ರೆಡ್ಮಿ 9 ಅಗ್ಗದ ಫೋನ್ ಭಾರತದಲ್ಲಿ ಬಿಡುಗಡೆ; ಆರಂಭಿಕ ಬೆಲೆ 8,999 ರು.

ಚೈನೀಸ್ ಸ್ಮಾರ್ಟ್ ಫೋನ್ ತಯಾರಕ ಸಂಸ್ಥೆ ಶಿಯೋಮಿ ಗುರುವಾರದಂದು ಭಾರತದಲ್ಲಿ ಹೊಸ ಬಜೆಟ್ ಸ್ಮಾರ್ಟ್ ಫೋನ್ ಅನ್ನು ಬಿಡುಗಡೆ ಮಾಡಿದೆ. ರೆಡ್ಮಿ 9 ಹೆಸರಿನ 4 GB+ 64 GB ಅವತರಣಿಕೆಯ ಈ ಫೋನ್ ಆರಂಭಿಕ ಬೆಲೆ 8,999 ರುಪಾಯಿ ಇದೆ. ಇನ್ನೊಂದು 4 GB RAM ಹಾಗೂ 128 GB ಸಂಗ್ರಹಣಾ ಸಾಮರ್ಥ್ಯದ ಫೋನ್ ಬೆಲೆ 9,999 ರುಪಾಯಿ ಇದೆ.

ಈ ಸ್ಮಾರ್ಟ್ ಫೋನ್ ಮೂರು ಬಣ್ಣಗಳಲ್ಲಿ ದೊರೆಯಲಿದೆ: ಕಾರ್ಬನ್ ಕಪ್ಪು, ಸ್ಪೋರ್ಟಿ ಕಿತ್ತಳೆ, ಆಕಾಶ ನೀಲಿ ಬಣ್ಣದಲ್ಲಿ ಆಗಸ್ಟ್ 31ನೇ ತಾರೀಕಿನಿಂದ ಖರೀದಿಸಬಹುದು ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ. 6.35 ಇಂಚಿನ ಐಪಿಎಸ್ ಎಚ್ ಡಿ+ ಡಿಸ್ ಪ್ಲೇ ಜತೆಗೆ 20:9 ಆಸ್ಪೆಕ್ಟ್ ರೇಷಿಯೋ ಇರುತ್ತದೆ.

ಈ ಮೊಬೈಲ್ ಫೋನ್ ನಲ್ಲಿ ಫಿಂಗರ್ ಪ್ರಿಂಟ್ ಸೆನ್ಸರ್ ಹಾಗೂ ಎಐ (ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್) ಫೇಸ್ ಅನ್ ಲಾಕ್ ತಂತ್ರಜ್ಞಾನ ಇದೆ. ಇನ್ನು ಫೋನ್ ನಲ್ಲಿ 4G ಎರಡು ಸಿಮ್ ಕಾರ್ಡ್ ಬಳಸಬಹುದು. ಜತೆಗೆ ಮೈಕ್ರೋ ಎಸ್ ಡಿ ಕಾರ್ಡ್ ಹಾಕಲು ಅವಕಾಶ ಇದೆ. 3.5 ಎಂಎಂ ಹೆಡ್ ಫೋನ್ ಜಾಕ್ ಸಹಿತ ಬರುತ್ತದೆ.

13 MP ಮುಖ್ಯ ಕ್ಯಾಮೆರಾ ಇದ್ದು, 2 MP ಡೆಪ್ತ್ ಸೆನ್ಸರ್ ಜತೆಗೆ LED ಫ್ಲ್ಯಾಷ್ ಇರಲಿ. ಇನ್ನು 5 MP ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ಸೆಲ್ಫಿ ಕ್ಯಾಮೆರಾ ಇದೆ. 5000 mAh ಬ್ಯಾಟರಿ ಸಾಮರ್ಥ್ಯದ ಈ ಫೋನ್ ಆಂಡ್ರಾಯಿಡ್ 10ರಲ್ಲಿ MIUI 12ರಲ್ಲಿ ಕಾರ್ಯ ನಿರ್ವಹಿಸುತ್ತದೆ.