ್ಯಯುತ 10 ಕಂಪೆನಿಗಳಲ್ಲಿ 6ರ ಮಾರುಕಟ್ಟೆ ಮೌಲ್ಯವು 60,198.67 ಕೋಟಿ ರುಪಾಯಿ ಹೆಚ್ಚಳವಾಗಿದೆ. ಐ.ಟಿ. ಪ್ರಮುಖ ಕಂಪೆನಿಗಳಾದ ಇನ್ಫೋಸಿಸ್, ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ (ಟಿಸಿಎಸ್) ಅತಿ ದೊಡ್ಡ ಗಳಿಕೆ ಕಂಡ ಕಂಪೆನಿಗಳಾಗಿ ಹೊರಹೊಮ್ಮಿವೆ.

ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್, ಟಿಸಿಎಸ್, ಹಿಂದೂಸ್ತಾನ್ ಯುನಿಲಿವರ್ ಲಿಮಿಟೆಡ್, ಇನ್ಫೋಸಿಸ್, ಕೊಟಕ್ ಮಹೀಂದ್ರಾ ಬ್ಯಾಂಕ್ ಮತ್ತು ಭಾರ್ತಿ ಏರ್ ಟೆಲ್- ಈ ಆರು ಕಂಪೆನಿಗಳು ಏರಿಕೆಯನ್ನು ದಾಖಲಿಸಿವೆ. ಇನ್ನು ಎಚ್ ಡಿಎಫ್ ಸಿ ಬ್ಯಾಂಕ್, ಎಚ್ ಡಿಎಫ್ ಸಿ, ಐಸಿಐಸಿಐ ಬ್ಯಾಂಕ್ ಮತ್ತು ಬಜಾಜ್ ಫೈನಾನ್ಸ್ ಇಳಿಕೆಯನ್ನು ಕಂಡಿವೆ.

ಯಾವ ಕಂಪೆನಿಯ ಮಾರುಕಟ್ಟೆ ಮೌಲ್ಯ ಎಷ್ಟು ಹೆಚ್ಚಾಗಿದೆ?
* ಇನ್ಫೋಸಿಸ್ 19,849.41 ಕೋಟಿ ರು.

* ಟಿಸಿಎಸ್ 17,204 ಕೋಟಿ ರು.

* ಎಚ್ ಯುಎಲ್ 16,035.72 ಕೋಟಿ ರು.

* ಭಾರ್ತಿ ಏರ್ ಟೆಲ್ 3,518.83 ಕೋಟಿ ರು.

* ಕೊಟಕ್ ಮಹೀಂದ್ರಾ ಬ್ಯಾಂಕ್ 2,544.02 ಕೋಟಿ ರು.

* ರಿಲಯನ್ಸ್ 1046.01 ಕೋಟಿ ರು.

ಯಾವ ಕಂಪೆನಿಯ ಮಾರುಕಟ್ಟೆ ಮೌಲ್ಯ ಎಷ್ಟು ಕಡಿಮೆಯಾಗಿದೆ?
* ಎಚ್ ಡಿಎಫ್ ಸಿ ಬ್ಯಾಂಕ್ 7,755 ಕೋಟಿ ರು.

* ಎಚ್ ಡಿಎಫ್ ಸಿ 4,445.63 ಕೋಟಿ ರು.

* ಬಜಾಜ್ ಫೈನಾನ್ಸ್ 4,121.69 ಕೋಟಿ ರು.

* ಐಸಿಐಸಿಐ ಬ್ಯಾಂಕ್ 2,263.57 ಕೋಟಿ ರು.