ಸಿಹಿಸುದ್ದಿ! 8ನೇ ವೇತನ ಆಯೋಗ.. ಕನಿಷ್ಠ ಮೂಲ ವೇತನ 51,480 ರೂ.ಗೆ ಏರಿಕೆ.. ಯಾವಾಗ?

ಕೇಂದ್ರ ಸರ್ಕಾರಿ ಜಾರಿಗೆ ತಂದ 7ನೇ ವೇತನ ಆಯೋಗದ ಅವಧಿ ಇನ್ನೇನು ಪೂರ್ಣಗೊಳ್ಳುತ್ತಿದೆ. ನರೇಂದ್ರ ಮೋದಿ ಸರ್ಕಾರ ಸರ್ಕಾರಿ ನೌಕರರು (Government employee) ಪಿಂಚಣಿದಾರರಿಗೆ ಜನವರಿ ತಿಂಗಳಲ್ಲಿ ದೊಡ್ಡ ಸಿಹಿ ಸುದ್ದಿಯೊಂದನ್ನು ಕೊಟ್ಟಿತ್ತು. ಕೇಂದ್ರ ಸರ್ಕಾರಿ ನೌಕರರ ಬಹುದಿನದ ಬೇಡಿಕೆಗೆ 8ನೇ ವೇತನ ಆಯೋಗಕ್ಕೆ ಅಸ್ತು ಅಂದಿದ್ದ ಸರ್ಕಾರ ಯಾವಾಗ ಜಾರಿಗೆ ಬರುತ್ತದೆ ಎಂಬ ಮಾಹಿತಿಯನ್ನು ಮಾತ್ರ ಇನ್ನೂ ಬಹಿರಂಗಪಡಿಸಿಲ್ಲ.ಹಾಗಿದ್ರೆ ಕನಿಷ್ಠ ವೇತನ 51,480 ರೂ.ಗೆ ಏರಿಕೆ.. ಯಾವಾಗ? ಮೊದಲ ವೇತನ ಆಯೋಗದಿಂದ 8ನೇ ವೇತನ ಆಯೋಗದವರೆಗೆ ಏನೆಲ್ಲಾ ಬದಲಾವಣೆಗಳು ಆಗಿವೆ ಎಂಬ ಹೆಚ್ಚಿನ ಮಾಹಿತಿಯನ್ನು ಈ ಲೇಖನಲ್ಲಿ ತಿಳಿಯೋಣ ಬನ್ನಿ...

ಹೌದು, ಪ್ರಧಾನಿ ನರೇಂದ್ರ ಮೋದಿ ಅವರ ನೇತೃತ್ವದಲ್ಲಿ ನಡೆದ ಕೇಂದ್ರ ಸಚಿವ ಸಂಪುಟವು, ಇದರ ರಚನೆಗೆ ಅನುಮೋದನೆ ನೀಡಿತು.8ನೇ ವೇತನ ಆಯೋಗಈ ಆಯೋಗವು ಸುಮಾರು 50 ಲಕ್ಷ ಕೇಂದ್ರ ಸರ್ಕಾರಿ ನೌಕರರು ಮತ್ತು 65 ಲಕ್ಷ ಪಿಂಚಣಿದಾರರಿಗೆ ವೇತನ ರಚನೆ ಮತ್ತು ಭತ್ಯೆಗಳನ್ನು ಪರಿಷ್ಕರಿಸುತ್ತದೆ.

ವರದಿಗಳು ಪ್ರಕಾರ 1.92 ಮತ್ತು 2.86 ರ ನಡುವೆ ನಿಗದಿಪಡಿಸಲಾಗುವುದು ಎಂದು ಫಿಟ್‌ಮೆಂಟ್ ಅಂಶವನ್ನು ಆಧರಿಸಿದೆ.ಇದರಿಂದಾಗಿ ಕನಿಷ್ಠ ಮೂಲ ವೇತನವು ತಿಂಗಳಿಗೆ 18,000 ರೂ.ಗಳಿಂದ 51,480 ರೂ.ಗಳಿಗೆ ಏರಿಕೆಯಾಗುತ್ತದೆ. ಅದೇ ರೀತಿ, ಕನಿಷ್ಠ ಪಿಂಚಣಿ ತಿಂಗಳಿಗೆ 9,000 ರೂ.ಗಳಿಂದ 25,740 ರೂ.ಗಳಿಗೆ ಏರಿಕೆಯಾಗಲಿದೆ ಎಂಬ ನಿರೀಕ್ಷೆ ಇದೆ.

ವೇತನ ಆಯೋಗಗಳ ಪರಿಕಲ್ಪನೆಯು ಸ್ವಾತಂತ್ರ್ಯಾನಂತರದ ಭಾರತದಲ್ಲಿ ಅಸ್ಥತ್ವದಲ್ಲಿ ಇದೆ.ಆರ್ಥಿಕ ಪರಿಸ್ಥಿತಿಗಳು, ಹಣದುಬ್ಬರ ಮತ್ತು ಕಾರ್ಯಪಡೆಯ ಅವಶ್ಯಕತೆಗಳನ್ನು ಆಧರಿಸಿ ಸತತ ಆಯೋಗಗಳು ವೇತನಗಳನ್ನು ಪರಿಷ್ಕರಿಸಿ ಪುನರ್ರಚಿಸಲಾಗುತ್ತಿದೆ.

7ನೇ ವೇತನ ಆಯೋಗ (2014-2016)

ಕನಿಷ್ಠ ವೇತನ: ತಿಂಗಳಿಗೆ 18,000 ರೂ ; ಗರಿಷ್ಠ ವೇತನ: ತಿಂಗಳಿಗೆ 2,50,000 ರೂ.
ಗ್ರೇಡ್ ಪೇ ವ್ಯವಸ್ಥೆಯನ್ನು ಬದಲಿಸಿ ಪೇ ಮ್ಯಾಟ್ರಿಕ್ಸ್ ಅನ್ನು ಪರಿಚಯಿಸಲಾಯಿತು.
ಭತ್ಯೆಗಳು ಮತ್ತು ಕೆಲಸ-ಜೀವನದ ಸಮತೋಲನದ ಮೇಲೆ ಕೇಂದ್ರೀಕರಿಸಲಾಗಿದೆ.
ಫಲಾನುಭವಿಗಳು: 1 ಕೋಟಿಗೂ ಹೆಚ್ಚು (ಪಿಂಚಣಿದಾರರು ಸೇರಿದಂತೆ).

6ನೇ ವೇತನ ಆಯೋಗ (2006-2008)
ಕನಿಷ್ಠ ವೇತನ: ತಿಂಗಳಿಗೆ 7,000 ರೂ ; ಗರಿಷ್ಠ ವೇತನ: ತಿಂಗಳಿಗೆ 80,000 ರೂ.
ಪೇ ಬ್ಯಾಂಡ್‌ಗಳು ಮತ್ತು ಗ್ರೇಡ್ ಪೇ ಅನ್ನು ಪರಿಚಯಿಸಲಾಯಿತು.
ಕಾರ್ಯಕ್ಷಮತೆಗೆ ಸಂಬಂಧಿಸಿದ ಪ್ರೋತ್ಸಾಹಕಗಳಿಗೆ ಒತ್ತು ನೀಡಲಾಗಿದೆ.
ಫಲಾನುಭವಿಗಳು: ಸುಮಾರು 60 ಲಕ್ಷ ಉದ್ಯೋಗಿಗಳು.

5ನೇ ವೇತನ ಆಯೋಗ (1994-1997)

ಕನಿಷ್ಠ ವೇತನ: ತಿಂಗಳಿಗೆ 2,550 ರೂ.; ಗರಿಷ್ಠ ವೇತನ: ತಿಂಗಳಿಗೆ 26,000 ರೂ.
ವೇತನ ಶ್ರೇಣಿಗಳ ಸಂಖ್ಯೆಯನ್ನು ಕಡಿಮೆ ಮಾಡಲು ಶಿಫಾರಸು ಮಾಡಲಾಗಿದೆ.
ಸರ್ಕಾರಿ ಕಚೇರಿಗಳನ್ನು ಆಧುನೀಕರಿಸುವತ್ತ ಗಮನಹರಿಸಲಾಗಿದೆ.
ಫಲಾನುಭವಿಗಳು: ಸುಮಾರು 40 ಲಕ್ಷ ಉದ್ಯೋಗಿಗಳು.

4ನೇ ವೇತನ ಆಯೋಗ (1983-1986)
ಕನಿಷ್ಠ ವೇತನ: ತಿಂಗಳಿಗೆ 750 ರೂ., ಗರಿಷ್ಠ ವೇತನ: ತಿಂಗಳಿಗೆ 8,000 ರೂ.
ವಿವಿಧ ಶ್ರೇಣಿಗಳಲ್ಲಿ ವೇತನ ಅಸಮಾನತೆಗಳನ್ನು ಕಡಿಮೆ ಮಾಡುವ ಗುರಿಯನ್ನು ಹೊಂದಿದೆ.
ಕಾರ್ಯಕ್ಷಮತೆ-ಸಂಬಂಧಿತ ವೇತನ ರಚನೆಯನ್ನು ಪರಿಚಯಿಸಲಾಯಿತು.
ಫಲಾನುಭವಿಗಳು: 35 ಲಕ್ಷಕ್ಕೂ ಹೆಚ್ಚು ಉದ್ಯೋಗಿಗಳು.

3ನೇ ವೇತನ ಆಯೋಗ (1970-1973)
ಕನಿಷ್ಠ ವೇತನ: ತಿಂಗಳಿಗೆ 185 ರೂ.; ಗರಿಷ್ಠ ವೇತನ: ತಿಂಗಳಿಗೆ 3,500 ರೂ.
ಸಾರ್ವಜನಿಕ ಮತ್ತು ಖಾಸಗಿ ವಲಯಗಳ ನಡುವಿನ ವೇತನ ಸಮಾನತೆಗೆ ಒತ್ತು ನೀಡಲಾಯಿತು.

ಎರಡನೇ ವೇತನ ಆಯೋಗ (1957-1959)
ಕನಿಷ್ಠ ವೇತನ: ತಿಂಗಳಿಗೆ 80 ರೂ.; ಗರಿಷ್ಠ ವೇತನ: ತಿಂಗಳಿಗೆ 3,000 ರೂ.
ಆರ್ಥಿಕ ಸಮತೋಲನ ಮತ್ತು ಜೀವನ ವೆಚ್ಚಗಳ ಮೇಲೆ ಕೇಂದ್ರೀಕರಿಸಲಾಗಿದೆ.
'ಸಮಾಜವಾದಿ ಮಾದರಿಯ ಸಮಾಜವನ್ನು' ಪರಿಚಯಿಸಿದರು.
ಫಲಾನುಭವಿಗಳು: ಸರಿಸುಮಾರು 25 ಲಕ್ಷ ಉದ್ಯೋಗಿಗಳು.

ಮೊದಲ ವೇತನ ಆಯೋಗ (1946-1947)
ಕನಿಷ್ಠ ವೇತನ: ತಿಂಗಳಿಗೆ 55 ರೂ.; ಗರಿಷ್ಠ ವೇತನ: ತಿಂಗಳಿಗೆ 2,000 ರೂ.
"ಜೀವನ ವೇತನ" ಎಂಬ ಪರಿಕಲ್ಪನೆಯನ್ನು ಪರಿಚಯಿಸಿದರು.
ಫಲಾನುಭವಿಗಳು: ಸುಮಾರು 15 ಲಕ್ಷ ಉದ್ಯೋಗಿಗಳು.

8ನೇ ವೇತನ ಆಯೋಗ ಯಾವಾಗ ಬಂತು?

ಕೇಂದ್ರ ಸರ್ಕಾರಿ ನೌಕರರ ವೇತನ ಶ್ರೇಣಿಗಳು, ಭತ್ಯೆಗಳು ಮತ್ತು ಪ್ರಯೋಜನಗಳಿಗೆ ಬದಲಾವಣೆಗಳನ್ನು ಪರಿಶೀಲಿಸಲು ಮತ್ತು ಶಿಫಾರಸು ಮಾಡಲು ಕೇಂದ್ರೀಯ ವೇತನ ಆಯೋಗಗಳನ್ನು ಪ್ರತಿ 10 ವರ್ಷಗಳಿಗೊಮ್ಮೆ ರಚನೆ ಮಾಡಬೇಕು. ಆದರೆ ಈ ಆಯೋಗಗಳು ಹಣದುಬ್ಬರ ಮತ್ತು ಆರ್ಥಿಕ ಪರಿಸ್ಥಿತಿಗಳಂತಹ ಅಂಶಗಳನ್ನು ಗಣನೆಗೆ ತೆಗೆದುಕೊಳ್ಳುತ್ತವೆ. ಫೆಬ್ರವರಿ 28, 2014 ರಂದು ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರು ರಚಿಸಿದ 7 ನೇ ವೇತನ ಆಯೋಗವು ತನ್ನ ವರದಿಯನ್ನು ನವೆಂಬರ್ 19, 2015 ರಂದು ಸಲ್ಲಿಸಿತು, ಶಿಫಾರಸುಗಳನ್ನು ಜನವರಿ 1, 2016 ರಿಂದ ಜಾರಿಗೆ ತರಲಾಯಿತು.

ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಎನ್‌ಡಿಎ ಸರ್ಕಾರ ಜನವರಿ 2016ರಲ್ಲಿ 7ನೇ ಕೇಂದ್ರ ವೇತನ ಆಯೋಗದ ವರದಿಯನ್ನು ಜಾರಿಗೊಳಿಸಿದೆ. ಸದ್ಯ ಕೇಂದ್ರ ಸರ್ಕಾರಿ ನೌಕರರು, ಪಿಂಚಣಿದಾರರು ಈ ಆಯೋಗದ ವರದಿ ಅನ್ವಯವೇ ವೇತನ, ಭತ್ಯೆ, ಪಿಂಚಣಿಯನ್ನು ಪಡೆಯುತ್ತಿದ್ದಾರೆ. ಈಗ ಜನವರಿ 1, 2025ರಿಂದಲೇ ಜಾರಿಗೆ ಬರುವಂತೆ ಹೊಸ ವೇತನ ಆಯೋಗ ರಚನೆಯಾಗಲಿದೆ. 2024ರ ಲೋಕಸಭೆ ಚುನಾವಣೆ ಮುಗಿದು ಎನ್‌ಡಿಎ 3.0 ಸರ್ಕಾರ ಅಧಿಕಾರಕ್ಕೆ ಬಂದಿತು. ಆಗ ಮಂಡನೆಯಾದ 2024-25 ಪೂರ್ಣ ಪ್ರಮಾಣದ ಬಜೆಟ್‌ನಲ್ಲಿಯೇ 8ನೇ ವೇತನ ಆಯೋಗ ರಚನೆ ಘೋಷಣೆ ನಿರೀಕ್ಷೆ ಮಾಡಲಾಗಿತ್ತು. ಆದರೆ ಯಾವುದೇ ಘೋಷಣೆಯನ್ನು ಸರ್ಕಾರ ಮಾಡಿರಲಿಲ್ಲ. ಇದರಿಂದಾಗಿ ನೌಕರರಿಗೆ ನಿರಾಸೆಯಾಗಿತ್ತು.

8ನೇ ವೇತನ ಆಯೋಗ

8ನೇ ವೇತನ ಆಯೋಗದ ಅನುಮೋದನೆಗೆ ಹೆಚ್ಚಿನ ನಿರೀಕ್ಷೆಯಿದೆ, ಏಕೆಂದರೆ ಹೆಚ್ಚಿದ ಸಂಬಳವು ಬಿಸಾಡಬಹುದಾದ ಆದಾಯವನ್ನು ಹೆಚ್ಚಿಸುತ್ತದೆ. ಪರಿಷ್ಕೃತ ಪಿಂಚಣಿ ಯೋಜನೆಯು ನಿವೃತ್ತ ಉದ್ಯೋಗಿಗಳಿಗೆ ಆರ್ಥಿಕ ಪರಿಹಾರವನ್ನು ನೀಡುತ್ತದೆ.

ಆರ್ಥಿಕ ಏರಿಳಿತದ ಪರಿಣಾಮವು ರಿಯಲ್ ಎಸ್ಟೇಟ್, ಆಟೋಮೊಬೈಲ್‌ಗಳು ಮತ್ತು ಗ್ರಾಹಕ ಸರಕುಗಳಂತಹ ಪ್ರಮುಖ ಕ್ಷೇತ್ರಗಳಲ್ಲಿ ಬೇಡಿಕೆಯನ್ನು ಉತ್ತೇಜಿಸಬಹುದು.ಕಾರ್ಮಿಕ ಮತ್ತು ಉದ್ಯೋಗ ತಜ್ಞರು ಈ ನಿರ್ಧಾರವನ್ನು ಸ್ವಾಗತಿಸಿದ್ದು, ಇದು ಸರ್ಕಾರಿ ನೌಕರರ ಜೀವನ ಮಟ್ಟವನ್ನು ಸುಧಾರಿಸುತ್ತದೆ ಎಂದು ಹೇಳಿದ್ದಾರೆ.

ಕೆಲವು ಅರ್ಥಶಾಸ್ತ್ರಜ್ಞರು ಇಷ್ಟು ದೊಡ್ಡ ಪ್ರಮಾಣದ ವೇತನ ಹೆಚ್ಚಳವು ಆರ್ಥಿಕತೆಯ ಮೇಲೆ ಹಣದುಬ್ಬರದ ಒತ್ತಡವನ್ನು ಬೀರಬಹುದು ಎಂದು ಎಚ್ಚರಿಕೆಯನ್ನು ಸಹ ನೀಡಿದ್ದಾರೆ.