ಬೆಂಗಳೂರಿನ ಈ ಮೇಲ್ಸೇತುವೆ, ರಸ್ತೆ ಬಳಿ ಸಂಚಾರ ನಿರ್ಬಂಧ, ಮಾರ್ಗ ವಿವರ

ಬೆಂಗಳೂರು, ಮೇ 9: ನಾಗವಾರ ಮೇಲ್ಸೇತುವೆ ಬಳಿಯ ಸರ್ವೀಸ್ ರಸ್ತೆಯಲ್ಲಿ ಸಂಚಾರ ನಿಷೇಧಿಸಲು ನಿರ್ಧರಿಸಲಾಗಿದ್ದು, ಹೊರ ವರ್ತುಲ ರಸ್ತೆಯ ನಾಗವಾರ ಮೇಲ್ಸೇತುವೆಯಲ್ಲಿ ಸಂಚಾರ ದಟ್ಟಣೆ ತಪ್ಪಿಸಲು ಪೊಲೀಸರು ಸಂಚಾರಿ ಸಲಹೆ ನೀಡಿದ್ದಾರೆ.

ಶುಕ್ರವಾರದಿಂದ (ಮೇ 10) ಸಂಚಾರ ನಿರ್ಬಂಧಗಳು ಈ ಮಾರ್ಗದಲ್ಲಿ ಜಾರಿಗೆ ಬರಲಿವೆ. ಟ್ರಾಫಿಕ್ ಪೊಲೀಸರು ಟ್ರಾಫಿಕ್ ದಟ್ಟಣೆಯನ್ನು ಸುಧಾರಿಸಲು ಪರ್ಯಾಯ ಮಾರ್ಗಗಳನ್ನು ಬಳಸಲು ಪ್ರಯಾಣಿಕರಿಗೆ ಕರೆ ನೀಡಿದ್ದಾರೆ. ನಾಗವಾರ ಜಂಕ್ಷನ್ ಮತ್ತು ಕೆಆರ್‌ಪುರಂ ಕಡೆಯಿಂದ ಥಣಿಸಂದ್ರ ಕಡೆಗೆ ಹೋಗುವ ಪ್ರಯಾಣಿಕರು ಹೆಣ್ಣೂರು ಅಂಡರ್‌ಪಾಸ್ ಮೂಲಕ ಮಲಬಾರ್ ಜಂಕ್ಷನ್ ಬಳಿಯ ಸರ್ವೀಸ್ ರಸ್ತೆಗೆ ಪ್ರವೇಶಿಸಬೇಕು ಎಂದು ಬೆಂಗಳೂರು ಸಂಚಾರ ಪೊಲೀಸರು ಸಲಹೆ ನೀಡಿದ್ದಾರೆ.

ಕೊಡಿಗೇಹಳ್ಳಿ-ಹೆಬ್ಬಾಳ ವೃತ್ತದ ರಸ್ತೆ:

ಸಂಚಾರ ನಿರ್ವಹಣೆಯನ್ನು ಹೆಚ್ಚಿಸುವ ಉದ್ದೇಶದಿಂದ ಪ್ರತ್ಯೇಕ ಕ್ರಮವಾಗಿ ಹೆಬ್ಬಾಳ ಮೇಲ್ಸೇತುವೆ ಬಳಿಯ ಕೊಡಿಗೇಹಳ್ಳಿ ಜಂಕ್ಷನ್ ಮತ್ತು ಎಸ್ಟೀಮ್ ಮಾಲ್ ನಡುವಿನ ಸರ್ವಿಸ್ ರಸ್ತೆಯಲ್ಲಿ ವಾಹನ ಸಂಚಾರವನ್ನು ಪೊಲೀಸರು ನಿರ್ಬಂಧಿಸಿದ್ದಾರೆ. ಈ ನಿರ್ಬಂಧವು ಶುಕ್ರವಾರದಿಂದ ಪ್ರಾರಂಭವಾಗುವ ಕನಿಷ್ಠ ಒಂದು ತಿಂಗಳ ಕಾಲ ರಾತ್ರಿಯ ಸಮಯದಲ್ಲಿ ಜಾರಿಯಲ್ಲಿರುತ್ತದೆ.

ಕೊಡಿಗೇಹಳ್ಳಿ-ಹೆಬ್ಬಾಳ ವೃತ್ತದಲ್ಲಿ ಸಂಪೂರ್ಣ ನಿರ್ಬಂಧ

ಇದಲ್ಲದೆ, ಮೆಟ್ರೋ ಪಿಲ್ಲರ್‌ಗಳ ಜೋಡಣೆಯಿಂದಾಗಿ ಕೊಡಿಗೇಹಳ್ಳಿ-ಹೆಬ್ಬಾಳ ವೃತ್ತದಲ್ಲಿ ಸಂಪೂರ್ಣ ನಿರ್ಬಂಧವನ್ನು ವಿಧಿಸಲಾಗಿದೆ. ಹೀಗಾಗಿ ರಾತ್ರಿ 11 ಗಂಟೆಯಿಂದ ಬೆಳಗಿನ ಜಾವ 5 ಗಂಟೆಯವರೆಗೆ ರಸ್ತೆಯಲ್ಲಿ ಸಂಚಾರ ನಿಷೇಧಿಸಲಾಗಿದೆ. ದಾಸರಹಳ್ಳಿ ಹೆದ್ದಾರಿಯಿಂದ ಪಂಪಾ ವಿಸ್ತರಣೆಗೆ ತೆರಳುವಂತೆ ಸಂಚಾರ ಪೊಲೀಸರು ವಾಹನ ಸವಾರರಿಗೆ ಸೂಚಿಸಿದ್ದಾರೆ.

ನಂತರ, ರನ್ನ ರಸ್ತೆಯಲ್ಲಿ ಕೆಂಪುರ ಮುಖ್ಯ ರಸ್ತೆಯ ಮೂಲಕ ಎಸ್ಟೀಮ್ ಮಾಲ್‌ ಕಡಗೆ ಚಲಿಸಬೇಕು. ಎಲ್ಲಾ ಭಾರೀ ಸರಕುಗಳು ಈಗ ವಿದ್ಯಾ ಶಿಲ್ಪಾ ಜಂಕ್ಷನ್‌ನಲ್ಲಿರುವ ರ‍್ಯಾಂಪ್ ಮೂಲಕ ಹೋಗಬೇಕು ಎಂದು ತಿಳಿಸಲಾಗಿದೆ. ಅಲ್ಲದೆ, ರಸ್ತೆಯಲ್ಲಿ ಸಂಚರಿಸುವವರಿಗೆ ಯಾವುದೇ ತೊಂದರೆಯಾಗದಂತೆ ಸುಗಮ ಸಂಚಾರಕ್ಕೆ ಅಧಿಕಾರಿಗಳು ಸಹಕರಿಸುವಂತೆ ಪ್ರಯಾಣಿಕರು ಕೋರಿದ್ದಾರೆ.