ಟ್ರಯಂಪ್ ಬೈಕ್ 2500 ಸಿಸಿ 18.40 ಲಕ್ಷ ರುಪಾಯಿಗೆ ಭಾರತದಲ್ಲಿ ಬಿಡುಗಡೆ

ಬ್ರಿಟಿಷ್ ಮೂಲದ ಬೈಕ್ ತಯಾರಕ ಕಂಪೆನಿ ಟ್ರಯಂಪ್ ಮೊಟಾರ್ ಸೈಕಲ್ಸ್ ಹೊಸದಾಗಿ ರಾಕೆಟ್ 3 GT ಬೈಕ್ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ರಾಕೆಟ್ 3 GT ಬೈಕ್ ಎಂಬುದು 2019ರ ಡಿಸೆಂಬರ್ ನಲ್ಲಿ ಬಿಡುಗಡೆ ಮಾಡಿದ ರಾಕೆಟ್ 3R ಮೋಟಾರ್ ಸೈಕಲ್ ನ ಟೂರಿಂಗ್ ಅವತರಣಿಕೆ. ಈಗ ಹೊಸ ಬೈಕ್ ನಲ್ಲಿ 2500 ಸಿಸಿ ಸಾಮರ್ಥ್ಯದ ಎಂಜಿನ್ ಇರಲಿದೆ.

ಕಂಪೆನಿ ಹೇಳಿರುವ ಪ್ರಕಾರ, ರಾಕೆಟ್ 3 GT ಬೈಕ್ ಬೆಲೆ 18.40 ಲಕ್ಷ ರುಪಾಯಿ (ಎಕ್ಸ್ ಶೋ ರೂಂ ಬೆಲೆ). ರಾಕೆಟ್ 3 GT ಬೈಕ್ ಅದರ ಹಿಂದಿನ ಬೈಕ್ ಗಿಂತ 13% ಹಗುರ. ಈ ಬೈಕ್ ನಲ್ಲಿ ಆಂಟಿ ಬ್ರೇಕಿಂಗ್ ಸಿಸ್ಟಮ್ (ಎಬಿಎಸ್) ಹಾಗೂ ಹಿಲ್ ಹೋಲ್ಡ್ ಕಂಟ್ರೋಲ್ ಸಿಸ್ಟಮ್ ಹೊಂದಿರಲಿದೆ.

ಇದರ ಜತೆಗೆ ಟರ್ನ್ ಬೈ ಟರ್ನ್ ನೇವಿಗೇಷನ್ ಸಿಸ್ಟಮ್, ಕ್ರೂಸ್ ಕಂಟ್ರೋಲ್ ಹಾಗೂ ಕೀಲೆಸ್ ಇಗ್ನಿಷನ್ ಇದೆ. ಈ ವರ್ಷದ ಜನವರಿಯಿಂದ ಟ್ರಯಂಪ್ ನಿಂದ ಬಿಎಸ್- 6 ಎಂಜಿನ್ ಮಾಡೆಲ್ ಗಳನ್ನು ಬಿಡುಗಡೆ ಮಾಡಲಾಗುತ್ತಿದೆ. ಜಾಗತಿಕ ಮಟ್ಟದಲ್ಲಿ ರಾಕೆಟ್ 3 GT ಹಾಗೂ ರಾಕೆಟ್ 3R ಬೈಕ್ ಮಧ್ಯೆ ಒಂದರಿಂದ ಎರಡು ಲಕ್ಷ ವ್ಯತ್ಯಾಸ ಇದೆ.