Vuನಿಂದ 43, 50, 55 ಹಾಗೂ 65 ಇಂಚಿನ ಹೊಸ ಟೀವಿಗಳು ಬಿಡುಗಡೆ

Vu ಟೆಲಿವಿಷನ್ ನಿಂದ ಅಲ್ಟ್ರಾ 4K ಟೆಲಿವಿಷನ್ ಸಿರೀಸ್ ನಲ್ಲಿ ಹೊಸದಾಗಿ ಸ್ಮಾರ್ಟ್ ಟಿ.ವಿ. ಬಿಡುಗಡೆ ಮಾಡಲಾಗಿದೆ. ಈ ಹೊಸ ಟಿ.ವಿ. ಸಿರೀಸ್ ನಲ್ಲಿ 43, 50, 55 ಹಾಗೂ 65 ಇಂಚಿನ ಟೀವಿಗಳು ಇರಲಿವೆ. ಈ ಹೊಸ 4K ಟಿವಿ ಸಿರೀಸ್ ನಲ್ಲಿ 40% ಹೆಚ್ಚು ಬ್ರೈಟ್ ನೆಸ್, ಬ್ಯಾಕ್ ಲೈಟ್ ಕಂಟ್ರೋಲರ್, ಸರೌಂಡ್ ಸೌಂಡ್ ಇತರ ಫೀಚರ್ ಗಳು ಇವೆ.

43 ಇಂಚಿನ ಟೀವಿ ಬೆಲೆ 25,999 ರುಪಾಯಿಯಿಂದ ಆರಂಭವಾಗಲಿದೆ. 4K 65 ಇಂಚಿನ ಟೀವಿ ಬೆಲೆ 48,999 ರುಪಾಯಿ ಇರಲಿದೆ. Vu ಟೆಕ್ನಾಲಜೀಸ್ ಅಧ್ಯಕ್ಷ ಹಾಗೂ ಸಿಇಒ ದೇವಿತಾ ಸರಫ್ ಮಾತನಾಡಿ, ಕಳೆದ ಒಂದು ತಿಂಗಳಲ್ಲಿ Vu ಭಾರತದ ನಂಬರ್ 1 ಟೆಲಿವಿಷನ್ ಬ್ರ್ಯಾಂಡ್ ಆಗಿದೆ. ಮೇ ತಿಂಗಳಲ್ಲಿ 50 ಸಾವಿರಕ್ಕಿಂತ ಹೆಚ್ಚು ಟೀವಿಗಳನ್ನು ಮಾರಾಟ ಮಾಡಲಾಗಿದೆ ಎಂದಿದ್ದಾರೆ.

ಮನೆಯಿಂದ ಉದ್ಯೋಗ ಮಾಡುವ ನಮ್ಮ ಗ್ರಾಹಕರನ್ನು ಗಮನದಲ್ಲಿ ಇಟ್ಟುಕೊಂಡೇ ಟೀವಿಯನ್ನು ರೂಪಿಸಲಾಗಿದೆ. ಇಡೀ ಕುಟುಂಬದ ಮನರಂಜನೆಗೆ ಸೂಕ್ತವಾಗಿದೆ ಎಂದು ಅವರು ಹೇಳಿದ್ದಾರೆ. ಈ ಹೊಸ ಟೀವಿ ಅಮೆಜಾನ್ ಇಂಡಿಯಾದಿಂದ ಆನ್ ಲೈನ್ ನಲ್ಲಿ ಲಭ್ಯವಿದೆ. ಜೂನ್ 10ನೇ ತಾರೀಕಿನಿಂದ ವಿವಿಧ ಮಳಿಗೆಗಳಲ್ಲಿ ಕೂಡ ಖರೀದಿ ಮಾಡಬಹುದು.