20 ವರ್ಷಗಳಲ್ಲಿ 5 ಕೋಟಿ ಹಣ ಸಂಪಾದಿಸುವುದು ಹೇಗೆ?

ಜೀವನದಲ್ಲಿ ತುಂಬಾ ಹಣ ಮಾಡಬೇಕು, ಆದಷ್ಟು ಬೇಗ ಕೋಟ್ಯಾಧಿಪತಿಯಾಗಬೇಕು ಎಂಬ ಕನಸು ಯಾರಿಗೆ ತಾನೇ ಇರಲ್ಲ? ಆದರೆ ಕೋಟಿ ಕೋಟಿ ಗಳಿಸುವ ಮಾರ್ಗಗಳೇನು, ಹತ್ತಿಪ್ಪತ್ತು ವರ್ಷಗಳ ಅವಧಿಯಲ್ಲಿ ಕೋಟ್ಯಾಧಿಪತಿ ಅನಿಸಿಕೊಳ್ಳುವುದು ಹೇಗೆ ಇತ್ಯಾದಿ ಗೊಂದಲಗಳು ಸದಾ ಕಾಡುತ್ತಿರುತ್ತವೆ. ಇದಕ್ಕಾಗಿ ಉತ್ತಮ ನೌಕರಿ, ಬಿಸಿನೆಸ್, ಉಳಿತಾಯ, ಹೂಡಿಕೆ ಹೀಗೆ ಹಲವಾರು ಮಾರ್ಗಗಳನ್ನು ಆಯ್ದುಕೊಳ್ಳುತ್ತಾರೆ. ಹಾಗಿದ್ದರೆ ಬನ್ನಿ ಮುಂದಿನ 20 ವರ್ಷಗಳಲ್ಲಿ 5 ಕೋಟಿ ಗಳಿಸುವುದು ಹೇಗೆ ಎಂಬುದನ್ನು ನೋಡೋಣ..

5 ಕೋಟಿ ಕಾರ್ಪಸ್ ಸೃಷ್ಟಿ

ನನ್ನ ವಯಸ್ಸು 40 ಮತ್ತು ಮುಂದಿನ 20 ವರ್ಷಗಳಲ್ಲಿ ರೂ. 5 ಕೋಟಿಗಳ ಕಾರ್ಪಸ್ ಸೃಷ್ಟಿಸಲು ಬಯಸುತ್ತೇನೆ. ಆದಿತ್ಯ ಬಿರ್ಲಾ ಸನ್ ಲೈಫ್ ಎಂಎನ್‌ಸಿ, ಎಚ್‌ಡಿಎಫ್‌ಸಿ ಮಿಡ್‌ಕ್ಯಾಪ್ ಆಪರ್ಚುನಿಟಿ, ಐಸಿಐಸಿಐ ಪ್ರೂ ವ್ಯಾಲ್ಯೂ ಡಿಸ್ಕವರಿ, ಎಸ್‌ಬಿಐ ಬ್ಲೂ ಚಿಪ್, ಯುಟಿಐ ಇಕ್ವಿಟಿ ಮತ್ತು ಯುಟಿಐ ಮಾಸ್ಟರ್ ಶೇರ್ ಯುನಿಟ್ ಸ್ಕೀಮ್‌ನಲ್ಲಿ ಮಾಸಿಕ ರೂ. 5,000 ಸಿಪ್ ಪ್ರಾರಂಭಿಸಿದ್ದೇನೆ. ದಯವಿಟ್ಟು ನನ್ನ ಪೋರ್ಟ್ಫೋಲಿಯೊವನ್ನು ಪರಿಶೀಲಿಸಿ.
ಪ್ರಾಬ್ಲೆನ್ ಬಾಜ್ಪೈ (ಫಿನ್ಫಿಕ್ಸ್ ರಿಸರ್ಚ್ ಮತ್ತು ಅನಾಲಿಟಿಕ್ಸ್ ವ್ಯವಸ್ಥಾಪಕ ಪಾಲುದಾರ)ಅವರಿಂದ ಉತ್ತರ:
ನಿಮ್ಮ ಪೋರ್ಟ್ಫೋಲಿಯೊ ಐದು ವಿಭಾಗಗಳಿಂದ ಆರು ಫಂಡ್ ಗಳನ್ನು ಹೊಂದಿದೆ. ಲಾರ್ಜ್ ಕ್ಯಾಪ್, ಮಿಡ್ ಕ್ಯಾಪ್, ಮೌಲ್ಯ-ಆಧಾರಿತ, ಮಲ್ಟಿ-ಕ್ಯಾಪ್ ಇತ್ಯಾದಿ. ಇವು ತಿಂಗಳಿಗೆ ಸಂಯೋಜಿತ ಹಂಚಿಕೆ ರೂ. 30,000 ದೊಂದಿಗೆ 20 ವರ್ಷಗಳಲ್ಲಿ ವಾರ್ಷಿಕ ಬೆಳವಣಿಗೆಯ ದರವನ್ನು ಶೇ. 12 ಎಂದು ಊಹಿಸಿದರೆ ರೂ. 3 ಕೋಟಿ ಕಾರ್ಪಸ್ ಸೃಷ್ಟಿಸುತ್ತದೆ. ಇದೇ ರೀತಿ ವಾರ್ಷಿಕ ಬೆಳವಣಿಗೆ ದರ ಶೇ. 12 ಎಂದು ಊಹಿಸಿ ರೂ. 5 ಕೋಟಿಗಳ ಕಾರ್ಪಸ್ ನಿರ್ಮಿಸಲು ತಿಂಗಳಿಗೆ ಸುಮಾರು ರೂ. 50,000 ಸಿಪ್ ಅಗತ್ಯವಿರುತ್ತದೆ. ವಿಶಾಲವಾಗಿ, ಒಬ್ಬರ ಕೋಟಿ ಗಳಿಕೆಯ ಪೋರ್ಟ್ಫೋಲಿಯೊಗಾಗಿ ಸುಮಾರು ಶೇ. 80 ಹಂಚಿಕೆಯ ಲಾರ್ಜ್ ಕ್ಯಾಪ್, ಮಿಡ್ ಕ್ಯಾಪ್ ಮತ್ತು ಮಲ್ಟಿ-ಕ್ಯಾಪ್ ಫಂಡ್ ಸಾಕಾಗಬಹುದು. ಹೂಡಿಕೆ ಗಮನಿಸಿದರೆ, ಮುಂದಿನ ಒಂದೆರಡು ವರ್ಷಗಳಲ್ಲಿ ಹೂಡಿಕೆ ಪ್ರಮಾಣ ಕ್ರಮೇಣ ಹೆಚ್ಚಿಸುವ ಮೂಲಕ ನಿಮ್ಮ ಗುರಿಯನ್ನು ಪೂರೈಸಬಹುದು.
ಆದ್ದರಿಂದ, ಎರಡು ದೊಡ್ಡ ಕ್ಯಾಪ್ ಫಂಡ್‌ಗಳ ಬದಲಿಗೆ- ಎಸ್‌ಬಿಐ ಬ್ಲೂಚಿಪ್ ಮತ್ತು ಯುಟಿಐ ಮಾಸ್ಟರ್ ಶೇರ್ ಯುನಿಟ್ ಸ್ಕೀಮ್ ಇವುಗಳಲ್ಲಿ ಒಂದನ್ನು ನೀವು ಹೂಡಿಕೆ ಮಾಡಬಹುದು. ನೀವು ಎಚ್‌ಡಿಎಫ್‌ಸಿ ಮಿಡ್ ಕ್ಯಾಪ್ ಆಪರ್ಚೂನಿಟಿಸ್ ಫಂಡ್ ನೊಂದಿಗೆ ಮುಂದುವರಿಯಬಹುದು.
ಮಲ್ಟಿ-ಕ್ಯಾಪ್ ವಿಭಾಗದಲ್ಲಿ, ಯುಟಿಐ ಇಕ್ವಿಟಿಗೆ ಬದಲಾಗಿ ನೀವು ಎಬಿಎಸ್ಎಲ್ ಇಕ್ವಿಟಿ ಅಥವಾ ಕೊಟಾಕ್ ಸ್ಟ್ಯಾಂಡರ್ಡ್ ಮಲ್ಟಿಕ್ಯಾಪ್ ಅನ್ನು ಪರಿಗಣಿಸಬಹುದು. ಆದಿತ್ಯ ಬಿರ್ಲಾ ಸನ್ ಲೈಫ್ ಎಂಎನ್‌ಸಿ (thematic fund) ಮತ್ತು ಐಸಿಐಸಿಐ ಪ್ರೂ ವ್ಯಾಲ್ಯೂ ಡಿಸ್ಕವರಿ (ವ್ಯಾಲ್ಯೂ ಫಂಡ್) ಎರಡೂ ಆಯಾ ವಿಭಾಗಗಳಲ್ಲಿ ಉತ್ತಮ ಫಂಡ್ ಗಳಾಗಿದ್ದು, ನಿಮ್ಮ ಪೋರ್ಟ್ಫೋಲಿಯೊಗೆ ವೈವಿಧ್ಯ ಆಯಾಮಗಳನ್ನು ಒದಗಿಸುತ್ತವೆ. ಆದರೆ ಇವು ಕೋರ್ ಪೋರ್ಟ್ಫೋಲಿಯೊದ ಭಾಗವಾಗಿರದ ಕಾರಣ, ಅವುಗಳ ಕಡೆಗೆ ಹಂಚಿಕೆಗಳನ್ನು ಸುಮಾರು ಶೇ. 20ರಷ್ಟು ಇರಿಸಿ.

ಅಪಾಯದ ಎಚ್ಚರಿಕೆ

ಅಪಾಯ-ಹಸಿವಿನ ಬಗ್ಗೆ ಯಾವುದೇ ಉಲ್ಲೇಖವಿಲ್ಲದ ಕಾರಣ ನೀವು ಅದಕ್ಕೆ ಅನುಗುಣವಾಗಿ ಹಂಚಿಕೆಗಳನ್ನು ಬದಲಿಸಬಹುದು. ಒಟ್ಟಾರೆಯಾಗಿ, ಹಂಚಿಕೆಗಳನ್ನು ನೀವು ನಿರ್ಧರಿಸಿದ ನಂತರ ಮುಂದುವರೆಯಿರಿ. ವಾರ್ಷಿಕವಾಗಿ ಹಣವನ್ನು ಪರಿಶೀಲಿಸಿ ಮತ್ತು ಅಲ್ಪಾವಧಿಯ ಕಾರ್ಯಕ್ಷಮತೆಯ ಆಧಾರದ ಮೇಲೆ ಫಂಡ್ ನ್ನು ತೊರೆಯಬೇಡಿ. ವಿಶೇಷವಾಗಿ ಮಾರುಕಟ್ಟೆ ಕುಸಿತದ ಸಮಯದಲ್ಲಿ ನಿರ್ಗಮಿಸಿಬೇಡಿ.

ಈ ಫಂಡ್ ಆಯ್ಕೆ ಮಾಡಬಹುದೇ?

ನನ್ನ ವಯಸ್ಸು 60 ಮತ್ತು 2014 ರಿಂದ ಮಾಸಿಕ ಸಿಪ್ಗಳ ಮೂಲಕ ಈ ಕೆಳಗಿನ ನಿಧಿಗಳಲ್ಲಿ ಹೂಡಿಕೆ ಮಾಡುತ್ತಿದ್ದೇನೆ:
ಐಸಿಐಸಿಐ ಪ್ರು ಲಾರ್ಜ್ & ಮಿಡ್ ಕ್ಯಾಪ್ ಮತ್ತು ಎಬಿಎಸ್ಎಲ್ ಫೋಕಸ್ಡ್ ಇಕ್ವಿಟಿಯಲ್ಲಿ ತಲಾ ರೂ. 7,500, ಮತ್ತು ಫ್ರಾಂಕ್ಲಿನ್ ಇಂಡಿಯಾ ಸ್ಮಾಲರ್ ಕಂಪನಿಸ್ ಮತ್ತು ಎಚ್‌ಡಿಎಫ್‌ಸಿ ಟಾಪ್ 100 ರಲ್ಲಿ ತಲಾ ರೂ. 2,500. ಅಲ್ಲದೆ, ಈ ವಯಸ್ಸಿನಲ್ಲಿ ಪಿಪಿಎಫ್ ಖಾತೆ ತೆರೆಯುವುದು ಸೂಕ್ತವೇ?
ರಾಜ್ ಖೋಸ್ಲಾ (ಮೈಮನಿಮಂತ್ರ.ಕಾಂ ಸ್ಥಾಪಕ ಮತ್ತು ವ್ಯವಸ್ಥಾಪಕ ನಿರ್ದೇಶಕ)ಉತ್ತರಿಸುತ್ತಾರೆ:
ನಿಮ್ಮ ಬಂಡವಾಳವು ಮಧ್ಯಮದಿಂದ ದೀರ್ಘಕಾಲೀನ ಗುರಿಗಳಿಗೆ ಸಮತೋಲಿತವಾಗಿದೆ. ಆದರೆ ಮಧ್ಯಮವಾಗಿ ಹೆಚ್ಚಿನ ಅಪಾಯವನ್ನು ಹೊಂದಿರುತ್ತದೆ. ಡೆಬ್ಟ್ ಫಂಡ್ ಗಳಲ್ಲಿ ಹೂಡಿಕೆ ಮಾಡುವ ಮೂಲಕ ರಿಸ್ಕ್-ರಿಟರ್ನ್ ಅನುಪಾತವನ್ನು ಸಮತೋಲನಗೊಳಿಸುವುದು ಸೂಕ್ತವಾಗಿದೆ. ಐಸಿಐಸಿಐ ಪ್ರು ಲಾರ್ಜ್ & ಮಿಡ್ ಕ್ಯಾಪ್ ಮತ್ತು ಎಬಿಎಸ್ಎಲ್ ಫೋಕಸ್ಡ್ ಇಕ್ವಿಟಿಯಲ್ಲಿನ ಹೂಡಿಕೆಗಳನ್ನು ತಲಾ ರೂ. 2,500 ರಿಂದ ಕಡಿಮೆ ಮಾಡಿ ಮತ್ತು ಎಚ್‌ಡಿಎಫ್‌ಸಿ ಟಾಪ್ 100 ನಲ್ಲಿನ ಹೂಡಿಕೆಯನ್ನು ರೂ. 2,500ಗಳಿಂದ ಹೆಚ್ಚಿಸಿ. ರಿಟರ್ನ್ ವಿಷಯದಲ್ಲಿ ಹೆಚ್ಚು ಸ್ಥಿರವಾಗಿರುವುದರಿಂದ ಫ್ರಾಂಕ್ಲಿನ್ ಇಂಡಿಯನ್ ಸ್ಮಾಲ್ ಕಂಪನಿಸ್ ನಿಂದ ಫ್ರಾಂಕ್ಲಿನ್ ಇಂಡಿಯಾ ಕಾರ್ಪೊರೇಟ್ ಡೆಬ್ಟ್ ಫಂಡ್ ಗೆ ಬದಲಿಸಿ ಹೂಡಿಕೆಯನ್ನು ರೂ. 2,500 ಹೆಚ್ಚಿಸಿ.

ವಾರ್ಷಿಕವಾಗಿ ನಿಮ್ಮ ಸಿಪ್ (SIP) ಕೊಡುಗೆಗಳನ್ನು ಶೇ. 5-10ರಷ್ಟು ಹೆಚ್ಚಿಸಿ. ಪ್ರತಿ ವರ್ಷ ಪೋರ್ಟ್ಫೋಲಿಯೊವನ್ನು ಪರಿಶೀಲಿಸಿ ಮತ್ತು ಮರು ಸಮತೋಲನಗೊಳಿಸಿ. ಡೆಬ್ಟ್ ವಿಭಾಗಗಳಿಗೆ ಬದಲಾಯಿಸುವ ಮೂಲಕ ಗುರಿಗಳು ಹತ್ತಿರದಲ್ಲಿರುವಾಗ ಅಪಾಯವನ್ನು ಕಡಿಮೆ ಮಾಡಿ. ನೀವು ಪಿಪಿಎಫ್ ಅನ್ನು ಆರಿಸಬೇಕಾಗಿಲ್ಲ. ಏಕೆಂದರೆ ಅದು 15 ವರ್ಷಗಳ ಲಾಕ್-ಇನ್ ಅವಧಿಯನ್ನು ಹೊಂದಿದೆ ಮತ್ತು ಓಪನ್ ಎಂಡ್ ಸ್ಕೀಮ್‌ಗಳಲ್ಲಿ ಹೂಡಿಕೆ ಮಾಡಬೇಕು.

ಸೂಚನೆ

ಈ ಅಂಕಣದಲ್ಲಿ ವ್ಯಕ್ತವಾದ ಅಭಿಪ್ರಾಯಗಳು ಲೇಖಕರ ಅಭಿಪ್ರಾಯಗಳಾಗಿರುತ್ತವೆ. ಇದಕ್ಕೆ ಕನ್ನಡಗುಡ್ ರಿಟರ್ನ್ಸ್ ಜವಾಬ್ದಾರರಾಗಿರುವುದಿಲ್ಲ. ಮಾರುಕಟ್ಟೆಯ ಬಗ್ಗೆಯ ಸ್ವಯಂ ಜ್ಞಾನ ಮತ್ತು ಕೌಶಲ್ಯ ಹೊಂದುವ ಮೂಲಕ ಹೂಡಿಕೆ ಮಾಡುವುದು ಸುರಕ್ಷಿತ. ಅದರಲ್ಲಿನ ಅಪಾಯ ಮತ್ತು ಆದಾಯ ಎರಡನ್ನು ಅರಿತು ಹೆಜ್ಜೆಯಿಡಿ.